المدن الجديده هى الحل يا جماعة مع توافر الخدمات بها
عرض للطباعة
المدن الجديده هى الحل يا جماعة مع توافر الخدمات بها
مرحبا.
إلى كل إنسان صاحب ضمير، فقط ضع ورقة بحجم الكارت فيها تليفونك، على التابلوه، تنقذ كوتشات عربيتك، من ناحية وقد تنقذ روح بني ادم من ناحية تانية الناس اعذار وفي بلاد بره بيعملوا كده وده مش عيب ولا حرام وبعد ماتمشي شيل الرقم تاني.
وشكراً.
معلش
مش حرام فيه اي حاجة
العين بالعين والسن بالسن والبادي اظلم
واحب بردة اقول مش حرام انو كان يدلق زيت باكم علي عربيتها
مخدتش بالها ان دا جراج ؟
لو مخدتش بالها يبقي غير مؤهلة انها تقود سيارة ولا انا كلامي غلط؟
لو حد فاكر كنت عامل موضوع قبل كدة عن واحد كان بيركن ويقفل عليا الجراج والشارع مدخل للبيت
خاص بالعقار فقط
وكان بيعمل كدة عند
مهما اهوي الكوتش مهما اعمل
اكتبلة علي الزجاج مفيش فايدة
اجرح مفيش
لحد مكسرتلة العربية ميت حتة من اصغر حتة لاكبر حتة
وجبت ونش خاص من علي حسابي شال العربية ورماها في الطريق الصحراوي
ومن ساعتها والله مفتح بوقة وجاب عربية تانية ولو الدنيا كلها مليانة عنده يبيع العربية ولا يركنها قريب من الشراع عندي
احب اقول حاجة واحدة بس
برة القانون بيتنفذ عشان مفيش عندهم حرام وحلال
لكن بما اننا بناخد بالحرام والحلال هنقول حرام نرمي زيت باكم وحرام نهويلة الكوتش الخ الخ الخ
لكن مش حرام يعطل مصالح الناس؟
مهو لو اتقرص ودنة هيتعلم بعد كدة راكن فين وهيتعلم يحترم حقوق الاخرين
لو دفعت دم قلبها علي العربية هتتعلم تبص كويس هي راكنة فين قبل متركن وهتعمل حساب اليوم دا
دا حتي المثل بتاع زمان بيقول محدش بيتعلم ببلاش
هتقولي ترضاها لنفسك
هقولك اة
وارضي كمان ان عربيتي تتحرق
لو انا راكن غلط
او عطلت مصلحة حد
لو عملت حاجة غلط
استاهل ومش هفتح بقي خالص وهتعلم
لا حول ولا قوة الا بالله ربنا يبعدنى عنك ياعم يالى بتكسر العربيات ههههههههههه
اوعى تكون جى فطار المنتدى مش عايز اركن جنبك هههههههههههه
ربنا يهدينا جميعا
كل سنه و الجميع بخير
و ان شاء الله نشوفكوا بخير فى افطار المنتدى
بس خدوا بالكو من الركنه.
تحياتى..
حتى لو بلغت المرور .. المرور نفسه مش هاييجي قبل ساعتين تلاتة
أنا مرة فعلا عملت كدة ... كان في عربية شيفورليه كروز وكانت لسة أول ما نزلت جديدة وصاحبها مركبلها فاميه ومظبطها آخر تظبيط وقفل عليا وأنا راكن عمودي ولازق فية بدرجة لا تسمح لي بالخروج نهائيا بالقرب من السراج مول في مدينة نصر ... أخبط عليها مافيش فايدة الناس دخلت قعدت تدور معايا في المول على صاحبها مافيش فايدة ... كلمت النجدة وطلبت ونش مرور عشان أعرف أمشي .. طبعا عقبال النجدة ما جت بعد أربع ساعات وأنا واقف في الشارع أنا والمدام والأولاد مش عارف أروح ... طبعا في خلال الأربع ساعات دول وأنا بدور على صاحب العربية ومش لاقيه خليتهم في المول يندهوا عليه في الميكروفون أكتر من عشر مرات
وطبعا لما الونش جه بعد الإتصال أكتر من عشرين مرة بالنجدة والمحايلة عليهم راح رافع العربية من قدام وساحبها ومن آثار رفع العربية إن الإكسدام من قدام تحت إكسّر والرعبية اتبهدلت ... وفجأة ألاقي صاحب العربية طالع من محل وبيجري وراها وبيقول في إيه ورايح يتخانق معايا ومع ضابط المرور المسئول عن الونش وبيقوللي قال إيه "ما أنا قاعد جوة المحل ما جتش تقوللي ليه وأنا أحركهالك"
تخيلوا طلع صاحب المحل اللى جوة المول وليه باب من برة يشوف العربية على طول ,,, وبعد كل المناداة في الميكروفون بتاع المول والتدوير عليه جاي يقوللي ماقولتليش ليه ... هو انا المفروض أعرف إنك صاحبها إزاي يعني ما احنا بقالنا أربع ساعات بننده على صاحب العربية رقم كذا في الميكروفون بتاع المول
طبعا أحلى عقاب ليه إن العربية اتسحبت على المرور واتبهدلت وفضل مش أققل من اسبوع عقبال ما يطلعها لإنها كمان لازم تدخل فحص من أول وجديد عشان الفاميه
ونعم التصرف عشان يبقى يركن ويقفل علي حد بعربيه اوتو ملهاش n بعد كده :)
انا مره فضلت اهزء في واحده كانت ب بجيتا وقافله عليا عمودي كده برضه ولما نزلتها من العماره اللي كانت فيها تقولي طب انا ذنبي ايه مفيش راكنه اركن فيها
هي قالتلي كده وعليكو ان تتخيلو ردي عليها كان ايه (كانت تقريبا حتعيط من الكسفه والجمله اللي قالتها دي)