حد ركب إنذار spy2way في اللوجان

**Egyzizo** · 05-08-2012 11:13 AM

لأ ، مالوش علاقة بكمبيوتر الرحلات .

وتفصله بأنك فى وضع تشغيل الكونتاكت ، تضغط ضعطة طويلة على الزر الجانبى الأوسط لغاية ما تسمع (بيب) ، وبعد كده تضغط على الزر الأمامى ، كده الانذار هيفصل ، وهتلاقى اللمبة اضاءت بنور أزرق مستمر ، وفى الوضع ده الريموت هيتحول لسنتر عادى.

ولإعادة التشغيل ، تكون برضه فى وضع تشغيل الكونتاكت (أو والعربية دايرة) تضغط ضغطة طويلة على زرار الريموت الأمامى، اللمبة هتطفى ويرجع الانذار يشتغل تانى.

**d_ahmedyehia** · 05-08-2012 12:30 PM

طب حضرتك شايف مشكلة عداد البنزين الي في كمبيوتر الرحلات دي سببها ايه هو بيبقى كاتب مثلا فاضل 340 كيلو وبعدين عمال يزيد ويقل... وبالنسبة لقفل الإنذار ادوس على الزار الجانبي الي في النص وبعديها انهي زرار امامي الفتح ولا القفل ؟؟ وشكرا

**Egyzizo** · 05-08-2012 04:30 PM

مافيش مشكلة .. ده طبيعى خصوصاً لما تكون لسه مصفر العداد من وقت قريب.

هو بيحسب فاضل كام كيلو بمعادلة أساسها متوسط استهلاك البنزين (لتر/100كم) فكل فلما تكون سايق فى زحمة أو كابس بنزين رقم الاستهلاك بيعلى فهتلاقى الكيلومترات الفاضلة بتقل ، ولما تكون سايق فى الطوالى وملمس بنزين ، الاستهلاك هيقل ، والكيلومترات الفاضلة هتزيد.

المعدلات دى بتبقى متذبذبة فى الأول بعد التصفير بوقت قصير لأن المتوسطات بتتغير باستمرار فى البداية ، لكن بعد كيلومترات طويلة من التصفير بتلاقيها تستقر وبتتغير ببطء.

وبالنسبة لقفل الانذار فأنا عندى الريموت فيه مفتاح أمامى واحد وثلاتة جانبيين ..
لاحظ ان ممكن يكون اللى معاك شكله غير اللى معايا لأنى مركبه من 3 سنين فوارد يكون الشكل اتغير.
على أى حال الغاء الانذار بيكون بضغطة طويلة على مفتاح الـ silent اللى عليه رسمة سماعة وعلامة غلط ، وبعد البيب بتضغط على مفتاح القفل (خللى بالك انك لازم تكون مشغل الكونتاكت).
جرب ولو مامشيتش معاك ارجع للكتالوج وشوف ، جايز يكونوا غيروها فى الموديلات الجديدة.