العربية دى شغلااااااانى ومجننانى ونفسي فى واحد واجنطها 16...وكراسي جلد طبيعى ...وشكرا...
انا شايف ان العربية زيها زى المرسيدس ال200 بالظبط...
ياترى مين جربها ..او مين معاه العربية...
وايه اخبار قطع غيارها..
وايه مميزاتها وعيوبها....
لانى ناوى فعلا اقتنى واحدة وتفضل معايا على طوووووووووووووووول....... :grinder:
:grinder:
ههههههه متتوقعش اى رد لان محدش جربها
بس الفولفو احسن عربيه فى العالم :)))))
يااااااااه هو حد بيشترى العربيات دى لسه هههههههههه
مشكلتها فى صيانتها وفى اعاده البيع
ملهاش زبون للاسف
بس عربيه قطر تعمل بيها اللى انت عاوزه
واحد قابلته عند بتاع الجكمانات زمان كان معاه فولفو قاللى الجكمان ب 500 جنيه والموتور ب 1000 جنيه فى بورسعيد قولتله ازاى يعنى الجكمان بنص تمن الموتور قاللى الموتور بتاعها مش بيبوظ فمحدش بيغيره ههههههههههههههههه
ومره شوفت دينامو ب 350 استيراد ليها يعنى قطع غيارها مش رخيصه ومش غاليه
حبيب قلبي...والله واحشنى..اقتباس:
المشاركة الأصلية كتبت بواسطة misoalex
على فكرة اللى سمعتة ان الفولفو قطع غيارها رخيصة جدا....وعادية ...واعطالها ناادرة جدا....وممكن تمشي باقل حاجة...انا العربية عجبانى وعجبنى ميزة الجر الخلفى...ومتهيالى عمرى ماشفت منها عطلان فى الشارع تخيل!!
انت عامل ايه يا عم كل سنه وانت طيب
ايوه فعلا هى معمره جدا زى الالمانى ويمكن اكتر كمان
بس قطع الغيار مش كلها رخيصه بس فى العادى يعنى ما الفيات فيه حجات اسعارها مبالغ فيها جداااااااااا
بس هى فعلا ركوبه جميله لو لقيت عربيه بحاله نضيفه عشان متتعبكش
العربيه دي انا جربتها وكانت تحفه بجد في المطبات ملبن :d
ومسكت عربيه لانسر كرستاله شديت معاها بقا يزحف ورايا ع الطريق :d
عربيه عافيه اوي
قطع غيار مش عارف بصراحه
خالي كان معاها كام واحده من زمان هي بختصار دبابه كان فيها مساعدين في الاكصدام
فعلا عربيه قويه جدا ولكن المشكله عدم وجود بعض قطع الغيار ومشكله إعده البيع .
السلام عليكم
إثنين أصدقاء معاهم فولفو واحدة 240 والثانية 244، العربية دي ما شاء الله عليها، استخدمتها كتير وسافرنا بيها، أولا متفكرش إنك تعمل لها صيانة عند حد غير ميكانيكي الفولفو، وكمان في عفشجي فولفو، وبالنسبة لقطع الغيار مش هتصدق إنك تعرف إنها رخيصة مش هقول متوسطة هقول رخيصة، يعني مثلا سير الكاتينة يبتدي من 150ج.م لغاية 400ج.م الأصلي، جوز مساعدين خلفي استيراد 200ج.م، رفرف أمامي 200ج.م، فانوس خلفي كامل 275ج.م... وطبعا مفيش من الحاجات دي صيني، بداية من الأصلي والسويدي والألماني والتركي وغيره. قطع الغيار الجديدة موجودة في وسط البلد صحيح مش مرطرطة بس تلاقيها والاستيراد برضه في الوكالة وبورسعيد.
أهم شيء إنك لو استخرت ونويت تشتري تدور على حاجة تكون استخدام راقي بمعنى الكلمة ومش متبهدلة، وهتلاقي، وبالنسبة لايتهلاكات البنزين هتكون ممتازة لو معظم استخدامك وتنقلاتك طرق مفتوحة وسفر، بس هتاكل منك شوية لو مشاويرك أغلبها في الزحام.
