الموضوع: بعد الفيكترا تركب ايه !!!

والله العظيم السؤال ده مخلينى فى حيره كبيره قوى
لأنى من فترة من شهر 2 تقريباً بايع العربية او بالأصح مدخلها فى شقة
بس اللى واخدها منى غضبان على ابنه
و مخليها معايا لغاية ما يشوف اخر ابنه هيعمل ايه
و مستنى انه يقوللى هاتها
حتى رخصتها مش عايز اجددها تانى باسمى عشان مزعلشى عليها
بس انا لو هاركب
و فى ظل الظروف الحالية
و لو ربنا كرم و جاتلى فلوس
يبقى اخرى 128

المشاركة الأصلية كتبت بواسطة عقاري الصوابر

أ/ أحمد أنته دلوقتي في الأمان هتجيب هونداي/جيستيس الجديده دي كوري أو جيب هومافي وهو كوري أو أفالون تويوتا أو الاندكروز بلأوبل أو نيسان جي أكس أر يعني عربيتك هتسحب الكرفانات أحسن من الاندكروز أو اللكزس حضرتك بتقول في الخارج يعني أنت كنت في الخارج شفتها أو قالوا لك عنها في أي دوله حضرتك شفتها / أمريكا بريطانيا فين هي عموما في الخارج لو وجد يمكن الموديل الجديد وأما القياس علي دول الخليج فهي لاتستعمل لأنها عربيه غير قويه بالنسبه لسرعاتها المحدوده وكثرة أعطالها لطول الطرق في الخليج وشدة الحراره وهي تعتبر من أفقر فئه في الألماني من كل الأمكانيات يعني لو أنته عربيتك موديل 96 سعرها أقل من مرسيدس موديل88 هي العربيه دي كان في الستينات لها شنه ورنه بس مش هذه الموديلات كان الأوبل السنتور كان في منها باب واحد وكذلك الأوبل الركورد ودي قديمه فأنت لما بتقارن العربيات ليها مقارنه بزمن تكيف طبعا دائما عطلان ولايبرد فرشه داخليه طبعا حدث ولا حرج حتي فرشة الأبواب كلها مكسره أي خبط العربيه شكلها بيبقي لايعجبك وطبعا دي أراء ومناقشات بين وبين بعض يعني إحنا بنتكلم وكل واحد بيتعلم من التاني ومش دي العربيه إللي أنا أقول لوبعتها هركب إيه دي أقول إن أنا بعتز فيها لأنها ليها عمر معايا وكويسه ولو قدر الله حصل حاجه بعرف أزاي أتعامل معها ربنا يديك خيرها ويكفيك شرها

حضرتك خلط الفئات ببعض يعنى هل ينفع تقارن تيوتا افالون بفيكترا؟؟؟ او هيونداى ازيرا؟؟؟ دول يتقارنو ببى ام فئه خامسه وطبعاً كده برضو هنظلم تيوتا وهيونداى لأن لا مجال للمقارنه فى انظمة الامان وخلافه.. انا بتكلم عن فئه وايوا سيادتك انا كنت فى الخارج وبالنسبه لبريطانيا فيها مصنع كامل لأوبل واسبانيا نفس الوضع وطبعاً المانيا وهولندا كم الاوبل اللى فيها اكتر من ما تتخيل انا بسافر من ال ثمنينات والوضع كما هو حتى الانوبالنسبه للخليج له وضع خاص ومش عيب فى الاوبل لا اودى وبي ام سوقهم ضايع هناك ونفس العربيات واخطه برأة اختراع فى حاجات كتير ومقارنة حضرتك بين اوبل ١٩٩٦ ومرسيدس ١٩٨٨ مش منطقيه لأنهم مش نفس الفئه بس لو قارنتها بمرسيدس ١٩٠ هتلاقى اوبل اغلى لو الحالتين متساويتين وموضوع فرش متكسر وغيرو ده سؤ استخدام انا اشتريت ٤ فيكترا وعملت بكل واحده ١٨٠ الف كيلو واكتر وكانت من الداخل لا تفرق عن الجديده وحالياً معى فيكترا سى عامل ٥٠ الف كيلو وزى الجديده تمتماً موضوع الحاله له علاقه بالمستخدم واليابانى الكبير فى السعوديه وبعض المقاطعات فى امريكا لكن اوربا انسى شريحتهم السعريه قريبه من بى ام ومرسيدس وثقافة الاوروبى عاليه فمستحيل يختار يابانى كبير اى ان كانت مواصفاته لن تتفوق على مرسيدس وبي ام