والله انت انسان محترم جدا جدا .. تحياتي ليك
عرض للطباعة
تسلم يا فندم على تقديرك الغالى .. وكلنا هنا اخوة .. وبنساعد بعض فى الله .. واى عضو مكانى لو بايده بيساعد مش بيتاخر .. والحمد لله على نعمة توكيل نيسان .. انه توكيل محترم جدا
وقبل كدا كان فى عضو عندنا اسمه احمد .. وكان عنده مشكلة فى الفتيس .. فى الصنى الشكل القديم .. والمصنع غيرله الفتيس بالكامل ..
واتحل الموضوع بكل خير ويسر .. بدون اى عقبات .. ومش فى السبع بس .. كل مراكز خدمة نيسان محترمة من خلال تعاملنا معاهم بصراحة .. وبيحاولوا يراضوا اغلب عملائهم .. واكيد وارد ان الكل صعب تراضيه .. بس اغلب العملاء بيكونوا مبسوطين مع توكيل نيسان
وكل ملاك نيسان واعضاء نيسان فى القسم هنا عارفين كويس اللى بنقوله .. والحمد لله احنا فى المنتدى وفى قسم نيسان حولنا القسم اكنه خدمة عملاء لنيسان .. بنحاول بمنتهى الهدوء نحل المشاكل اللى بتواجه الاعضاء وبنساعدهم قدر الامكان والمستطاع .. وبدورنا بنوجه مراكز الخدمة الى تلافى السلبيات
وربنا يقدر الجميع على فعل الخير
انا اسف جدا انا مش قصدى لما قلت عليهم حرامية ولا اى حاجة بس انا اتعصبت غصب عنى العربية مكملتش 2000 كيلو وعايزين 10 تلاف جنيه ! وبيقولوا عيب استخدام طب ازاى !! حاجة تضايق انا مش عارف لو مكانه كنت قولت اية
حاجة تخرج الواحد عن شعوره
انا بكرر اسفى تانى للأدارة وللأعضاء جميعا وخصوصا الاستاذ احمد مصطفى
يا جماعة .. هاعرض وجهة نظرى فى الموضوع بصورة عامة وليس خاصة بصاحب الموضوع او المشكلة او مشاركات الاعضاء
اتفق مع ايجاد نقطة حوار مشتركة بيننا جميعا لحل مشاكل عربياتنا بسلاسة ودون الوقوع فى الغلط وده الهدف الاساسى من اشتراكنا هنا بالاضافة لتزودنا بالمعلومات المتنوعة عن ما نمتلكه من سيارات ايا كان نوعها او حتى النصيحة والرشد فى الاصلاحات والتعديلات وشراء وبيع السيارات بكافة انواعها
والمنتدى ده والقسم هنا بيتميز عن غيره من منتديات السيارات الاخرى ان اعضائه ملتزمين بموضوعية عرض مواضيعهم ومشاركاتهم البنائة ووقوفهم يد واحدة بجوار بعضهم البعض وافادة الجميع لأن المشاهدين والزوار اكبر بكتير من المشاركين
ومش معنى كده ان فيه حد ايا كان يستغل صيت نايل موتورز للضغط على اى توكيل للحصول على مبتغاه
والاصل فى الاشياء هو التزام ضبط النفس وادب الحوار والسيطرة على الانفعالات من اجل الوصول الى مرادنا
وكم الموضوعات هنا فى القسم التى تعرض كم من المشاكل متنوعة واتحلت بعون الله وجهود القائمين على سمعة واسم نيسان فى مصر كفيل بأن يجعل كل مالك لاحدى سيارات نيسان فى مصر مطمئن وفخور باختياره
وهذا ليس ضعفا ولا خضوعا من التوكيلات تحت ضغط العملاء او غيره .. بل ادارة جيدة وهدف ومراقبة دؤوبة لراحة العملاء
وطبيعى ان يكون هناك سقطات او تصرفات فردية من بعض الاشخاص العاملين بأى توكيل - كلٍ حسب خبرته وخلفيته وشخصيته - والرادع هنا هو قول: (لا يضيع حق ورائه مطالب) طالما ارتآى الشخص ذلك
