مشكلتي مع اللانسر و idle ارجوكم حد يساعدني

**elmoski** · 06-08-2012 07:30 PM

انا كنت عملت موضوع قبل كدة بخصوص مشكلة ال rpm مع التكييف http://www.nilemotors.net/Nile/302299-a.html

واخ فاضل قالي انه ايدل ريلاي هو السبب..

المشكلة اني سألت عليه في مركز المأمون هنا في اسكندرية (مركز لانسر معتمد) قالي المهندس ان تمنه حوالي 1900 جنييييييييه طبعا انا الدنيا لفت بيا سعتها و قلتله طيب ممكن يتنضف مثلا قام رد عليا و قالي لو نضفته ممكن المشكلة تزيد و يبوظ اكتر ؟؟
فياريت يا جماعة حد يقولي اعمل ايه هل فيه منه كوري او صيني او اي حاجة رخيصة شوية ..
ولو فيه مستعمل اجيب منين في اسكندرية.. وكنت عاوز اعرف حاجة بعد اذنكم هو الايدل ده هو حساس الهوا ولا حساس البوابة عشا انا مش فاهم حاجة ؟؟

**ahmedsaiad** · 06-08-2012 09:17 PM

لو سمحت مركز المأمون دا فين فى اسكندريه لان انا عندى مشكله بردو فى العربيه لانسر 2007 مانيول التكييف بيموت العربيه عاوز اعرف مكان المأمون دا فين اروح اكشف عنده عالعربيه

**yoga** · 06-08-2012 10:54 PM

انا شايف ان مفيش مشكله عااااادى

**elmoski** · 06-08-2012 11:45 PM

المشاركة الأصلية كتبت بواسطة ahmedsaiad

لو سمحت مركز المأمون دا فين فى اسكندريه لان انا عندى مشكله بردو فى العربيه لانسر 2007 مانيول التكييف بيموت العربيه عاوز اعرف مكان المأمون دا فين اروح اكشف عنده عالعربيه

في الازريطة ونت جاي من سوتر كدة عدي الترام و اكسر اول شارع يمين بعد الجامع هتلقيه هناك

**elmoski** · 06-08-2012 11:47 PM

المشاركة الأصلية كتبت بواسطة yoga

انا شايف ان مفيش مشكله عااااادى

عادي ازاي يا باشا فهمني طيب ؟
تخيل كدة ان انا لما اكون واقف في اشارة مثلا و اجي اشيل رجلي من علي الفرامل ويكون في نفس اللحظة الار بي ام اعلي من 1 يعني العربية بتنطلق من السكون بطريقة غير عادية و اسرع من اللازم و العكس ساعات بيحصل الار بي ام ينزل ل 750 مثلا و العربية ترعش كل ده عادي !!

**عقاري الصوابر** · 07-08-2012 12:35 AM

الأخ الموسكي في حد في الخليج تعرفه علشان يجيبوا وبسعر أرخص من ده لأن أنا كنت بسأل عن قطع للانسر في الكويت لقيت أسعار القطع الأصليه أرخص من مصر تيل الفرامل 160 جنيه الأصلي زيت الفتيس 170 جنيه عبوه 4ك وفي حاجات سألت عن حاجات بس الذاكره لاتسعفني فأنته لو عندك حتي حد في العوديه بس أنا بقول في الكويت ليه لأنهم بيستعملوا هذه العربيه كتير في التاكسي فالقطع متوفره وبالتوفيق إن شاء الله

**Ahmed Selim** · 07-08-2012 12:58 AM

لو محتاج تعرف تمنه فى الإمارات أبعتلى رقم ال vin اللى هتلاقيه على الزجاج الأمامى ناحية السواق من برة العربية و أسألك عليه..........بس تدينى أسمه بالظبط.

**momo44** · 07-08-2012 02:35 AM

هاته استيراد من الحرفيين فى حدود ال 250جنيه

**bmya** · 07-08-2012 04:43 AM

ياباشا جرب نضفه الاول انا وياسيدي لو باظ خالص ابقه اشتريه
تصدق انا كان عندي نفس المشكله والر بي ام كان بيلعب وانا واقف يعلى ويوطى على طول طالع نازل وانا ممور فكيته نفخت فيه بس وركبته تخيل واحمد لله اتحلت المشكله يدوب نفخت فيه نفختين عشان بيبقى عليه تراب