عرض للطباعة
كل سنة و أنتم طيبين يا شباب و رمضان كريم...
أرجو الإفادة فى المقارنة بين الفورد قيستا تايتينيوم و الرينو ميجان 3 لأنى بصراحة حابب الإثنين بس فرق حوالى 15 ألف جنيه بينهم...يا ترى قطع غيار مين أغلى و مدى توافرها فى التوكيل و لو أنا مش هأبيع إلا بعد3 سنين مثلا أيهما يكون ماسك سعر أكتر...و يا ريت الى يختار يقول السبب
انا اميل للفورد
اعادة البيع حد من الاخوة يقولنا عليها
بالتوفيق ان شاء الله ..
قطع الغيار انت بين احسن توكيلين في العربيات الاوربي :) ده كويس و ده كويس
اعاده البيع اعتقد في صالح الفورد لخوف المصريين من الفرنساوي ليس الا. بس برضه اعتقد الميجان فئه اعلي من الفورد و كمان الموتور في الميجان 1600
الفيستا تتقارن بالكليو مش بالميجان
الميجان فئة أعلى........عموماً معتقدش الأتنين فى إعادة البيع هيفرقوا كتير عن بعض.
قطع الغيار فى الفورد مش هقدر أفيدك بس فى الميجان موجودة و محدش أشتكى منها..........و إن كنت أتوقع أن الفيستا تبقى أرخص شوية من الميجان علشان إختلاف الفئة.
طبعاً الميجان هتلاقيها أوسع شوية و الشنطة أوسع و أعتقد الفئة اللى أنت بتتكلم فيها بتنزل بجنوط 16 مقابل 15 فى الفييستا و تقريباً برضه الفئة اللى بتتكلم فيها فى الميجان بتنزل بكروز كنترول و الفييستا لأ......و التكييف dual zone و الفييستا لأ..........و مش عارف الفئة بتاعة الفييستا فيها زجاج كهرباء خلفي ولا لأ......و الميجان فيها فتحة تكييف خلفية على حد علمي برضه.
قوة الموتور فى الميجان أعلى بحوالي 11 حصان و عزم أعلى بحوالي 26 نيوتن و وزن يفرق حوالي 300 كجم لصالح الفييستا على حد علمي.
شكرا يا أفندم على ردك...اقتباس:
المشاركة الأصلية كتبت بواسطة ahmed a.maksoud
بس الفيستا فيها من الكماليات ما يفوق الميجان و ده كان سبب حيرتى فيما سبق...بس الحمد لله ربنا وفقنى و أخذت القرار الصح و أنا مرتاحله..
و اشكر كل من شارك فى هذا الموضوع بوقته و علمه...بجد إستفد جدا من مشاركاتكم
و ربنا يوفق الجميع
انا ميال للفيستا كفايه انها فورد
انا شخصيا اميل للفورد و اظن اعاده البيع للاتنين مش اد كده المهم انك تستمتع و انت راكب
طيب الحمد لله انك وصلت لقراراقتباس:
المشاركة الأصلية كتبت بواسطة mclaren2012
يا ريت تشاركنا معاك في القرار
و برضه يا ريت تقولي الفيستا فيها كماليات ايه مش في الميجان
انا النسخة اللي ركبتها من الفيستا كانت اول فئة و مفيهاش حاجات كتير.
أختار الفييستا طبعاً على الرغم ان العربيتين مش في نفس الفئة..
حتى لو قلتلي فييستا وللا فلوانس هختار الفييستا..
يعني دي فورد و دي رينو.. أكيد هختار العربية الأكثر أعتمادية ألا وهي الفورد..
انا عايزه اعرف ايه قرارك و ليه علشان انا كمان في نفس الحيرهاقتباس:
المشاركة الأصلية كتبت بواسطة mclaren2012
هأقولك إيه قرارى...اقتباس:
المشاركة الأصلية كتبت بواسطة yas_12345
أنا كنت عايز أركب عربية أوروبية..ﻷنى كان عندى الكورى و اﻷروبى...و بما أننا عايشين فى مصر لذا كان يحكمنى سمعة توكيل العربية أكتر من العربية نفسها و أقصد ب ده خدمة ما بعد البيع و توافر قطع الغيار على اﻷقل فى التوكيل ﻷنك مش هتفكرى تركبى عربية من دول و بعدين تدورى عاﻷسطى بلية يصلحها!!
لذا كنت مضطر أستبعد ماركات و موديلات محترمة جدا برة مصر بسبب موضوع التوكيل...و لما إستقريت على أفضل 3 توكيلات فى فئة سعرية معينة من العربيات بعد اللف المستمر داخل منتديات السيارات بمصر و أولها نايل موتورز طبعا كان توكيل رينو من ضمنها...و قلت خلاص هأشترى الميجان عربية محترمة وىفيها كل اللى أتمناه و توكيل محترم بشهادة معظم اللى تعاملوا معاه...بس فيه نصيحة وقفتنى!!
هو أحوال البلد اليومين دول تستحمل أنك تجيبى عربية بالسعر ده( و هو سعر مش هين بالنسبة لى)؟
بصراحة إتغميت ﻷنى لسة هأرجع لحيرة اﻹختيار تانى بين العربيات! !!
لحد واحد صاحبى ما قالى عايز أوروبى و رينو طب ليه مفكرتشرفى لوجان و أهو هم نزلوا منها أوتوماتيك و أوبشنز أكتر و مالتى فانكشن.....
دخلت منتدى اللوجان و تقريبا قريته كله و أيضا منتدى لوجان فى منتديات أخرى...عرفت كل حاجة عن العربية ما لها و ما عليها و إقتنعت أن المميزات أكتر من العيوب و بالصدفة حد صاحبى كانت معاه من 2010 سألته عليها و ركبتها معاه و أخذت قرارى أنى أشتريها و أوفر فرق الفلوس ﻷن فعلا البلد مش مضمونة اليومين دول...و فعلا كان قرار صائب و لم أندم عليه بعد شراء العربية
نصيحه لكل الناس المقبلة على الشراء و محتارة زى ما كنت المنتدى مليان أخبار و خبرات مهولة عن كل الموديلات و التوكيلات اللى فى مصر...تقرأ كتير تستفاد أكتر و تقدر تفرق بين العيوب العامه و المشاكل أو الشكاوى الفردية.....
و ربنا يوفق الجميع للصالح