دلوقتى العربية عندى محتاجة طقم كاوتش جديد فأنا محتار اجيب ايه مع العلم ان الميزانية فى حدود من 400 إلى 425 ومقاس الكاوتش عندى 14/60/195

اللى اعرف انه فى الرينج ده الكومهو والهانكوك والنيكسن وأنا محتار بينهم اجيب انهى واحد فيهم. أو لو فيه حاجة تانية بنفس السعر وكويسة ياريت تشوروا عليا بيها

وايه هو الموديل والنقشة المناسبة لان عرفت من القراءة هنا انى مش حاجيب واحد من دول وخلاص ، لأ .. كل نوع وليه نقشاته وخصائصه وكله على حسب احتياج صاحب العربية.

أنا واحد من الناس اللى بتركز على الثبات على السرعات وفى الملفات وتحسين جودة الفرامل مش مهم عندى صوت الكاوتش لو كان حايخفف شعورى بتفاصيل الشوارع من نقر ومطبات يبقى خير لو ماكانش يبقى اضحى بده كمان لانى غالبا مش حلاقى فى الكاوتش كل اللى نفسى فيه