بعد غياب طويل تقرير صيانة ال 20000 للسيراتو و المفاجأه

**slayer** · 12-02-2009 03:36 AM

اهلا بيكو يا جماعه و الله ليكو وحشه
انا كونت من اسبوع كده واخد خطيبتى و رايح صيانة ال 20000 كيلو لعربيتى رحت فى معادى بالظبط الساعه 10 استلمتها منى المهندسه بتاعت الاستقبال و كان عندى ملاحظات واحده منها مهمه جدا و مقلقه و الباقى دلع لمؤاخذه بس حقى :
1- المهمه : فى صوت رجرجه على الفاضى فى المساعد الشمال مع اى مطب.
2- زجاج باب السائق فيه زنه خفيفه.
3- ظهر كرسى السائق احيانا بيزيق مع الاهتزاز.
4- الكونسول بيزيئ احيانا.
و ده لانى حساس جدا لأى صوت فى السياره.

المهم نزلت اعدت تحت فى الاستراحه اللى بموت فيها و خطيبتى عملتلنا 2 شاى (ايرل جراى) من البوفيه اللى هما عملينه فى الاستراحه و كنت معايا اللاب توب اعدت شويه على النت (wi fi) و بعدين لعبت شطرنج انا و هيه و جت المهندسه لغابت تحت عندى و ده الغريب المهم ماسكه ورقه و بتقوللى ببتسامه : - ممكن حضرتك تمضى هنه.
- امضى على ايه حضرتك .
- امضى بس هأول لحضرتك (بابتسامه).
- مش أعرف بمضى على أيه الأول.
- احنا هنغير المساعد الايسر.
- ليه .
- عشان صوت التخبيط كشفنا عليه و لأينا المساعد المفروض يتغير .
- و ده بقى على حساب مين .
- احنا طبعا يا فندم احنا متكلفين بيه و بمصنعييته تماما بس حضرتك امضى بالموافقه.
- ماشى بس انا كده هستنى كتير.
- لأ خالص يا فندم بس حوالى ساعه و فعلا احنا اسفين جدا.
- لأ أبدا مفيش حاجه.
- و أعدت اتفرجت على التلفزيون و طلبت الكافيتيريا جبولى شوية بسكوتات على كلام منده و ساعه بالضبط و طلعت التلى ان العربيه جاهزه و هتطلع حالا روحت ادفع مصاريف الصيانه و التى كانت عباره عن :
1- تربيط العفشه
2- الكشف على كل حاجه
3- تغيير الزيت و الفلتر
4- تغيير فلتر بنزين
5- تغيير فلتر هواء
6- تغيير بوجيهات
7- تنضيف فلتر التكييف
و كانت المصاريف 600 على حد منا فاكر كان فى كسور عليهم , ما علينا.
فى النهايه جربت العربيه بدون مبالغه تحفه احسن من ما تكون جديده حتى الحاجات الدلع اللى اولت عليها اتعملت تماما و العربيه بجد بسطانى جدا رغم استغرابى على موضوع تغيير المساعد ده بس عامة كل خط انتاج و به نسبه عيوب صناعه.
اسف للاطاله.......

**Nour_Peugeot** · 12-02-2009 03:43 AM

مبرووك يا باشا رجوع العربيه احسن من الاول و فعلا الواحد نفسه يلاقي كل توكيلات مصر كده

**حماده المصري** · 12-02-2009 03:50 AM

بسم الله ماشاء الله

توكيل رائع ومحترم

وشكلهم واخدين كورس تسويق قريب

الف مبرووك ياباشا

وربنا يحفظها لك

**Sharky** · 12-02-2009 09:23 AM

فعلا توكيل كيا توكيل محترم و هو رينو

لإن الإتنين مع محمد نصير

**ahmed_su** · 12-02-2009 10:35 AM

مبروك ياباشا على عودة العربية الى حالتها الاولى

وهو فعلا توكيل محترم يارب يفضل كده

بس انت عملت الـ20000 دول امتى ؟؟؟!!!

**max_ziro** · 13-02-2009 03:10 AM

مبروك يا باشا ..

**Ahmed Hassan** · 13-02-2009 02:30 PM

المشاركة الأصلية كتبت بواسطة Mahmoud_Peugeot

من كل الكلام الي انت حكيت عنه يبقي فعلا توكيل محترم بس انا عايز اقول موقف حصل معايا:

انا روحت مع واحد صاحبي لتوكيل بيجو علشان كان بيعمل صيانه للعربيه بيتاعته(صيانه ال 1000 ) المهم كان زرار الانتظار بايظ (بيعلق) والمهندس كتب الملاحظه دي.
بعد الصيانه جه المهندس وقال احنا غيرنا الزرار علي حساب الضمان وحضرتك ممكن تمضي هنا قولت كويس والله ده توكيل محترم
روحت للعربيه لاقيت الزرار شغال بس المفاجئه ان الزرار هو هو متغيرشي لان ان كنت معلمه بخربشه بسيطه من فوق علي اليمين ( في الزرار نفسه). يعني من الاخر تلاقي سوسته الزرار كانت معلقه و وظبتوها؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟
تفسروا بايه الكلام ده؟؟؟؟؟؟؟
هل ديه سياسه التوكيل بيعملها علشان تثق فيه وتروحلوا تاني؟؟؟؟

او علشان يصرف زرار جديد و يبيعه لمصلحه التوكيل او مصلحته الشخصيه!! (العميل مضى ان الزرار اتغير)

**slayer** · 15-02-2009 01:02 PM

انا دلوقتى عامل 22000 كيلو اصلى من النوع اللى بيسافلر كتير و بعدين مزرعة والدى فى الكيلو 72 مصر اسكندريه و بروح كتيير

و شكرا على مباركتكم

عندى استفسار للاداره انا ليه لسه مكتوب عليا عضو جديد لغايت دلواتى؟؟؟؟؟؟؟

-

-

الموضوع: بعد غياب طويل تقرير صيانة ال 20000 للسيراتو و المفاجأه

LinkBack

أدوات الموضوع

عرض

-

-

-

-

المواضيع المتشابهه

القنبلة الثانية بعد غياب طويل جدا دليل اصلاح لانسر 2007 بووووووومة

تقرير صيانة 20000 ومشكلة الفتيس

غياب طويل و لكن الظروف كانت اقوى منى و الحمد لله

تقرير عن صيانة ال 20000

. . . تقرير صيانة محبوبة 20000 كيلو . . .

الكلمات الدلالية لهذا الموضوع

المفضلات

المفضلات

ضوابط المشاركة