مشكلتي مع اللانسر و idle ارجوكم حد يساعدني

انا كنت عملت موضوع قبل كدة بخصوص مشكلة ال rpm مع التكييف http://www.nilemotors.net/Nile/302299-a.html

واخ فاضل قالي انه ايدل ريلاي هو السبب..

المشكلة اني سألت عليه في مركز المأمون هنا في اسكندرية (مركز لانسر معتمد) قالي المهندس ان تمنه حوالي 1900 جنييييييييه طبعا انا الدنيا لفت بيا سعتها و قلتله طيب ممكن يتنضف مثلا قام رد عليا و قالي لو نضفته ممكن المشكلة تزيد و يبوظ اكتر ؟؟
فياريت يا جماعة حد يقولي اعمل ايه هل فيه منه كوري او صيني او اي حاجة رخيصة شوية ..
ولو فيه مستعمل اجيب منين في اسكندرية.. وكنت عاوز اعرف حاجة بعد اذنكم هو الايدل ده هو حساس الهوا ولا حساس البوابة عشا انا مش فاهم حاجة ؟؟

لو سمحت مركز المأمون دا فين فى اسكندريه لان انا عندى مشكله بردو فى العربيه لانسر 2007 مانيول التكييف بيموت العربيه عاوز اعرف مكان المأمون دا فين اروح اكشف عنده عالعربيه

انا شايف ان مفيش مشكله عااااادى

اقتباس:

---

المشاركة الأصلية كتبت بواسطة ahmedsaiad

لو سمحت مركز المأمون دا فين فى اسكندريه لان انا عندى مشكله بردو فى العربيه لانسر 2007 مانيول التكييف بيموت العربيه عاوز اعرف مكان المأمون دا فين اروح اكشف عنده عالعربيه

---

في الازريطة ونت جاي من سوتر كدة عدي الترام و اكسر اول شارع يمين بعد الجامع هتلقيه هناك

اقتباس:

---

المشاركة الأصلية كتبت بواسطة yoga

انا شايف ان مفيش مشكله عااااادى

---

عادي ازاي يا باشا فهمني طيب ؟
تخيل كدة ان انا لما اكون واقف في اشارة مثلا و اجي اشيل رجلي من علي الفرامل ويكون في نفس اللحظة الار بي ام اعلي من 1 يعني العربية بتنطلق من السكون بطريقة غير عادية و اسرع من اللازم و العكس ساعات بيحصل الار بي ام ينزل ل 750 مثلا و العربية ترعش كل ده عادي !!

الأخ الموسكي في حد في الخليج تعرفه علشان يجيبوا وبسعر أرخص من ده لأن أنا كنت بسأل عن قطع للانسر في الكويت لقيت أسعار القطع الأصليه أرخص من مصر تيل الفرامل 160 جنيه الأصلي زيت الفتيس 170 جنيه عبوه 4ك وفي حاجات سألت عن حاجات بس الذاكره لاتسعفني فأنته لو عندك حتي حد في العوديه بس أنا بقول في الكويت ليه لأنهم بيستعملوا هذه العربيه كتير في التاكسي فالقطع متوفره وبالتوفيق إن شاء الله

لو محتاج تعرف تمنه فى الإمارات أبعتلى رقم ال vin اللى هتلاقيه على الزجاج الأمامى ناحية السواق من برة العربية و أسألك عليه..........بس تدينى أسمه بالظبط.

متشكر يا جماعة علي ردودكم بس انا فعلا معنديش حد برا مصر عشان يجيبهولي؛؛ مفيش حل جوا اسكندرية اوميكانيكي كويس متخصص لانسر يظبتلي المشكلة

هاته استيراد من الحرفيين فى حدود ال 250جنيه

ياباشا جرب نضفه الاول انا وياسيدي لو باظ خالص ابقه اشتريه
تصدق انا كان عندي نفس المشكله والر بي ام كان بيلعب وانا واقف يعلى ويوطى على طول طالع نازل وانا ممور فكيته نفخت فيه بس وركبته تخيل واحمد لله اتحلت المشكله يدوب نفخت فيه نفختين عشان بيبقى عليه تراب

طيب انا هجرب انضفه ونا و نصيبي بقي

ممكن حد يقول مكانه فين و طريقه فكه؟

انا كان عندى مشكلة فى الايدل وجبت واحد استيراد علشان اركبه وفضلت المشكلة موجودة ، وبعدين اتضح ان المشكلة من حاجة تانية

فالايدل لسه موجود معاى وكنت عارضه للبيع ، لو عايز ممكن تجربه لو ظبط الدنيا معاك انا عايز ابيعه

احمد باشاش فينك بقالك فتره مش ظاهر لعله خير ان شاء الله :)

اقتباس:

---

المشاركة الأصلية كتبت بواسطة bmya

احمد باشاش فينك بقالك فتره مش ظاهر لعله خير ان شاء الله :)

---

الله يكرمك يا استاذ شريف ، انا تمام الحمد لله

بصراحة الواحد كان واخد جنب شوية من المنتدى من فترة كبيرة ، الدنيا كانت مليانة مشاكل

بس دلوقتى لما الاجتماعى مشى من المنتدى يعنى بدأت الدنيا ترجع لوضعها تانى شوية

بص يا باشا انا كنت هناك من اسبوعين وواحد معاة بومة وعندة مشكلة ف التكييف تقريبا حاجة عايزة تتلحم مش عارف بالظبط قاللة التكييف بايظ وحنغير قطعة تمنها 3750 !!!
اى توكيل مابيصلحش اللى بيحصل انهم بيغيرو لكن مابيصلحوش واللى عندك اكيد الايدل عايز يتنضف فقط لا غير ومحدش ف التوكيل حيرضى ينضفة حيقوللك غيرة بالجديد ولازم يحلل الفلوس بأنة يقوللك لو نضفتة حيبوظ
انا بعانى من نفس مشكلتك وعندى كذا حاجة بس مش لاقى حد متخصص ف البومة استأمنة يفتح الكبوت ويشتغل وبصراحة زهقت من المأمون .اطمن مشكلة صغيرة وتتحل ان شاء الله الايدل عايز يتنضف بس

طب ياريت يا باشا لو لقيت حد بيفهم في اللانسر غير التوكيل ابقي قولي ويكون عندنا في اسكندرية

اقتباس:

---

المشاركة الأصلية كتبت بواسطة bmya

ياباشا جرب نضفه الاول انا وياسيدي لو باظ خالص ابقه اشتريه
تصدق انا كان عندي نفس المشكله والر بي ام كان بيلعب وانا واقف يعلى ويوطى على طول طالع نازل وانا ممور فكيته نفخت فيه بس وركبته تخيل واحمد لله اتحلت المشكله يدوب نفخت فيه نفختين عشان بيبقى عليه تراب

---

فكيته ازاى