العربية دي مواتيرها 2300 و 2100 و 2000
ومواتيرها نوعين الموتور الفضي أو الأبيض والموتور الأسود الأحدث
أحدثهم 2000 حقن الكتروني (injection) أوفر في الاستهلاك، اعتقد إن الأفضل الموتور الأسود وده في منتصف الثمانينات.
وزي ما تفضل أخ وقال إن إعادة البيع هتكون صعبة شويتين بس الفولفو ليها ناسها.
طبعا مسألة الكفاءة سواء من قوة موتور أو ثبات في السرعات والمنحنيات وقوة العفشة وتحملها مع نعومتها في نفس الوقت، ومعدلات الأمان فيها كويسة جدا، وشعارهم أأمن سيارة في العالم.
ومتانة صاج وتكييف ولا الأسبليت بتاع البيت، وباور وجميع الكماليات، لو بتفكر توكل على الله، وبالتوفيق
أوعى تكون العربية الفولفو بتاعت الست الشريرة
فى فيلم ضربة شمس بتاع نور الشريف
ايواااااااا...هى دي بالظبط ياعلوانى...اقتباس:
المشاركة الأصلية كتبت بواسطة elawany13
اه هى فعلا قوية جداااااااا...وصاجها اقوى من المرسيدس ال200 كمان..وهى كانت نازلة تنافس المرسيدس اساسا..ونجحت فى امريكا اكتر من المرسيدس..بس انت عارف المصريين عندهم عقدة المرشيييييدس.....اقتباس:
المشاركة الأصلية كتبت بواسطة HISHAM80
:grinder:
طب سؤال جانبي على هامش الموضوع
هي ليه الناس سابت المرسيدس 200 على الرغم من قوتها ومتانتها ونقلت للكوري والياباني؟؟
ياعم دي ميزة جمييييييييلة انهم سابوا الالماني.والسويدي ..وراحو للكوري اللي شبه بعضهم...حاجة زي الفل ..مصلحة لينا احنا الناس الركيبة..الفولفو يرخص.والفيات يرخص..والمرسيدس ال200 بقت 35 الف دلوقتي..مصلحة لينا..
اقتباس:
المشاركة الأصلية كتبت بواسطة benmatar
كل الكلام دة سليم 100%
فعلا العربية زي القطر
ولازم الميكانيكي بتاعها والكهربائي بتاعها
قطع الغيار بصراحة سمعت عنها انها فيها حاجات غالية
يعني كان في زميل لأخي الأكبر بيشتري شبكة كروم ب 750 جنيه
ومرة دخل فيه اتوبيس من الجنب - راح سمكرها ورجعت زي الفل
عربية دبابة
استهلاكها في المدينة خرافي
وعارف مسألة أأمن عربية ليه ؟؟؟
عشان هي اول شركة تعمل حزام أمان في السيارة - فأطلقوا عليها اأمن سيارة في العالم
اقتباس:
المشاركة الأصلية كتبت بواسطة i_Am_Legend
اقتباس:
المشاركة الأصلية كتبت بواسطة SYD
فعلا فولفو من أكثر الشركات اللى بتهتم بنظم الأمان وليها باع طويل جدا فى تطوير حزام الامان والوسائد الهوائية .... ولحد دلوقتى عندهم هوس تطوير تكتولوجيا الأمان فى السيارات بعدهم على طول مرسيدس ... ثم أوبل
معظم الفيديوهات فى هذا الموضوع بتتكلم عن سيارت فولفو
http://www.nilemotors.net/Nile/296256-a.html
بس العربية ديه تحديدا انا عمرى ما ركبتها ومعرفش حاجه عنها
بس لما كنت فى السعودية بسمع ان اسعار قطع غيار فولفو نااااار
العربية ديه بالذات مبحبش شكلها
طبعا الموديلات الحديثة منها رااااااااااااائعة
معلش هسألك سؤال انت هتغير عربيتك ليه انا فاكر انك كنت بتدور علي السمارا و كانت مريحاك يا تري ايه سبب التغيير
والله يا احمد..السمار عربية جميلة فعلا...
وتستاهل اكتر من تمنها بكتير.. بس انا غاوي عربيات...
وبحب الحاجات النادرة..ماليش في الركوبة الشعبي..ال128.والاكسيل والكلام دة مش بحبة..
