ياجماعه حد يعرف بديل لمساعين الساجا الامامى

**mosho1985** · 30-07-2012 06:35 PM

لو سمحتوا لو حد يعرف بديل لمساعدين الساجا الامامى ياريت يقولى لانى سئلت عليهم فى التوكيل حيوصلوا 950 غير التركيب يعنى حدخل فى 1300 ولا حاجه

**yaseenmohamed** · 31-07-2012 12:17 AM

عليك وعلي الاستاذ / صلاح حكيم هو ما شاء الله دايس في موضوع البدائل الخاصه بالساجا وربنا يوفق

**abokoko** · 31-07-2012 12:48 AM

الساجا عربيه حديثة
ليه هتغير المساعدين
؟

**SALAHHAKIM** · 31-07-2012 01:13 AM

سعر المساعد الامامي 374 جنية في التوكيل وبيضاف 10 % ض م + ساعة تركيب 80 جنية +ض م 8 جنية
ممكن تحصل علي عرض خاص بجروب Saga Egypt Club علي الفيس بوك من مركز عصام وصفا او مركز اتو ماجد والاثنين احسن من بعض حتي الان المهم حتاخد خصم 25% مصنعيات و10% علي قطع الغيار
اما بالنسبة لبديل جاري البحث ولكن معتقدش تلاقي مساعد ابن ناس بأقل من كدة
واخيراً الضمان ممتد حتي 100الف كم او 3 سنوات ايهما اقرب

**marsguy** · 31-07-2012 04:34 AM

بعد إذن صاحب الموضوع:

بصراحه أنا كمان العفشه عندي بقت مش كويسه خالص

كنت باسمع صوت تزييق بشع من العجله الأماميه يمين كإني راكب عربيه موديل 1964. ورحت لعصام صفا والفني قال لي كله تمام والعفشه سليمه قلتله تعالى جرب معايا وهاسمعك الصوت بنفسك.

طلع معايا وسمعته الصوت وحاول ينكر إنه سامع في الأول وبعد كده سمعته أكتر من مره وإقتنع فعلاً بس قال لي: هو إنت بتغسل العربيه بمياه؟ قلت له طبعاً، قال لي نعالنا في يوم بدري نفكلك المقص ونشوفه.

صوت التزييق كان عالي أوي وبعد كده إختفى لوحده بس باسمع تخبيط شديد لما أعدي على حته مثلاً زي اللي الأسفلت بيكون بايظ فيها في الملفات مطرح الأوتيبيسات ما بتلف.

الخلاصه إني مش بافهم أوي في العفشه وعاوز حد يكشف يقول لي إيه اللي بايظ بالظبط عشان لما أروح التوكيل وأطالب بتغييره أبقى باتكلم بثقه.

يا ترى مين يكون فاهم في عربيات بروتون يقد يكشف لي على العفشه؟

شكراً

**mosho1985** · 31-07-2012 04:52 AM

المشاركة الأصلية كتبت بواسطة salahhakim

سعر المساعد الامامي 374 جنية في التوكيل وبيضاف 10 % ض م + ساعة تركيب 80 جنية +ض م 8 جنية
ممكن تحصل علي عرض خاص بجروب saga egypt club علي الفيس بوك من مركز عصام وصفا او مركز اتو ماجد والاثنين احسن من بعض حتي الان المهم حتاخد خصم 25% مصنعيات و10% علي قطع الغيار
اما بالنسبة لبديل جاري البحث ولكن معتقدش تلاقي مساعد ابن ناس بأقل من كدة
واخيراً الضمان ممتد حتي 100الف كم او 3 سنوات ايهما اقرب

طيب هل ضمان المساعدين ممتد لضمان العربيه يعنى انا مثلا عامل 27000 كده ممكن يتغيروا فى الضمان