المحور تحت الميكرسكوب ....

**MoToRiZeR** · 27-06-2008 01:37 AM

لسة جاي من 6 أكتوبر .. ولا رادار ولا نيلة و الناس طــــــــايـــــــــرة

**Mosso** · 27-06-2008 01:42 AM

طيب الحمدلله طمنتني
ماهو اصل بالعقل كده مش يبقى طريق زي ده و برضه امشي على 80 في وقت مفيش غيري ماشي فيه,
هو لو يخلوه 100 انا مستعد التزم و من غير رادار بس 80 دي صعبه قوي
ده والله الواحد بيسرح مع نفسه بيلاقي نفسه على 110-120 من غير ما يحس
لعنة الله على السيارات الاوتوماتيك

**MoToRiZeR** · 27-06-2008 01:47 AM

علي فكرة الطريق برده لسة مش واسع للدرجة .. 3 حارات
يعني زي الفل عليه 80
بس الغرز انهاردة كانت الله ينور .. كنت حاسس اني بعوم في البحر مش سايق
و العربيات الامواج عمال تجيبها شمال و يمين

و الله انا خايف خلاص اكره البلد دي كره مطلق
و اشتغل جاسوس
و ابيع اسرارنا العسكرية لبوتسوانا
و خطة منتخبنا للكونغو

**جندى مجند** · 27-06-2008 03:22 AM

المشاركة الأصلية كتبت بواسطة mohamed hatem

لقد تأكد الخبر ....في رادار فعلا على المحور ....ومش رادار عادي ....
المرور المصري ولاول مره يتعين برادار متحرك ...يعني هتلاقيه في كل حته على المحور ....وسوف يقوم بتصوير السياره المخالفة وتحرير الغرامة وترسل الى عنوان صاحب السيارة لكي يدفع الغرامة ...و التصوير بعربيات حديثة جدا ...شفتها امبارح في التلفزيون

وعلى فكرة المخالفة مش بس للسرعه ....ده لاي مخالفة اخرى ...التخطي الغلط ( الغرز يعني )....ز القيادة بدون حزام ... الموبايل ....الخ

وربنا يستر .....وشكرا

طيب مينفعش ناخد عربية من دول اعارة لكورنيش اسكندرية؟؟؟

**ahmedfawzy14** · 27-06-2008 08:34 AM

ربنا يستر وافتكر وانا على المحور كمان شوية

**tutankhamoun** · 27-06-2008 08:51 AM

المشاركة الأصلية كتبت بواسطة mosso

طيب الحمدلله طمنتني

ماهو اصل بالعقل كده مش يبقى طريق زي ده و برضه امشي على 80 في وقت مفيش غيري ماشي فيه,
هو لو يخلوه 100 انا مستعد التزم و من غير رادار بس 80 دي صعبه قوي
ده والله الواحد بيسرح مع نفسه بيلاقي نفسه على 110-120 من غير ما يحس
لعنة الله على السيارات الاوتوماتيك

ياباشا السرعة بيتم تحديدها حسب حالة الطريق العامة ( ملهاش دعوة الطريق فاضي و لا لاءة )
طريق واسع غير طريق ضيق و المحور ضيق جدا
وسع الحارة .......... و حارات المحور معمولة لتوك توك مش لعربيات و معاها أتوبيسات و عربيات نقل

في أوروبا و الدول المتقدمة ( اللي بيألكوا مع الكباب طحينة )
السرعة القصوى لكل طرق الربط بين المدن زي المحور و الدائري
ما بين 50 ميل في الساعة يعني 80 كم / س
إلى 60 ميل في الساعة يعني 96 كم / س بما يقابل 90 هنا

و السرعة بتبدأ تزيد فقط
على الطرق السريعة فقط لا غير زي العين السخنة أو الأسكندرية

و لا تزيد عن 80 ميل في الساعة لأفضل الطرق يعني 130 كم

100 كم / س كتير جدا على المحور حتى لو أنتهى العمل فيه تماما
الطريق ضيق و مفيهوش حارات للطوارئ ( علشان الأخوة مش هايسيبوها فاضية !!!!!!!!!!!!!!!!!!!!!!!! غباء
المهم أنا شايف إن المحور حلو أوي عليه 80
الدائري إلل محتاج يزيد ل 100 علشان واسع و حاراته أوسع

**bassam nagy** · 27-06-2008 02:38 PM

عبال باقى الطرق السريعة وعرفت انهم بينزلو بشكل عشوائى يعنى مالهمش وقت معين يمشوا فية على المحور

**mhDeeb** · 05-07-2008 10:24 AM

بس ممكن اما يتصلح ويكون 4 حارات ممكن السرعة تكون 90 علشان الـ 80 دى صعبة اوى لان الطريق اصبح جميل جدا وزى ما توت عنخ امون بيقول الطريق بيتحسب حسب حالتة واتساعة والطريق تم عمل صيانة له حسب ما الكتاب بيقول والاتساع ايضا 4 حارات معقول كل دة = 90

**biboelking200** · 12-08-2009 05:07 PM

علي فكره المحور عليها ردارات وكل حاجه بس مش كلها شغاله لاني انا بمشي بليل علي طول عليه وانت رايح مفيش غير الاخير اللى شغال وانت جاي بقي الناس بتهدي علي طول وانت جاي علي الاخير برضوا بس انت خاليك في المضمون وخالي بالك وامشي يا عم الحاج معلش علي 80 بتاعتهم ديه والحكايه كلها 15 كيلو يعني مش هتحس بفرق كبير بين ال100 و 80 كلها هتبقي دقايق

**mhDeeb** · 21-09-2009 03:25 PM

يا جماعة المحور 90 كيلو متر في الساعة ومكتوبة اكثر من مرة على المحور والكلام ده بقاله كتيييييييييير بس ياريت احنا نمشى على الــ 90 ومنجيبش 120 زى الميكروباس وربنا يستر طريقنا كلنا ونروح ونرجع بسلامة الله .

الموضوع: المحور تحت الميكرسكوب ....

LinkBack

أدوات الموضوع

عرض

-

-

-

-

-

-

المواضيع المتشابهه

فيه حاجة على المحور ؟؟؟؟؟

رادارات المحور

المحور والرادار

ردار المحور 90

حادثه فى المحور

الكلمات الدلالية لهذا الموضوع

المفضلات

المفضلات

ضوابط المشاركة