وانا بصفتى الشخصية اتحدى اى حد يقولى ان فيه توكيل فى مصر من 50 سنة قام بتغيير كل قطع الغيار التالية مجانا فى فترة الضمان حتى ولو كان فى اخر يوم فى سنين الضمان ال3 (ضفيرة كهرباء - اقراص كلاكس - مقصات - مساعدين - بطاريات - راديتير - فتيس - طنابير - ... الخ)
وانا شخصيا مغير فى الضمان مفاتيح باب السائق كاملة عند 10.000 كم فى يونايتد جروب-الدراسة وضفيرة الكهرباء عند 40.000 كم والكلاكس عند 45.000 كم فى السبع-المعادى والمقصات عند 62.500 كم فى اتوايجيبت .. وباقى الاعضاء هنا كل واحد له قصة مع التوكيل وكله بالادب ودون ابراز سطوة نايل موتورز ولا غيره .. كل اللى عملته سلمت العربية لمهندس الاستقبال وقولتله شكوتى وهو بيعرض عليا الاصح لعمله ولو الكلام ما عجبنيش ممكن اقابل المستوى الاعلى منه كمدير الصيانة او اغير التوكيل كله واروح لغيره
وده مش موجود ولا عمرى سمعت عنه فى اى وكيل تانى فى مصر مهما كان اسمه حتى الالمانى منها كلها مشاكل وناس مستويات عالية ودافعين ربع مليون ج فمافوق فى عربياتهم ومع ذلك بيخبطوا رأسهم فى الحيط والتعامل قمة قلة الادب وفيه منهم اللى كمل قانونى وثابر على حقه واشتكى لحماية المستهلك حتى عمل تسوية واخد حقه من الوكيل والمنتدى هنا وكافة وسائل الاعلام فى مصر تشهد على القصص دى
الخلاصة .. اى كلمة خارجة مالهاش داعى ولا لازمة حتى لو كانت تحت تأثير انفعال او تجربة سيئة او غيرها لأننا منذ انضمامنا لهذا المنتدى ونحن كلنا فى يد واحدة وتربطنا علاقات ود ومعرفة عن قرب واجتماعيات وليس مصالح وفقط
واللى بيتقرب عشان مصلحة بياخدها ومش بيكمل ومش بنشوفه تانى اساسا ..
آسف عالاطالة ..
كل الكلام اللي اتقال في الوسط ده شتت الموضوع
المهم بقي المشكلة وصلت لايه ؟
انا منتظر دخول صاحب الموضوع
واتمنى الاتصال بى .. او ارسال رقمه على الخاص .. لمساعدة صديقه فى حل المشكلة ..
تحياتى
طيب يا جماعة في تطورات حصلت
ايلي محتاجة من حضراتكم لو حد يعرف مين
اكبر مدير في نيسان مصر
لو حتى اسمه و احنا ندور على رقمه
لازم نتكلم مع صاحب نيسان مصر
الحكاية مش صغيرة مع اخر تطورات
ايلي يقدر يساعدني لو حتى باسمه او اقدر اوصله ازاي
الاصدقاء و الزملاء الاعزاء فى المنتدى الكبير
السلام عليكم و رحمة الله
تعليقا على الموضوع ده ... انا ليا تجربة مع القاشقاى اشاركها معاكو
اشتريت قاشقاى 2012 من المحترمين اوتو ايجيبت بعد ما لفيت مصر كلها بالزيارة للمعارض او بالتليفون و مش حخوض فى اللعب بالتلات ورقات اللى ماشى فى السوق بس الحمد لله ربنا هدانى لأتو ايجيبت و جبت الفئة المعدلة ب 190000 (باضافة فرش جلد و اشارات مرايات و دفندرات فايبر امامى و خلفى)
استلمت العربية 6/4/2012 و رخصتها 8/4/2012 و يوم 10/4/2012 لقيت تحت العربية بقعة زيت!!! طبعا انا اتخضيت ... المهم اتصلت بنيسان مصر لتفعيل الضمان و اخدت كود الضمان و حجزت موعد للصيانة فى اتو ايجيبت ابو رواش تانى يوم 11/4
سلمتهم العربية و انتظرت حوالى نصف ساعة وجالى الخبر المفزع ... اويل سيل الكرنك الخلفى مثقوب .. و اللى فاهم العيب ده توابعه ايه .. مش ح يتخض بس .. انا قلبى كان حيقف
