السلام عليكم ورحمه الله

**gym1974** · 30-07-2012 12:58 PM

كل عام وانتم بخير وفى اتم صحة واحسن حال سؤال بعد اذن حضرتكم حد يعرف معرض بيأجر جين تو او بيرسونا لآنى بصراحة العربية ده عجبانى وبفكر اشتريها ومعرفشى حد معاه العربية علشان اجربها وهل العربية ده لها مراكز صيانه كتير بخلاف التوكيل انا معايا دلوقتى رينو كليو فهل الجين تو او البيرسونا هتكون نقلة بالنسبة لى على فكرة كل طلباتى فى العربية تكون ثابتة على الطريق لأنى بسافر كتير ومشاوير طويلة زى شرم الشيخ كده ومش فارق معايا اى حاجة تانية قطع غيار بنزين وخلافه وجزاكم الله كل خير

**MohammedAladel** · 30-07-2012 01:15 PM

هنا ع المنتدى مشفتش حد بيشكر فى عز العرب خصوصا فى قطع الغيار غير الاستهلاكية بالنسبة للثبات برضه ملاكها هنا فى المنتدى بيقولوا إنها ثابتة جدا بالنسبة للشكل الجين تو جميلة الصراحة لكن توكيل رينو أفضل طبعا

**Nistelrooy** · 30-07-2012 01:19 PM

وعليكم السلام ورحمة الله وبركاته

عايز تجربها فية تيست درايف في التوكيل ..

خش علي السايت بتاعهم وشوف واحجز .. :)

بس يارب يردوا عليك بس !!

**khalid_adel** · 30-07-2012 01:25 PM

لو مردوش عليك
روح عز العرب اللي على طريق مصر اسكندريه الصحراوي (قبل داندي مول) وخش قولهم انا حجزت تست درايف ومحدش رد عليا فقولت اجيلكو بنفسي عشان اجربها وهما هناك محترمين الصراحه وحيدوهالك
وهي الصراحه كعربيه اختيار جيد جدا ومعقوله في كل شئ والتوكيل خليك معاهم في الاول عشان الضمان (ضمانهم كويس) وبعد كده لما تطمن وتكون عرفت فيها اكتر ابقى كمل بره براحتك