متنساش تتطمنا .. ولو احتاج اى مساعدة انا تحت امرك
عرض للطباعة
متنساش تتطمنا .. ولو احتاج اى مساعدة انا تحت امرك
الاخ الكريم الفاضل
كل عام و حضرتك بخير
ارجو ان يخرج صديقك من محنته سريعا
و صيتي لك ان يبدأ في استشارة مركز اخر كما اخبرك الاعضاء
و اذا سمع نفس الكلام لا قدر الله
يتصل بنيسان نفسها للشكوي و يأخذ رقم للشكوي
و يتابع معهم و اذا لا قدر الله لم يصل مع كل هؤلاء لحلول مرضية و لا يتكلف فيها اي تكاليف
يبدأ وقتها بالتوجه لجهاز حماية المستهلك و يقدم شكوي او بأرسالها بالفكس و ان شاء الله لا يقلك
تحياتي اليك و ارجو ان تطمئننا مع شرح كامل للحكاية و اسباب المشكلة و هل السيارة وقفت مرة و شغالة الان ام انها متوقفة نهائي
ان شاء الله تطلع حاجه بسيطه
انا مش فاهم الاخ المحترم المشرف ايه اللي ضايقه من عبارتي ؟؟ لا فيها عيب ولا قله ادب ولا هو زعلان على السبع ؟؟
حاجه غريبه والله , يعني هتكون اكثر ادب واحترام مننا ؟؟ ولا انت سيادتك اكتر معرفه باصول واداب الحوار ؟؟؟
لو السبع يهمك اوي قلنا يا سيدي واحنا نطلع العضو غلطان من البدايه
هو فين الخروج عن قواعد الحوار اللي حضرتك شفته ؟؟ وايه مقياسه ؟؟؟
حضرتك غيرتلي مشاركه كنت كاتبها وده حقك بس مش من حقك تقول اني مالتزمتش بادب الحوار لاني عارف تربيتي واخلاقي ومشاركاتي قدامك بامكانك مراجعتها . ياريت حضرتك اللي تكون اكثر حذر في كلماتك لانك مشرف على المنتدى ومش موجه لينا ولتربيتنا .
العفو يا فندم .. وياريت لو تخلى صديقك او حضرتك تكلمنى .. عشان اعرف الموضوع كويس .. اوحاول اساعدك لحل مشكلتك .. واحاول اشوف اى حد فى نيسان يكشف على العربية من تانى
لان انا حاسس فى حلقة مفقودة .. وحصل خطا فى الموضوع
وخالينا نشوف ونكشف من تانى عندهم او فى اى مكان ونشوف القصة فيها ايه
ده رقمى
01288814049
اخوك فى الله
احمد مصطفى
أ.احمد
مافيش قرار اتاخد ضدي علشان اشتكي لكن بالنسبالي ممكن توقف العضويه زي ماتحب او تحب الاداره لكن يزعلني جدا ان حد يكممني او يعلق على سلوكي خصوصا اني مغلطتش في حد .
المنتديات دي عالم افتراضي احنا عملناه وقوانينها وشروطها وانظمه اشرافها خاضعه للاختلافات الفرديه ((يعني مش قران منزل )) يعني ممكن تشوف اني مشاركتي سيئه غيرك ممكن يشوفها طبيعيه . وكون بعض الاعضاء متعاطفين مع السبع او تربطهم بيه علاقه فده شئ يرجعلهم لكن العضو يهمه في النهايه ياخد حقه واظن ان في الحاله الحاليه اللي بيحكيه العضو خيال علمي يستاهل بسببه السبع كده واكتر ومش مشكلتي ان سيادتك تعرف السبع او تعرف معاملته ولو انت مكانه كنت عملت كده واكتر . اما بخصوص حرفيه اخد الحق فلكل شخص طريقه واسلوب واحنا ماقلناش روح كسرلهم المركز لكن لازم يعرف ان معاه حق واللي معاه حق يدب صباعه في عين التخين . ولعلمك العضو ده ان شاء الله مشكلته هتتحل لان قدامه اكثر من مركز يروحله لكن لو حد تاني ما فيش قدامه غير السبع هيتفرم وساعتها المثاليات ((النسبيه)) مش هتنفعه , وحضرتك عارف كويس وفاهم ان فيه مشاكل كتير خصوصا مع التوكيلات ما بتتحلش الا لما التوكيل يحس انك فاهم وعارف وقوي ومتمسك بحقك .