انا رفضت الاصلاح و طلبت تغيير العربية كلها لأن عربية بالسعر ده و عاملة 390كم لا يمكن باى حال من الاحوال يتفك الموتور و الفتيس الاتوماتيك منها .. و لا ايه رايكم؟؟؟
المهم روحت المعرض بالمهندسين و الله يكرمه ا/أحمد المقدم الشاب الخلوق و المحترم لما عرف اللى حصل ساب شغله و قاللى تعالى ارجع معاك مركز الخدمة و نشوف حل
قالولى ان الشكوى نتايجها مش مضمونة و ان احتمال الاستبدال قائم و لكن نصلحلك العربة عشان لو ما حصلش استبدال تبقى محافظ عليها
بعد ما وافقت على الاصلاح و الشهادة لله ... انا شفت منهم ادب و احترام و احتراف فى التعامل قلما يتوفر فى مصر .. مدير المركز م/احمد الرزاز و مدير العلاقات العامة و رئيس المهندسين و طقم فنى محترف واقفين حوالين العربية و سابو كل شغلهم عشان خاطر مشكلتى
و بصراحة فنيا اللى يشوف اللى اتفك من العربية يقول لا يمكن ترجع تمشى تانى عشان فكو الموتور و الفتيس و الدينامو و المارش و التكييف و دورة تبريد المياه !!! و انا فعلا قلت انها مش حتدور تانى اصلا
المهم ربنا سهلها و خلصو و دورو العربية دارت من اول لمسة و كل شىء مظبوط الحمد لله
و الزيت منع و كل حاجة راكبة فى مكانها زى الكتاب ما بيقول و لا كأنها لسه جاية من انجلترا
بس انا ما سبتش الموضوع يعدى .. عملت شكوى فى حماية المستهلك و سلمتهم الفاتورة و صورة من الضمان و ايصال استلام السيارة و تقرير الصيانة و اشتكيت فى نيسان مصر
المهم من اسبوعين فقط فى اول رمضان كانت جلسة حماية المستهلك و حضر مندوب نيسان مصر و المستشار بتاعهم و اللجنة طلبت منى احكى المشكلة تانى باختصار و اقول طلباتى
قولت اللى حصل و طلبت تغيير العربية و نيسان رفضو فاللجنة قالتلهم تعرضو ايه كتعويض .. قالو صيانتين مجانيتين و انا رفضت طبعا
المهم طلبت ان الضمان يبقى 100000كم بدون حد اقصى للسنوات او خمس سنوات بدون حد اقصى للمسافة و نيسان رفضت فاللجنة طلبت مننا ننتظر بالخارج قبل ما يقولو النتيجة
اللجنة بعد المشاورات عدلت ضمان العربية من 100000 ل 125000كم او اربع سنوات بدل 3 سنوات و اربع صيانات (20000كم) مجانية و اذا نيسان رفضت يبقى يغيرو العربية و نيسان قبلت بالحل الاول
و فى الاخر انصح كل واحد انه يشترى العربية من مكان له سمعة كويسة مش اعلانات اكتر و لازم ياخد فاتورة ضريبية و ايصال استلام و مخالصة و شهادة ضمان لكى يتمكن من الحفاظ على حقه
ارجو ان حد يستفيد من تجربتى
الاخبار محدش حيصدقهاااااااااا
بعتنا ايميل لنيسان الشرق الاوسط في كل تفاصيل المهزلة بتاعت السبع والنصب عيني عينك
و ردوا علينا اننا نودي العربيه
واتصلحت و كانوا عايزين يركبوا سنسور ببلاش عشان يداروا فضيحتهم و نصبهم
ولما بقول سرقتهم و نصبهم مش تعدي على حد نهائي
الحكاية لسه ماخلصتش
بس ايلي اقدر اقولهوملكوا دلوقتي
ان الحمدلله العربية اتصلحت ببلاش غصب عن عين السبع و -----------
بس استنوا مني اقولكوا فضيييييحه تدل ان في ناس مرتشين و مابيخافوش ربنا وحاجه تقرف
------------------------------------
تنبيه بمراعاة اداب الحوار
يرجى مراجعة قواعد المنتدى
5:05pm 10/8/2012
ب2