الموضوع: محتار بونتو ايفو ولا اكسنت ار بى

اكيد الافضل في الخامات والتقفيل الفيات
بس الماتور بتاعها مش قوي زي الاربي
والتوكيلين زفت
بس الافضلية للار بي في البيع والصيانة لانها منتشرة مش معقدة

انا بحب الفيات طبعا

ومتنساش الاستخارة

انا برضه بحب الفيات وميال ليها اكتر بس قلت اسأل حتى يطمئن قلبى هههههه طب بالنسبه لقطع الغيار الفرق كبير اوى يعنى ولا مش فارقه ؟!

المشاركة الأصلية كتبت بواسطة ahmad_starac

انا برضه بحب الفيات وميال ليها اكتر بس قلت اسأل حتى يطمئن قلبى هههههه طب بالنسبه لقطع الغيار الفرق كبير اوى يعنى ولا مش فارقه ؟!

شكل حضرتك فعلا مستقر علي البونتو وهو اختيار جيد فعلا
وتوكيل فيات سئ فعلا بس يعني غبور مش توكيل ملاك واسعار قطع الغيار
شايف ان الهيونداي اسعارها من التوكيل مش بقت رخصية يمكن متوفرة برا فعلشان كده اسهل ان في كذا بديل انما الفيات في قطع غيار ليها عادية جدا وفي اسعار من التوكيل مبالغ فيها
فالنهاية شايف ان الفيات افضل ومتنساش تستخير ربنا
وان شاء الله ربنا يوفقك للافضل فيهم ..