كلام سليم
الغريب انه ماسك على 75 ومش عايز ينزل حتى 500 جنيه والمعروف ان اى عربيه مستعمله لازم تصرف ودى مش اى عربيه دى الميجان
وللاسف احنا من اسكندريه ومش عارف الفرع الى عندنا بنفس كفائة الى فى القاهره ولا لا ؟؟ تنصح بايه؟؟
مع احترامى للأسعار المكتوبه العربيه ما تساويش اكتر من 65 الف
الشكل الجديد موديلات 2008 واكتر من 70 الف لغايه ال 80 الف بنفس الحاله الفابريقه و الكيلو متر
اتأنى فى الشراء و دور كويس
على حد علمى أن فرع الأسكندرية كويس............بس أنا مدخلتهوش غير مرة واحدة بس كنت فى الساحل و العربية خبطها كلب و هى ماشية :)
أيوة الكلب اللى خبطها مش هى اللى خبطته...........كنت ماشى فى أمان الله و المرحوم جه من جنب الطريق رشق فى الرفرف اليمين و الأكصدام
رحت علشان أربط الأكصدام كويس و أربط الفوج علشان ميقعش.
أنا بصيت بصة على كونتاكت و لقيت أن كلامك صح
بس أنا ليه ملحوظة عامة
من كام سنة كان فيه حوار على المنتدى عن إعلان على كونتاكت عن عربية ميجان مش فاكر 2005 ولا 2006 و مطلوب فيها 59 ألف أو يمكن أقل شوية
اللى فكرنى بيه أنى لاقيت دلوقتى إعلان عن 2008 ب 69 ألف.
بص أنا كلمت الراجل الأولانى ساعتها و قولت له الأتى
أنا كان معايا عربية زيها لمدة سنتين و عارف العربية كويس و عاوز أشترى واحدة تانية بس عاوزها نضيفة........فياريت تقولى العربية فيها أيه علشان منضيعش وقت بعض.
بعد ما كان كاتب أنها راشة أجزاء نضافة أو راشة كلها نضافة قالى العربية مغيرة نص ورانى !!!!!
قصدى من الكلام أنك هتلاقى أسعار قليلة........بس العبرة بنضافة العربية
لو واحد محافظ على عربيته مش هيخسف بتمنها الأرض.........لما يجى يعمل إعلان هيدور على الموديلات المشابهة ليها و يحط أعلى سعر فيهم أو أقل حاجة بسيطة لو عاوز يخلص.....اللهم لو هو مزنوق مادياً و عاوز فلوس بسرعة قوى..........بس برضه مش هينزل من تمن العربية 10 ألاف مرة واحدة.
سؤال معلش: هيا العربية دى بتاعة واحد اسمه خالد زاهر من محرم بك ورقم التليفون 01114353538 والعربية بإسم والده ؟؟؟؟؟؟؟؟؟؟؟؟؟؟؟
معلش على السؤال بس لو هيا العربية أنا كمان اتصلت سألت عليها وقالى انها فبريكة بالكامل لون فرانى هاى لاين بانوراما وفعلا مرضيش ينزل ولا جنيه وقالى ان فى واحد جه بص عليها وحاول ينزلها ل 74500 ووالده مرضيش وكل العيب اللى فى العربية ان فيها كارت واحد بس والتانى ضايع وكمان قالى انه بيعمل الصيانة برة التوكيل عند واحد اسمه حمدى رينو فى اسكندرية
انا قلتلك كل المعلومات اللى انا عرفتها من الراجل عشان لو هيا نفس العربية يبقى فى اختلاف فى الكلام ومهم تتأكد من حالة العربية
على فكرة انا كنت هحدد معاد أروح ابص على العربية بس هستنى الرد من حضرتك للتأكد من حالة العربية
طيب الرقم كان 01112111317 ؟؟؟؟؟؟؟؟؟؟؟ ومش هتفرق اللون رصاصى زى الفرانى
والإعلان اللى انت بتتكلم عليه كان على موقع تانى غير كونتكت كار
العربية دى كانت على كونتكت كار من حوالى اسبوع أو اكتر شوية وبعدين اتشالت وانا كنت بدور على مواقع تانية لقيتها موجودة وفعلاً مكتوب فى الاعلان المعمورة
الرقم الأول ده بتاع الأستاذ خالد زاهر اللى هوا ابن صاحب السيارة
أما الرقم الاخير ده بتاع الوالد مالك السيارة وده أنا لسة مكلمه النهاردة وكنت هروح أشوف السيارة بكرة بس على أساس انها فبريكة بالكامل ومفيهاش اى مشكلة خالص غير موضوع الكارت
هوا الراجل مقلش انها شكل جديد ولا قديم وانا مسألتش على اساس ان 2007 هتكون الشكل الجديد
بس كدة انا قلقت علشان الراجل قالى انها فبريكة وقالك انها رشة اكصدام ورفرف وكمان طلعت الشكل القديم
وده تليفونى لو حبيت تستفسر عن اتصالى بمالك السيارة 01009575145