الموضوع: افيدونى جزاكم الله خيرا

ايه يا جماعة محدش عندة اى معلومة يقدر يفيدنى بيها والا الصيام والحر مأثرين :)

للإفادة
انا رحت لعونى بتاع التكييفات فى المنيرة بعد ما 3 قبله شافو العربية وأجمعو ان الكومبريسور هو اللى بايظ وطبعا مكانش فيه اى كبس خالص وكان الكلاتش بيلف وبيتقل عند نقطة معينه المهم بعد ما فكيناه كان الزيت اسود خالص ومليان زى رايش كدا, وعونى جابلى كومبريسور استيراد ب 600 جنية انا سئلت عليه لاقيته ب 500 بس وافقت علشان هو اللى جايبه على مسؤليته وكمان مش بحب انزل الحرفيين,
المهم غير الكومبريسور وفلتر الدراير بردوة اتغير على كلامة انه بردوة بيكون باظ زى ما الكومبريسور باظ لانه بيتملى اوساخ وبالتالى مش هيقوم بوظيفته الفلتر بردوة استيراد ب 200 ج ونظف الخراطيم والسربنتينة بالبنزين والهواء وشحن والدنيا بقت تمام, طبعا تكلفة الشحن 150 ج ومصنعيته 150 ج
ملاحظتى على عونى انه امين وصادق ومريح فى تعاملة وعيبه انه شغال لوحدة وبالتالى الشغلانة اخدت يوم كامل ومصنعيتة غالية

الأخ alsisiagric متابع معك وأرجو التكرم بابلاغي بالجديد في الأمر لاسيما وان تكييف المونديو معي عمل نفس الشيء...أتمنى إبلاغي بالتطورات ومنذ متى عملت هذه العملية...الخ ورقم تليفون عوني وأكون لك من الشاكرين..وكل عام وأنت والاخوزة جميعا بكل خير.

كل سنه وانتو طيبين
انا لسة مغير الكومبريسور من اسبوع بالظبط شغال كويس بس فيه صوت بيطلع منه ولما رحت لعونى تانى قالى ان الكومبريسور بيطبع مع الكافر بتاعه لانى ركبت الكافر بتاع الكومبريسور القديم
عونى موجود قريب من مستشفى المنيرة قريب من السيدة زينب تليفونه 01222189081
لو كلمته قله ان اللى اداك النمرة د. محمود اللى معاه اسكورت زرقا
وكل سنه وانت طيب

متشكر جدا..وأنت بألف صحة وسعادة.

وعلى فكرة هو عوني ده نفسه اللي في صقر قريش لأن فيه بعض الأخوة هنا ذكروا الاسم وقلت في نفسي قد يكون تشابه أسماء لكنه نفس رقم التليفون...فهل عنده ورشتان أم ماذا؟!