و لو فيها مشكلة يعني ساعات كده بتبقي اوليسهات كاتينة بس معتقدش ده يحصل في عربية 2008
و لو فيها مشكلة يعني ساعات كده بتبقي اوليسهات كاتينة بس معتقدش ده يحصل في عربية 2008
ريح دماغك وركب فلتر لبخار الزيت على وش السلندر
تمنه حوالي من ٣٥-٥٠ جنيه للماركات العادية
Thanks
Eng.Sherif Shaker
نفس اللي حصلب معايا بالظبط في اختها 2007 و عملت الآتي:
اول حاجة رحت للميكانيكي و ربط المسامير بتاعت الوش كويس بس التعربق خف شوية بس
تاني حاجة عند صيانة الالف الاولى غير لزيت شل 5000 و غير فلتر و حط 3.75 لتر بس مش الاربعة كللهم لأن ده العيار المظبوط للموتور ده ع تغيير الفلتر و مسيبش حد يفتيلك
انا معملتش ده من دماغي....انا راجعت الكاتالوج كويس قبل ما اعمل كده و النتيجة:
ولا نقطة زيت من اي حتة لمدة اكتر من سنة و 22000 الف كيلو
جرب و ادعيلي....و ارجو من الاستاذ م.ممدوح يدعم كلامي
كان عندي زيت على وش السلندر وطلع المشكلة في جوان غطاء التاكيهات
يا باشا غلط اساسا انك متغيرش الفلتر مع كل غيار زيت....و ده بيحافظ على الموتور دايما نضييف موووت
و انا حددت ان 3.75 لتر مع تغيير الفلتر و بيكون المستوى عند قبل الماكس بشوية
و عمر ما الزيت نقص ولا فقد لزوجته ولا اي حاجة "شل 5000"
و اللي بيحصل انك لو حطيت ال4 لتر كلهم بيبقى فيه ربع لتر كامل زيادة عن حاجة الموتور و بالتالي الدنيا بتبقى مش مظبوطة جوة و بتلاقي الجوان مش قادر يلم الضغط الزيادة للزيت و بالتالي بيحصل اللي بيحصل ده
"الموضوع مجرب 3 مرات بالمناسبة على 3 عربيات زيرو و نجح بنسبة 100% و مأخوذ من كاتالوج العربية مش من اي حتة"
بالمناسبة برضه....كلام الاخوة صحيح لو في حال ان العربية مستعملة كذا سنة ممكن يكون فعلا غطا التاكيهات باظ و ده حصل مع اخويا في جوليت 1998 بعد 200الف كم و لكن الظاهرة اختفت ساعتها بنسبة 80% و لم تحل بنسبة 100% الا بعد اتباع التعليمات السابقة