انا كمان استغربت ازاى العربيه تقفيل تايلاندى وتكون كوتشاتها اندونيسى
عرض للطباعة
انا فعلا لما غيرت من الدانلوب اللى كان نازل فى اللانسر للبريدجستون turanza GR-80 super silent .حسيت بجد بفرق كبير فى نعومه العفشه والثبات وطبعا الصوت اللى انتهى نهائيا حتى الزلط ونوا البلح ملهومش اى صوت وانا ماشى عكس الدانلوب وهو جديد اقل زلطه كانت بتعملى فرح وانا ماشى
أنا عندي في اللانسر صوت الكاوتش عالي قوي بيبان مع الفرامل
و سمعت من كذا حد نفس العيب واضح انة عيب عام و مشترك
هل دة الكاوتش وللا حاجة تانية
اول مرة اسمع ان فية كاوتش بيتوصف انة سوبر سايلنت
انت جبت منة و منع الصوت عندك ؟؟
طيب تعرفة منين بيبقى مكتوب عالكاوتش نفسة زي المقاس وللا عالتيكت؟؟ ماركات اية بينزل فيها و اسعاره اية و ممكن الاقية عند اي بتاع كاوتش وللا حد معين
و شكرا يا رامي لأهتمامك
الكاوتش البريدجستون turanza GR-80 super silent فعلا ملوش صوت خالص وهو موجود فى توكيل بريدجستون وبيبقى مرسوم على الورق المغلف للاطار رسمه وش وحاطط سماعات على اذنه زى بتاعك الظباط لما بيتدربوا على النشان يعنى مش هتسمع حاجه خالص ومكتوب تحت الرسمه super silent ولما كنت بركبه فى التوكيل بسأل الفنى اللى بيركب بقوله ايه الفرق بين الاندونيسى و اليابانى قاللى اليابانى super silent انما الاندونيسى silent وهو سعره فى حدود 570 جنيه فى التوكيل وهيريح العفشه جدا و فى الميه والرمله بيكلبش فى الارض و علشان تتأكد انه ملوش صوت لما تجيبه إن شاء الله حاول تفرك بالكاوتشات مش هتلاقى صوت خالص بس تذكر كلمه GR-80 الكاوتش ده rotation يعنى نقشه رياضيه يعنى لازم يركب فى اتجاه واحد مش فى اى اتجاه علشان تستمتع بكامل مميزاته .انما اللى راكب فى اللانسر اما دانلوب زى اللى كان عندى او بريدجستون turanza ER-30 وهما الاثنين مزعجين جدا
على فكره اعضاء نايل موتورز ليهم خصم على اى اعمال فى توكيل بريدجستون بس لازم يكون عندك شعار نايل موتورز
وازاى ممكن الواحد يجيب الشعار وهل ليه مميزات تانية ؟؟