أية رأيكم يا رجالة أكسنت rb و لا كيا ريو الجديدة ؟؟ مع العلم إني بفاضل بين الفئة الفول أوبشن في الأتنين اللي هي ب 112 ألف تقريباً, يا ريت اللي يقول أكسنت أو ريو يقول ليه علشان الواحد يبقي عارف
عرض للطباعة
أية رأيكم يا رجالة أكسنت rb و لا كيا ريو الجديدة ؟؟ مع العلم إني بفاضل بين الفئة الفول أوبشن في الأتنين اللي هي ب 112 ألف تقريباً, يا ريت اللي يقول أكسنت أو ريو يقول ليه علشان الواحد يبقي عارف
الاكسنت بسبب الانتشار و العربيه سحبها حلو و استهلاكها فى البنزين كويس و سعر اعاده البيع بتاعها احسن من الريو
+1111اقتباس:
المشاركة الأصلية كتبت بواسطة land_cruiser
كلام زي الفل و مقنع جداً :hlopaet_prv: .... منتظر برضه أراء تانية لو حد عنده رأي تانياقتباس:
المشاركة الأصلية كتبت بواسطة Land_Cruiser
الأكسينت أفضل في السحب نسبيا ..
الريو أنعم و أكتر راحة بكتييييير ... الأكسينت ناشفة جدا
الأكسينت منتشرة أكتر و قطع غيارها منتشرة جدا ... لكن عموما الريو كمان شوية هتنتشر برضه و سعر إعادة البيع و قطع الغيار كله هيتظبط .. كل الكوري كده يا باشا ماتقلقش
الريو كماليات أكتر و تابلوه أشيك في رأيي و خامات أفضل في رأيي برضه و توكيل أفضل ..
بصراحة كراي الريو
هما متقاربين بس بالنسبة ليا ارتاح للريو كثبات وكشكل وتوكيل
انما اعادة البيع مع الوقت هتكون جيدة خصوصا انها مش سيئة
مجرد راي فقط
ربنا يوفقك للاحسن فيهم ..
انا اعرف ان الاكسنت ناعمة جدا فمن حضرتك نستفيد هل انت ركبت الاثنيناقتباس:
المشاركة الأصلية كتبت بواسطة dawns_mist
المعروف والمشهور ان الكيا انشف ياريت تفهمنا علما ان معايا اكسنت ار بي
متفق تمامااقتباس:
المشاركة الأصلية كتبت بواسطة Land_Cruiser
أنا روحت شوفت الريو النهاردة حسيت إنها ضيقة شوية و خصوصاً من ورا يعني علشان اللي قدام يقعد مرتاح اللي ورا مش هايقعد أصلاً .... هحاول أروح أشوف الأكسنت من جوه و ربنا يسهل
أنا سوقت الأكسينتات بجميع إصداراتها من ساعة ما هيونداي قالت يلا يا أكسينت ..اقتباس:
المشاركة الأصلية كتبت بواسطة amagroup
و برضه سوقت كل الموديلات اللي في فئتها و غيرها أكيد ..
و بقولك عن تجربة الآر بي ناشفة زي المستشفى .. و عموما ده رأيي الشخصي .. هي أرحم شوية والله من الفيرنا ( ربنا يستر و ماتقوليش الفيرنا ناعمة ) .. لكن بالنسبة للصني مثلا اللي بيتقال عليها ناشفة تعتبر الأكسينت ناشفة أكتر ، و بالنسبة للريو الجديدة و القديمة الأكسينت أنشف ، و بالنسبة للبوما الأكسينت أكيد أنشف مع إن البوما برضه مش ناعمة للدرجة دي ، و بالنسبة للإلنترا 2008 تعتبر الأكسينت آر بي كنبة بلدي من كتر ماهي ناشفة ...... أنا عمري ما حد قالي كلمة إن الآر بي ناعمة أبدا !!!!!! و أقصد بكلمة ناشفة يعني لما تاخد نؤره أو مطب على السريع أو تنتش فجأة أو تفرمل فجأة أو ملف مع رجرجه على الطريق أو طريق مش مرصوف كويس .
و في الأول و في الآخر الموضوع ده نسبي و يفرق من واحد للتاني ، لكن أنا أكيد جربت الآر بي دي منتشرة زي الرز في كل مكان و لا أي حد قالي عليها ناعمه أبدا بجد أنا مستغرب و عن تجربتي العربية ناشفة كتير كمان مش ناشفة بس ... فيه موضوع تاني مقارنة برضه أنا قولت فيه نفس الكلام ده و كل الناس موافقاني و بيقولوا عن تجربة ناشفة برضه مش أنا لوحدي والله .. و في النهاية حتى لو حضرتك مش مقتنع دي وجهات نظر و أنا بحترم رأي حضرتك في النهاية .
و للعلم أنا مهندس ميكانيكا ، و موضوع العربيات ده عندي هواية ، و مع إني شغال في مجال الأوراق المالية أصلا لكني واخد كلية هندسة قسم قوى ميكانيكية من كتر حبي في مجال السيارات كهواية و دخلت توكيلات كتير كمهندس مش عميل و جربت عربيات كتير جدا جدا ، و قسم المقارنات فيه مشاركات كتير ليا .. فأنا والله بحاول على قد ماقدر أكون حيادي .. أصلا الكيا و الهيونداي الاتنين كوري و أنا مش هجبي على حد فيهم و أنا بطبعي مش عاطفي ولا أمتلك ولا واحده فيهم ولا عمري هشتري حاجة فيهم فأنا دايما بقول رأي على قد ماقدر منطقي و حيادي و ماقصدش أتحيز أبدا .. و اعذرني لو كنت طولت في الرد .
ان شاء الله خير
بس ايه راي حضرتك فالسيراتو الهتشباك ؟؟