الموضوع: عاوز سوست e36 سبور

متشكر جدا يا DrJomaro بس ال Coilovers يا اما يبقو حاجة ماركة كويسة يا اما بلاش !!!

انا بس عاوز سوست تكون كويسة علشان ال Fender gap قدام عندى كبير شوية و مش لايق على العربية + العربية مع العلو دة بتميل شوية فى الملفات !!!

فا السوست هتحل المشكلة

المشاركة الأصلية كتبت بواسطة DrJomaro

مش بقولك Purest :-))))
الفكرة ان لما تشتري سوست من هنا محدش بيبقى عارف هما ايه ولا الهوا , محتاج يكون عندك انترنت و تاخد الpart number و تعيش بقى
علشان كدة الموضوع في مصر معتمد على التجربة , ركب يا ياشا و امشي بيها يومين و شوف و النظام دا
انا اشتريت كتير , في الأخر عمري ما هشتري سوست من مصر تاني الا لو عارف هما ايه
علشان السوست بتتحكم بشكل كبير في اداء العربية و أنا محتاج أكون عارف ال Specs بتاعت كل حاجة علشان لما أحب اغير, اغير عن فهم و أظبط العربية على Style سواقتي

ربنا معاك و تلاقي الحاجة اللي بتدور عليها

على فكرة أنا كنت شوفت عند زهير من فترة سوست E36
خليني ألف لفة على الأصدقاء , و ربك يسهل

يا ساتر يا رب :(

للأسف انا اكتر حاجة بكرها الموضوع دة !!! ان الى بيبيع مش فاهم حاجة خالص و كلة على التجربة

دة انا تقريبا الناس بتاعت الأستيراد بتاعت الأسكندرية كرهتنى بسبب الموضوع دة :D

بدقق فى كل حاجة بزيادة :)

مرة رحت اشترى Rear swaybar و كنت عاوز اقلب العربية M sport suspension الى هية Swaybar قدام 26 ملى و ورا 18 ملى بدال الى راكب دلوقتى ( مفيش Swaybar ورا و قدام 22.5 ملى )

رحت اشترى و كنت لسة جديد بقولة عاوز عامود ميزان E36 خلفى 18 ملى :D و واخد معايا الباكوليز :D هههههههههههههههه

الراجل قالى معندناش الكلام دة :D قالى انا عندى عامود ميزان الى هوة دة و قام مطلعلى بتاع ال E46 :) قولتلة دة E46 و كمان 19 ملى قالى يركب عندك يا باشا اكييد

اخدتة منة و انا متأكد انة مش هيركب عندى و طبعا ما ركبش رحت غيرتة و اخيرا لقيت واحد بتاع E36 17 ملى و قمت واخدة و خلاص !!!!

و حدور على ال 26 ملى قدام :D

المهم ان السوست بتفرق جامد فى العربية و كمان السوست ال 6 سلندر غير السوست ال 4 سلندر !!!!

و فية انواع كتيييييييييييييييييييير Sport و Race و OE و ... كل حاجة معمولة لحاجة و بتهبط تهبيطة معينة !!!

انا زى ما بقولك بدور على Eibach Pro-kit او H&R Sport او كونى و خلاص !!!

المشاركة الأصلية كتبت بواسطة DrJomaro

جيت على الجرح يا فهد,انا لما بنزل الحرفيين و بسأل على حاجة بيحسسونى اني بسال على حاجات هلامية
, انا برضة بدور على الSway bar e30 m3 or 325IX
اللي هوا 14 ملم و كنت عايز اجيب بوكوليز بردوا بس بصراحة مش قادر اتعامل مع الغباوة اللي هنا

انا كنت هاخلص مع واحدonline

sways adjustable 22mm front (my stock is 18), adjustable 19 mm
rear (i dont have rear
+poly urethane pushings + links

و بكام ب 1000 جنيه ,بس ربنا ما أرادشي

بس على فكرة ممكن أوى تلاقي H &R sport /or Race
علشان كتير من العربيات المتقطعة بتيجي بيهم , هات الpart number و انزل دور :-))
انا فاكر لما كنت بدور كنت بلاقي كتير لل E36 أكتر من ال E30 بكتير

هههههههههههههههههه

الحال من بعضة يعنى مش انا لوحدى الحمد لله :)

بالنسبة لل H&R انا معايا ال Part number و كل حاجة بس مش عارف ادور فين و فى حدود كام !!!! يعنى لما كنت بتسأل كانو بيبقو فى حدود كام ؟؟؟؟

و متشكر جدا و فعلا موضوع ال Swaybar دة ناس كتيير متعرفش قيمتة بس هوة مهم جدا جدا !!!

ياريت تفيدنى يا DrJomaro