اقتباس المشاركة الأصلية كتبت بواسطة hossam_elwani مشاهدة المشاركة
كلام سليم

الغريب انه ماسك على 75 ومش عايز ينزل حتى 500 جنيه والمعروف ان اى عربيه مستعمله لازم تصرف ودى مش اى عربيه دى الميجان

وللاسف احنا من اسكندريه ومش عارف الفرع الى عندنا بنفس كفائة الى فى القاهره ولا لا ؟؟ تنصح بايه؟؟

على حد علمى أن فرع الأسكندرية كويس............بس أنا مدخلتهوش غير مرة واحدة بس كنت فى الساحل و العربية خبطها كلب و هى ماشية :)

أيوة الكلب اللى خبطها مش هى اللى خبطته...........كنت ماشى فى أمان الله و المرحوم جه من جنب الطريق رشق فى الرفرف اليمين و الأكصدام

رحت علشان أربط الأكصدام كويس و أربط الفوج علشان ميقعش.

اقتباس المشاركة الأصلية كتبت بواسطة mohamed1979 مشاهدة المشاركة
مع احترامى للأسعار المكتوبه العربيه ما تساويش اكتر من 65 الف
الشكل الجديد موديلات 2008 واكتر من 70 الف لغايه ال 80 الف بنفس الحاله الفابريقه و الكيلو متر
اتأنى فى الشراء و دور كويس
أنا بصيت بصة على كونتاكت و لقيت أن كلامك صح

بس أنا ليه ملحوظة عامة

من كام سنة كان فيه حوار على المنتدى عن إعلان على كونتاكت عن عربية ميجان مش فاكر 2005 ولا 2006 و مطلوب فيها 59 ألف أو يمكن أقل شوية

اللى فكرنى بيه أنى لاقيت دلوقتى إعلان عن 2008 ب 69 ألف.

بص أنا كلمت الراجل الأولانى ساعتها و قولت له الأتى
أنا كان معايا عربية زيها لمدة سنتين و عارف العربية كويس و عاوز أشترى واحدة تانية بس عاوزها نضيفة........فياريت تقولى العربية فيها أيه علشان منضيعش وقت بعض.

بعد ما كان كاتب أنها راشة أجزاء نضافة أو راشة كلها نضافة قالى العربية مغيرة نص ورانى !!!!!

قصدى من الكلام أنك هتلاقى أسعار قليلة........بس العبرة بنضافة العربية
لو واحد محافظ على عربيته مش هيخسف بتمنها الأرض.........لما يجى يعمل إعلان هيدور على الموديلات المشابهة ليها و يحط أعلى سعر فيهم أو أقل حاجة بسيطة لو عاوز يخلص.....اللهم لو هو مزنوق مادياً و عاوز فلوس بسرعة قوى..........بس برضه مش هينزل من تمن العربية 10 ألاف مرة واحدة.