فورد فيستا 2012 ولا رينو ميجان 3

**Ahmed Selim** · 18-09-2012 07:52 AM

الفيستا تتقارن بالكليو مش بالميجان

الميجان فئة أعلى........عموماً معتقدش الأتنين فى إعادة البيع هيفرقوا كتير عن بعض.

قطع الغيار فى الفورد مش هقدر أفيدك بس فى الميجان موجودة و محدش أشتكى منها..........و إن كنت أتوقع أن الفيستا تبقى أرخص شوية من الميجان علشان إختلاف الفئة.

طبعاً الميجان هتلاقيها أوسع شوية و الشنطة أوسع و أعتقد الفئة اللى أنت بتتكلم فيها بتنزل بجنوط 16 مقابل 15 فى الفييستا و تقريباً برضه الفئة اللى بتتكلم فيها فى الميجان بتنزل بكروز كنترول و الفييستا لأ......و التكييف dual zone و الفييستا لأ..........و مش عارف الفئة بتاعة الفييستا فيها زجاج كهرباء خلفي ولا لأ......و الميجان فيها فتحة تكييف خلفية على حد علمي برضه.

قوة الموتور فى الميجان أعلى بحوالي 11 حصان و عزم أعلى بحوالي 26 نيوتن و وزن يفرق حوالي 300 كجم لصالح الفييستا على حد علمي.

**Ahmed Selim** · 21-09-2012 04:31 PM

المشاركة الأصلية كتبت بواسطة mclaren2012

شكرا يا أفندم على ردك...
بس الفيستا فيها من الكماليات ما يفوق الميجان و ده كان سبب حيرتى فيما سبق...بس الحمد لله ربنا وفقنى و أخذت القرار الصح و أنا مرتاحله..
و اشكر كل من شارك فى هذا الموضوع بوقته و علمه...بجد إستفد جدا من مشاركاتكم
و ربنا يوفق الجميع

طيب الحمد لله انك وصلت لقرار

يا ريت تشاركنا معاك في القرار

و برضه يا ريت تقولي الفيستا فيها كماليات ايه مش في الميجان

انا النسخة اللي ركبتها من الفيستا كانت اول فئة و مفيهاش حاجات كتير.

**McLaren2012** · 24-09-2012 11:47 PM

المشاركة الأصلية كتبت بواسطة yas_12345

انا عايزه اعرف ايه قرارك و ليه علشان انا كمان في نفس الحيره

هأقولك إيه قرارى...
أنا كنت عايز أركب عربية أوروبية..ﻷنى كان عندى الكورى و اﻷروبى...و بما أننا عايشين فى مصر لذا كان يحكمنى سمعة توكيل العربية أكتر من العربية نفسها و أقصد ب ده خدمة ما بعد البيع و توافر قطع الغيار على اﻷقل فى التوكيل ﻷنك مش هتفكرى تركبى عربية من دول و بعدين تدورى عاﻷسطى بلية يصلحها!!
لذا كنت مضطر أستبعد ماركات و موديلات محترمة جدا برة مصر بسبب موضوع التوكيل...و لما إستقريت على أفضل 3 توكيلات فى فئة سعرية معينة من العربيات بعد اللف المستمر داخل منتديات السيارات بمصر و أولها نايل موتورز طبعا كان توكيل رينو من ضمنها...و قلت خلاص هأشترى الميجان عربية محترمة وىفيها كل اللى أتمناه و توكيل محترم بشهادة معظم اللى تعاملوا معاه...بس فيه نصيحة وقفتنى!!
هو أحوال البلد اليومين دول تستحمل أنك تجيبى عربية بالسعر ده( و هو سعر مش هين بالنسبة لى)؟
بصراحة إتغميت ﻷنى لسة هأرجع لحيرة اﻹختيار تانى بين العربيات! !!
لحد واحد صاحبى ما قالى عايز أوروبى و رينو طب ليه مفكرتشرفى لوجان و أهو هم نزلوا منها أوتوماتيك و أوبشنز أكتر و مالتى فانكشن.....
دخلت منتدى اللوجان و تقريبا قريته كله و أيضا منتدى لوجان فى منتديات أخرى...عرفت كل حاجة عن العربية ما لها و ما عليها و إقتنعت أن المميزات أكتر من العيوب و بالصدفة حد صاحبى كانت معاه من 2010 سألته عليها و ركبتها معاه و أخذت قرارى أنى أشتريها و أوفر فرق الفلوس ﻷن فعلا البلد مش مضمونة اليومين دول...و فعلا كان قرار صائب و لم أندم عليه بعد شراء العربية
نصيحه لكل الناس المقبلة على الشراء و محتارة زى ما كنت المنتدى مليان أخبار و خبرات مهولة عن كل الموديلات و التوكيلات اللى فى مصر...تقرأ كتير تستفاد أكتر و تقدر تفرق بين العيوب العامه و المشاكل أو الشكاوى الفردية.....
و ربنا يوفق الجميع للصالح