السلام عليكم
وكل عام وانتم بخير
دلوقتى بالنسبه لليمجان فوق 2005 كامله اوتومتايك ايه رايكم فيها
هل فعلا ملهاش قطع غيار ومحدش بيشتغل فيها
ولازم التعامل مع التوكيل ؟
عرض للطباعة
السلام عليكم
وكل عام وانتم بخير
دلوقتى بالنسبه لليمجان فوق 2005 كامله اوتومتايك ايه رايكم فيها
هل فعلا ملهاش قطع غيار ومحدش بيشتغل فيها
ولازم التعامل مع التوكيل ؟
ليها قطع غيار ليها ناس بتتعامل وفاهمين فيها أذا كان أنا مالكها وبتعامل معاها وشايفها بسيطة توكيلها يعتبر أفضل توكيل خدمة لسياراته فى مصر قطع غيارها مش غالية ولا حاجة عربية جميلة وبسعر معقول جدا
عربيه محترمه جدااا بس بلاش ال 2005 منها وفي ناس كتير فاهمه بتشتغل فيها
قطع غيرها زي الالماني ممكن تكون غاليه شويه بس معمره
شكرا ليكوا
بصراحه عجبنى الابوشن الكتير الى فيها
لو حبيت دلوقتى المفروض افكر فى موديل كام ؟
وتعمل كام ؟
متجبش اقل من 2007 نصيحه لو انت غاوى لان كل الشكاوى او اغلبها من 2005 و 2006
بصراحة أنا شايف إن ال 2005 مش كلها شكاوى ولا حاجة ياريت اللى يتكلم يقول إيه المشكلة اللى فيها يعنى الناس اللى معاهم ميجان 2005 منكدة عليهم حياتهم وتاعباهم ؟ استنى الرد من ملاك 2005 هما أكتر ناس هيفيدوك وبعدين العيب اللى انا مش شايف إنه يستحق االاهتمام إن كان فيه نتشة فى الفتيس الأوتوماتيك مع النقل للتانى ودا كان بيخف مع السوفت وير الجديد للفتيس فى التوكيل يعنى بصراحة كلها إشاعات والعربية ممتازة كفاية سعرها الواقع إنك تركب عربية تساوى 100 ألف مستعملة بالنسبة لغيرها وأنت بتشتريها بسعر أقل من كدا بكتير مستعملة
http://www.nilemotors.net/Nile/301257-a.html
والله الواحد مش عارف حاجه الرابط ده لواحد سال على العربيه
بص يا باشا
معظم اللى بتواجههم مشاكل مع ال 2005 هتلاقيهم شارينها مستعملة و غالباً مش متحافظ عليها.......دى وجهة نظرى فى الموضوع.
أنا واحد من الناس كان معايا فى مصر 2005 جايبها زيرو.........معظم المشاكل اللى قابلتنى أنا شايفها مشاكل عادية..........و هنا معايا 2007 جايبها مستعملة.....تعبتنى أكتر من ال 2005
هو المقياس و أنت بتشترى يكون نضافة العربية أكتر من موديل كام.
و برضه مش هنكر أن فيه فى موديل 2005 بعض القطع اللى كانت نازلة فيها و كانت بتبوظ بسرعة أكبر من المتوقع...........بس كلها حاجات أستهلاكية هتلاقيها أتغيرت لأن العربية عدى عليها 7 سنين دلوقتى.
يعنى على سبيل المثال الكويلات............هاتلى عربية موديل 2005 تكون ماشية لحد دلوقتى و مغيرتش كويلات.
الكويلات دى هى نفس وظيفة البوبينة بس فى حالة الميجان عندك على كل بوجيه واحدة.....و ده بيخلي لو فيه كويل باظ العربية تمشى عادى بس تقطع شوية...........عكس لو فيه بوبينة واحدة بتدى للأربع بوجيهات و باظت يبقى أنت كده عطلت.
قطع الغيار رخيصة مش غالية فى الإجمالى.......بس برة التوكيل
يعنى على نفس المثال بتاع الكويلات
برة التوكيل موجود ماركات و صناعات كتير..........صينى و تركى و غيره أسعارهم تبدأ من 150 أو 130 لحد 400 تقريباً و حسب معرفتى دى بيبقى زى اللى فى التوكيل بالظبط.
فى التوكيل كان أخر سعر أعرفه 525 جم ( الكلام ده يجى من 4 سنين ) و مش فاكر كان بالتركيب و الضرايب ولا لأنى مغيرتش غير كويل واحد مرة واحدة على حسابى.......الباقى كان متغير فى الضمان.........و منهم 2 متغيرين بعد ما الضمان خلص كمان علشان أنا كنت مواظب على الصيانات معاهم.