الموضوع: غياب طويل و لكن الظروف كانت اقوى منى و الحمد لله

الحمد لله و الصلاة و السلام على رسول الله
انا باعتذر عن غيابى الفترة اللى فاتت و قلة تواجدى خلال الكام يوم اللى جايين
لظروف خارجة عن ارادتى تماما
يمكن اللى يعرفها اتنين
ربنا يكرمه رومانى عشان كنت على اتصال على طول معاه
و هلالى عشان شفته فى القاهرة امبارح
ابنى احمد كان تعب قوى
و نتيجة للتحاليل كان فيروس كبد
و كنت كلمت رومانى
و قاللى مفيش قلق عشان ده فيروس a
بس اللى حصل بعدها بيوم هو اللى بهدل معايا الدنيا
التعب زاد عليه قوى
و رحت لدكتور متخصص
قاللى الأفضل انه يتحجز فى مستشفى و تكون نضيفه
و رشحلى المعادى العسكرى
و عن طريق احد النعارف و هو طيار فى القوات المسلحه
دخلته فى نفس اليوم
و دخل على العناية المركز
و ربنا يكفيكم الشر
غسيل كلوى عشان الدنيا كانت خربانه عنده قوى
و عينات
و محاليل
و اشعات
و بلاوى ربنا ما يوريها لحد
و الحمد لله رب العالمين
خرج يوم السبت و هو احسن
و على كلام الدكتور اتكتبله عمر جديد
و ربنا يسترها علينا جميعاً