وغالبا ان شاء الله العربية اللي جاية هااتكون فولفو 240-244..او فيات تيبو..او سمارا 1500 مكيفة..بس انا مايل اكتر للفولفو..
انا والدي معاه واحدة البيت كله اتعلم عليها السواقة وفعلا دبابة وحاجاتها رخيصة جدا وبتنسي ختطها امتي اساسا. علي سبيل المثال تيل امامي كنت جايبه من فترة 120 جنيه جديد وخلفي 80
اسطوانة وديسك وبلية اصلي 1700 تقريبا جديد
الشكمان كنت جايبه ب900 جنيه اصلي جديد سنة 1995 ومازال بحالة جيدة جدا. ده نظرا لأنه مفيهوش لحامات كله فك و تركيب بالاضافة الي انه مجلفن بالكامل وده سبب بوظانه في حالة لحام اي جزء فيه. يعني اي جزء باظ بتروح تشتريه جديد وتركبه بدون اي لحامات
العفشة بدون مبالغة لو اصلي و جديدة كل 10 سنين
العربية دي لما بيركبلها قطع غيار استيراد بتبقي مشاكلها كتير لكن مع الجديد العربية دي تقريبا مش بتبوظ وماشية كده كده يعني يوم لما بتقف عشان فعلا هي ما تنفعش تمشي اكتر من كده
سواقتها سهلة جدا بالرغم من كبر حجمها
الخامات المستخدمة في صناعتها معمرة جدا
هي بس عايزة الصنايعي بتاعها زي اي عربية اوروبيية
صالون رحب فعلا وواسع جدا و مريح
كمالياتها كلها موجودة و سهلة التركيب و مش غالية بالعكس اسعارها عادية جدا
بالاضافة الي انها سيارة غير معقدة يعني صيانتها سهلة
اعرف واحد معاه الموديل ده لما سالته عليها قاللي بيسموها في السويد (اله الحرب) هي مابتعطلش خالص انما لو عطلت بتتعب في قطع غيارها انما ي المجمل عربيه تحفه ومعمره وقويه جدا بيضرب بيها المثل في قوه الصاج زي البيتلز كده بتاعه زمان
النسبة لنقطه الامان واحد جاري كانت عنده العربية دي و كان مسافر مع عيلته ومحملها جامد المهم معرفش ايه اللي حصل العربية قلبت بيهم علي السقف وبيحمد ربنا ان لو كانت بعربية تانيه مكنش فيه حد منهم طلع سليم
الحمد لله العيله كلها طلعت سليمه والعربية حمتهم ومش اتأثرت جامد
ومرة صاروخ من بتوع العيد دول وقع علي صاج الكبوت بتاعها وانفجر كل اللي عمله انه المكان ده عمل زي نقره والدهان اتشال وبس
اظن انه لو كان وقع علي عربية تانيه كان الصاج اتخرم
السلام عليكم .
وضح ان الموضوع القديم و يا رب تكون اتوفقت و اشتريت عربية و يا رب تكون راضي عن اختيارك .
الحيرة الانت كنت فيها ده يا عزيزي انا فيها الان في عام 2014 يعني بعد عامين من اختيارك فأنا الان محتاج الى نصيحتك لاني ان شاء الله ناوي اشتري فولفو 244 او ان شاء ربنا يسهلها معايا و المبلغ يزيد شويه و اجيب فولفو 360 مجتاج نصيحتك و يا رب تقرأ التعليق بعد الفترة الطويلة ده من مشاركتك ....... طبعا انا في عربيات تانيه بقارن بينهم بس الفولفو بحترمها من زمان لاني بحب متابعة السيارات .
بس يا كبير هى عربية جميلة واسعة جدا من جوة وفخمة بردو وانا فعلا بقالى فترة بفكر اجيبها لوالدى وانا ركبتها كتير لان توكيل فولفو كان ساعات بيبعتلى عربيات اغير لها الزجاج هى عيبها الوحيد من وجهة نظرى المتواضعة او بمعنى ادق انها عجوزة شأنها شأن السيارات القديمةاقتباس:
المشاركة الأصلية كتبت بواسطة i_am_legend