★★★★.. فالفولين المعدني هل يصبح بلالين واخص بالذكر المعدني فقـــــــط ........

**S O P H O S** · 06-08-2012 10:24 PM

بسم الله الرحمن الرحيم

مجرد سرد لتجربة شخصية واتمني محدش يعتبره اكتر من راي شخصي فقط ..
اشتريت زيت فالفولين معدني 5000 كيلو ب 130 جنيه من فرع الشركة امام مصنع كوكاكولا
تقريبا يعني موثوق المصدر البداية الزيت غير مبرشم فلما سألت المسؤال عن المكان كان راجل زوق وقالي يا فندم احنا الفرع الرئيسي والزيت مستورد وبيتم تعبئته هنا والدنيا تمام
ومفيش اي قلق قلت خلاص فاول 1000 كيلو عادي محستش بتغير عن الشل
من بعد ال 2000 كيلو بيه او حوالي 2500 كيلو صوت الماتور مش عاوز اقولكم عامل ازاي نفس الغيار بقي قليل اوي والعربية بستخن علي غير العادة كنت بقول لنفسي يمكن من الجو بس المشكلة الرئيسية صوت المحرك عالسرعات والخبط الي كان فيه بالاضافة ان الغيار الي كان بيوصل 110 بقي 80 او 90 بالكتير ولازم تنقل من صوت الماتور العالي وتحس بصوت غريب فيه
المهم قولت انزل الزيت علي 3000 وبالفعل نزلته 3200 كيلو مكملتش بيه اكتر من كده بصراحة
لاني لما كشفت عليه لقيته زيت فاقد اللزوجة يمكن عباد الشمس ماسك نفسه عنه
والراجل الي بيغير الزيت قالي اده ايه الزيت ده اساسا وسئ وبعيدا عن رايه
المهم احساسي فعلا انه فالفولين المعدني بالخصوص زيت غير جيد مع التويوتا وانا بتكلم عن المعدني فقط لان معظم الاخوة بيشكروا فالتخليقي والنصف تخليقي ..

طبعا انا بتكلم عن المعدني فقط
باقي منتجات الشركة مجربتهاش فمقدرش اقول حاجة غير
ان الاخوة بتشكر فيها
نهاية التجربة ان فالفولين المعدني غير مناسب
لمواتير التويوتا
والله اعلم

كل كلامي راي شخصي فتجربة زيت وليس للعموم
تحياتي
واتمني كلامي ميزعلش اي حد من الاعضاء الكرام ...

**zangry** · 06-08-2012 11:42 PM

جرب ليكوى مولى كده

انا بحطه عندنا فى التيدا وزى الفل

**S O P H O S** · 07-08-2012 12:31 AM

المشاركة الأصلية كتبت بواسطة zangry

جرب ليكوى مولى كده

انا بحطه عندنا فى التيدا وزى الفل

معدني ولا نصف تخليقي او تخليقي كامل ..؟

**exact** · 07-08-2012 01:08 AM

هو الزيت المعدني بيقعد 5000 كيلو برضه؟؟... المعدني اخره 3000 بالكتير جدا

شيل الاصفر اللي بيقعد 5000 كيلو في نفس رينج السعر بيبقى نصف تخليقي

لا انصح اطلاقا باستعمال زيت معدني حتى لو محركات قديمة لأنها اقل من كود مواصفة api بتاع معظم مواتير السيارات وبيجصل له بلمرة من الحرارة والضغط... مما يؤدي لتكوين رواسب سوداء داخل المحرك

ياريت تراجع مواصفات الصانع من الكتالوج

**S O P H O S** · 07-08-2012 01:16 AM

المشاركة الأصلية كتبت بواسطة exact

هو الزيت المعدني بيقعد 5000 كيلو برضه؟؟... المعدني اخره 3000 بالكتير جدا

شيل الاصفر اللي بيقعد 5000 كيلو في نفس رينج السعر بيبقى نصف تخليقي

لا انصح اطلاقا باستعمال زيت معدني حتى لو محركات قديمة لأنها اقل من كود مواصفة api بتاع معظم مواتير السيارات وبيجصل له بلمرة من الحرارة والضغط... مما يؤدي لتكوين رواسب سوداء داخل المحرك

