المونديو هتجننى

**loaytotti** · 07-08-2012 09:22 PM

يا جماعه العربية المونديو دى أنا بحبها بجد بس فعلن بدأت أكرها من اللى فيها ده و متعشم إنى الاقى عندكو الحل دلوقتى هى العربية لما بتبقى ديره عادى من غير تكييف بتبقى كويسة و الموتور فيه سنة عالى و واطى كده بس تمام يعنى المشكله بقى إنك أول ما تيجى تشغل التكييف تروح مبطلى على طول مع العلم إن مره إتكشف عليها على الكمبيوتر جابت error air condition out put فكده تبقى إيه المشكله ياريت تدلونى بقى و شكرااااااا

**aYaBooY** · 07-08-2012 09:39 PM

طيب مين الي كشف عليها بالكمبيوتر و ليه مصلحش العيب او بص على شرح طريقة التصليح في البرنامج
عموما على قد فهمي في التكييف انت عندك مشكلة في الاشارة من الكباس للكنترول علشان تعلي سلانسيه العربية مع التكييف
جرب نظف الفيشة بتاعت الكمبروسور و شوف النتيجة
و راجع على خراطيم البي سي فالف و البلف بتاعة

**loaytotti** · 08-08-2012 02:27 AM

أولا أشكرك يا aYaBooY على سرعت الرد و على الإفادة و هجربها بكره إن شاء الله و يارب تنفع لئنى بحب العربية دى أوى بس الموضوع ده قرفنى منها الصراحة و على موضوع الراجل اللى كشف ده زى متقول مكنش فاهم إنجليزى و قولتلو معناها لكنو بردو مفهمش و دور ف الكتالوج و مفهمش بردو على العموم شكرااااا و رمضان كريم و حجرب و أوافيكم بالنتيجه

**MohamedSotohy** · 23-08-2012 09:04 AM

انتا التكييف عندك تاتش اوتوماتيك تاتش ولا عادي ؟
علشان فيه تشخيص ذاتي للتكييف بتاع المونديو
قولي الاول وانا اققولك تعمله ازاي

**a_ali** · 25-08-2012 03:48 AM

المشكله دي شائعه في المونديو و هو بصراحه عندي وانا حليت العيب عند واحد بس بصراح شاطر في موضوع التكيفات هو وانه وضع جهاز صغير بيعلي الموتور مع تشغيل التكييف في السلانسيه بس و هو سعره حوالي ٢٥٠ جنيه وبيركب في ساعه بس بصراحه بيخلي العربيه تاكل بنزين شويه بس مش مهم ده هو شهرين في السنه ومش كل اليوم وصراحه الحل عجبني وتمام

**MohamedSotohy** · 26-08-2012 02:48 PM

باشا الموضوع بسيط جدا جدا وموش محتاج اللي انتا عملته ده
بص
فيه خرطوميين اول ما تفتح الكبوت متصلين ب بلاطه ( egr)واحد ارفع من التاني شيك عليهم غالبا ها تلاقي فيهم قطع
غيرهم وكل حاجه ها تظبط معاك

**loaytotti** · 08-09-2012 12:13 AM

أولا أحب أشكركم على الإهتمام و معلش إنى إتأخرت بس مكنتش عارف أعود على النت المهم يا أستاذ محمد التكييف عادى مش تاتش و هى موديل 97 ثانين أنا بس كنت عايز أعرف هما فين الخرطوميين دول و فين خراطيم البي سي فالف و البلف بتاعة ده و هى على فكرة بتوطى أول ما التكييف يشتغل و لما بتمشى بسنت بنزين صغيرة أو سندت بنزين بس تروح مبطلى يعنى عشان تطلع بيها لازم تدوس بنزين جامد عشان تطلع و شكرااااااااا

**a7medsh3rawi** · 08-09-2012 02:23 PM

انا حصلت معايا مره زى كداوبالصدفه لقيت حاجه فالته من مكانها وهى اول ما تفتح الكبوت هتبص ورا عمة الهوا ولو ملقتهاش يبقى تنزل تحت الموتور وتبص عليها من تحت هتلاقى خرطوم عامل زي خرطوم الميه بتاعت المساحات طالع منه حاجه بلاستيك مدوره وليها لونين ازرق وابيض لازم تكون متوصله بالخرطوم التانى زى نظام فلتر ليه مدخل ومخرج وحاولت اعرف هو بيوصل بين ايه وايه بس معرفتش.

**MohamedSotohy** · 10-09-2012 02:11 AM

المشاركة الأصلية كتبت بواسطة loaytotti

أولا أحب أشكركم على الإهتمام و معلش إنى إتأخرت بس مكنتش عارف أعود على النت المهم يا أستاذ محمد التكييف عادى مش تاتش و هى موديل 97 ثانين أنا بس كنت عايز أعرف هما فين الخرطوميين دول و فين خراطيم البي سي فالف و البلف بتاعة ده و هى على فكرة بتوطى أول ما التكييف يشتغل و لما بتمشى بسنت بنزين صغيرة أو سندت بنزين بس تروح مبطلى يعنى عشان تطلع بيها لازم تدوس بنزين جامد عشان تطلع و شكرااااااااا

باشا لو المشكله لسه معاك كلمني وابقا هاتها وتعالي وانا ان شاء الله احللك المشكله في ظرف 10 دقائق

**loaytotti** · 10-09-2012 10:51 PM

شكراااااا ليك يا أ.ذ محمد و أنا كنت عند الكهربائى و سألتوا على البى سى فالف شورلى عليهم و شوفناهم و فعلن طلع فى واحد منهم فى قطع كدا غيرنا و الحمد لله العربية إتظبطت أه هى فيها سنت عالى و واطى صغيرة كده بس تمام على الأقل مش بتبطل و ومش قرفانى و هى مشى بقت تمام الحمد لله و شكراااااااا و على فكرة بمونذبت الكهربائى كونا عنده و غيرنا النور بتاع الصالون و الشنطة و النور الصغير بتاع الفانوسين و نضفنا العدادات و غيرنا المروحة عشان كان فى وحدة منهم بترف و التانية بتعلق و مش بتشتفل على طول و كانت مسخنا التكييف شوية بس الحمد لله كلو بقى تمام و معلش على التطويل و شكراااااا