الموضوع: بعد طول تفكير اشتريت عربية الحانوتى - الماتيريا سابقا

هو فعلا الابيض اللؤلؤى فيها تحفة

ده غير ان كان عليه عرض لأنه مو 2007

ب 103 الف بدل من 107 الف

المشاركة الأصلية كتبت بواسطة todolist

الأستاذ توت بيسأل أشمعنى الشكل الغريب ده
ولكى تعم الفائدة قررت الرد على الفورم وليس على الخاص
أولا العربية دى فعلا شكلها غبى و خصوصا من قدام أكنها واخدة بوكس بس فيها حاجة غريبة أنها كل ما شفتها بتبتدى تتعلق بيها.

أنا كنت ناوى أشترى الجين 2 كنت عجبانى موت بس مشاكل التقفيل والفجوة خصوصا فى الأوتو وأنها ضيقة شوية من ورا علشان أحنا بنسافر السخنة كل أسبوع و بيبقى معانا ناس طوال و كراكيب رحت المصرية أتفرج على عربية تانية يكون فيها الحاجات إللى فى الجين تو لقيت أنها هتخرم أوى فى الفلوس والدتى شافت الماتيريا و قالتلى إيه علبة الجزمة دى و قعدنا نضحك على شكلها المبعجر
أخويا 190 سم فى 190 كج فتحها و قعد فيها و ندهلنا منبهر بالوسع
مراتة قالت له إيه القرف ده
المهم من غير ما أطول عليكم و بعد تريقة بمليون جنية لقينها أفضل الخيارات و أقرب سيارة للجين 2 من حيث الكماليات مع وسع مهول و جودة التقفيل (بس بدون أداء رياضى)

ربنا يباركلكم فيها ............ فعلا من جوه ........... أوتوبيس
و أسم محترم ............ و أعتقد ثباتها حلوة على الطريق
يبقى ربك يبارك إن شاء الله

ربنا يباركلك فيها ويعطيك خيرها ويكفي عنك شرها ان شاء الله
العربيه تحفه والله بجد
وانا بحب اشوفها بالذات اللون الأبيض وهيا مفيميه كمان بتبقى تحفه والله

ألف ألف مبروك يا todolist :)

تصدق بالله

انا باحب اشوف العربية دي جدا

و من جوا مميزة وفيها ميزة عجبتني جدا .....

انك لو سايق ..مممكن تضرب اللي جنبك بالشلوت لو حبيت :)

وا سعه واسعة

بس انا مسميها الكرتونة

و كل ما مراتي تزعلني ..اقوللها و الله اشتري ماتيريا ....تقوم تصالحني على طول
اصلها بتكرهها زي كل الستات (ماعدا onna سابقا) :)