المخالفات الجديدة والتحصيل فوري

**cobraa2008** · 26-06-2008 01:49 PM

اه انا بسوق وغالبا في بيبسي لتر كامل وبشربوا في ربع ساعة واه انت مسافر يا عني عمرك ما تتسالا باي حاجة ما اعتقدتش

**Powert** · 26-06-2008 01:50 PM

المشاركة الأصلية كتبت بواسطة IslamGen2

الأخوة المعترضين على بند الأكل والشرب والسجاير ممكن أفهم وجه اعتراضكم؟ يعنى هل مثلا الصحيح إنك تسوق وانت بتاكل وتشرب لتر بيبسى وتقزقز لب ؟

طيب لو انا سايق وطريق حر أوي زي اليومين دول وعربيتي مافيهاش تكيف وعايز اشرب ماية اعمل اية

اجي اشرب الاقي الامين يوقفني ويقولى رخصتك انت حران وبتشرب يامجرم

**Shiref_mohamed** · 26-06-2008 01:52 PM

تحيا جمهورية مصر ***

تنبيه للعضو بالإلتزام بقواعد المنتدى
يرجى مراجعة القواعد

الإشراف

**kh_talaat** · 26-06-2008 01:56 PM

الاكل او الشرب او التدخين اثناء القيادة 50

الكلام دة بجد ولا هزار

**ahmedfawzy14** · 26-06-2008 01:58 PM

فعلا واتطبقت عليا يوم الجمعة اللى فاتت وانا فى القاهرة
قدام التابعى الدمياطى فى التوفيقية
ودفعت 30 و80قرش
مخالفة الركن فى الممنوع

والغريب بقى ان الظابط دفعنى عشان انا اسكندرانى و قالى انتوا بلد قليلة الذوق

وانا ماشى بعد ما دفعت لقيت كذا عربية وقفت قلت ليه اشمعنى

قالى هوا كده انا حر
وطبعا انا كنت مستعجل ومش فاضى
ومشيت

**Islam_galal** · 26-06-2008 02:01 PM

المشاركة الأصلية كتبت بواسطة محمد المشد

اعتقد ان الجميع يوافق على القانون بس الشرط تطبيقة على الكل
وليس على فئة دون الاخرى 0000 وعايز اعرف هل سيتم تطبيقة على القضاة وضباط الشرطة والجيش واعضاء النيابة ولا اية بالضبط ؟
وياترى دة هيكون باب خلفى للرشوة للامناء وغيرهم علشان بدل المخالفة يأخذ النصف وخلاص ولا اية ؟
جاوبى يا حكومة

الحكومة: لن يطبق القانون علي القضاة طالما احترموا نفسهم و معملوش زي ما عملوا في انتخابات الرئاسة
من حق أمناء الشرطة و غيرهم أنه يدور علي مصلحته زيه زي أي مواطن

شكرا للأسئلة و ممكن اسمك و سنك و عنوانك علشان نبعتلك جايزة

**شاهين - بنز** · 26-06-2008 02:05 PM

حتى التدخين والأكل حاحسبونا عليه طب خلي أمين شرطة يعملهالي المخالفة دي والله لأطفي السيجارة في قفاه

وكمان موضوع السرعة ده بيستهبلوا فيه جامد يعني مثلا طريق المحور المفروض تبقى السرعة اللقصوى ليه على ألأقل خالص 120 وهما عاملينها 80 يعني لو ماشي مثلا 125 أدفع 250 ليييييييييييييييه ليييييييييييييييييه كده يابلد

وفين المخالفة للحمير إللي وبيركنوا على الشمال وبعرضوا حياة الآخرين للخطر
وفين مخالفة سواقين النقل إلي بيمشوا على الشمال وبودن نور كمان
والله في كلمة إسكنرانية على لساني بس ميصحش أقولها

**Islam_galal** · 26-06-2008 02:07 PM

المشاركة الأصلية كتبت بواسطة ahmedfawzy14

فعلا واتطبقت عليا يوم الجمعة اللى فاتت وانا فى القاهرة
قدام التابعى الدمياطى فى التوفيقية
ودفعت 30 و80قرش
مخالفة الركن فى الممنوع

والغريب بقى ان الظابط دفعنى عشان انا اسكندرانى و قالى انتوا بلد قليلة الذوق

وانا ماشى بعد ما دفعت لقيت كذا عربية وقفت قلت ليه اشمعنى

قالى هوا كده انا حر
وطبعا انا كنت مستعجل ومش فاضى
ومشيت

حصلت معايا مرتين و را بعض في القاهرة برضه بس أشيك
الباشا (اللي هي معناها جزمة السلطان) معهوش الدفتر و تروح تسدد في الكشك حوالي 150 متر
و إلا يسيبهالك بالكلابش و طبعا لازم برضه تراضي الأمين (اللي هو مش أمين أبدا)

حسبنا الله و نعم الوكيل

**MMamdouh** · 26-06-2008 02:10 PM

المشاركة الأصلية كتبت بواسطة شاهين - بنز

حتى التدخين والأكل حاحسبونا عليه طب خلي أمين شرطة يعملهالي المخالفة دي والله لأطفي السيجارة في قفاه

وكمان موضوع السرعة ده بيستهبلوا فيه جامد يعني مثلا طريق المحور المفروض تبقى السرعة اللقصوى ليه على ألأقل خالص 120 وهما عاملينها 80 يعني لو ماشي مثلا 125 أدفع 250 ليييييييييييييييه ليييييييييييييييييه كده يابلد

السرعات القصوى لازم اعادة نظر فيها على بعض الطرق لكن مش هى دى المشكلة الرئيسية

اللى ماشى سكران او بدون رخص او نمر يدع فلوس و يمشى برضة؟؟؟

MMamdouh

الموضوع: المخالفات الجديدة والتحصيل فوري

LinkBack

أدوات الموضوع

عرض

-

-

-

-

-

المواضيع المتشابهه

خدمه فوري

يا جماعة سؤال مهم أوي عاوز رد فوري

خبر سار byd تسليم فوري

رينو لوجان تسليم فوري

جزاءات المخالفات المرورية الجديدة 2008 " صوره " فى المملكة العربية السعودية

الكلمات الدلالية لهذا الموضوع

المفضلات

المفضلات

ضوابط المشاركة