ياريت تراجع مواصفات الصانع من الكتالوج

والله يا باشا المنبع بيقول انه 5000 كيلو ومع ذلك هو من قبل ما يكمل 3000 كيلو وهو مبقاش زيت اساسا ومع ذلك انا حاليا حاطط شل الاصفر وعلي ما اعتقد انه معدني وهو 15w50
ومعرفش انه نصف تخليقي بصراحة ايه راي حضرتك في كده ؟؟
ثم ان العربية مش قديمة دي معدتش 100الف حتي بس علشان ملاكها تقريب كان بيحط معدني ...

**Unendlich** · 07-08-2012 02:50 AM

هي مش عربيتك كانت 2006 تقريبا ؟؟؟
لو كده رايح تحطلها زيت معدني و زعلااان !!!!!!!
المفروض إنك يوم لما تسترخص تحط على الأقل النصف تخليقي, انما معدني ....

**S O P H O S** · 07-08-2012 03:03 AM

المشاركة الأصلية كتبت بواسطة unendlich

هي مش عربيتك كانت 2006 تقريبا ؟؟؟
لو كده رايح تحطلها زيت معدني و زعلااان !!!!!!!
المفروض إنك يوم لما تسترخص تحط على الأقل النصف تخليقي, انما معدني ....

يا باشا هو في حد بيسترخص فزيت العربية
اكيد الموضوع مش كده ثم الفرق بين المعدني والنصف تخليقي ايه فرق فلوس قليل وكيلو متر اعلي
للنصف تخليقي يعني انا احسن ليا احط نص تخليقي مش معدني مش كده ولا ايه .,,.؟

**dr.hazem** · 07-08-2012 04:08 AM

في زيوت معدنيه بتقعد اكتر من 10 آلاف كيلو وانا عن نفسي جربت الفيسكو 3000 وهو معدني ونزلته على 13 ألف ونزلته على 10 آلاف ومستمر معاه لانه زيت نضيف من شركه كويسه....

تحياتي

**S O P H O S** · 07-08-2012 04:29 PM

المشاركة الأصلية كتبت بواسطة exact

الشيل المعدني اللي لونه احمر
الاصفر والازرق نصف تخليقي
الرمادي تخليقي كامل

حضرتك ملكش دعوة بالمالك السابق
غير من معدني لتخليقى زي مانت عاوز

ومتصدقش بياع في حكاية الكيلومتر عشان كله فتاوى
انا الشيل الاصفر باكمل بيه 7000
والزيت لازم يكون متبرشم ببرشام صعب يتفتح باليد

في النصف تخليقي الملك بتاعهم شيل اصفر بس يكون من مكان موثوق

شكرا لردك يا باشا
وانا بالفعل حاطط دلوقتي شل الاصفر
رايك اكمل بيه ولا ابقي اغيره لحاجة نصف تخليقي وهو فعلا نصف تخليقي ؟؟

-

الموضوع: ★★★★.. فالفولين المعدني هل يصبح بلالين واخص بالذكر المعدني فقـــــــط ........

LinkBack

أدوات الموضوع

عرض

-

-

-

المواضيع المتشابهه

صور سيارة ماروتى معدله (للشباب فقـــــــط)

ايه الفرق بين الزيت المعدني و التخليقي ؟

جنوط اللانوس المعدني مقاس 14

أيه الفرق بين الزيت المعدني و التخليقي ؟

صور الألتو بالأكصدام المعدني الأمامي والخلفي

الكلمات الدلالية لهذا الموضوع

المفضلات

المفضلات

ضوابط المشاركة