الموضوع: الفيرنا الزيرو

المشاركة الأصلية كتبت بواسطة anona

السادة الافاضل
هل ممكن نصحية بخصوص الفيرتا الجديدة
هل تحتاج تغيير شىء مثل الكاوتش او ربط العفشة او اى شىء
الرجاء النصحية
وكل عام انتم بخير

اولا الف مبروك .. وربنا يكفيك شرها ويعطيك خيرها كلة

ندخل في الجد

اسمع اللي با اقولك علية
قبل الالف الاولي بلاش تكييف وبلاش تجري بعد ال 80 90 كيلو (( عشان لسة العربية ما لينتش كويس ))

اعمل الصيانة الدورية (( استخدم زيت تخليقي مش معدني ..(( الزيت التخليقي معمول في المعامل وبيبقة عمرة اطول واجود بسموة بالبلدي زيت ال 10000 كيلو - الزيت المعدني .. زيت مستخرج من مشتقات البترول .. بالبلدي زيت ال 5000 كيلو ))
لان عربيتك جديدة .. عاوزة زيا 10.000 كيلو
وبعد ال 40.000 استخدم اللي انتا عاوزة .. بس ياريت ما تغيرش زيوت كتير (( انواع يعني ))

تغيير فلتر البنزين كل 20.000 كيلو ..
تغيير فلتر الهواء كل ما يتوسخ يعني حسب مشاويرك

ظبط كاوتشاتك ... (( سيب الفبريكة )) ما تغيرش لجنوط اسبور دلوقت خالص
الفيرنا بيركبلها 13-و 14-15
واخيرا
دايما تشيك علي تيل الفرامل .... ومتقعدهوش كتير عشان تحافظ علي الطنابير يعني كل 50.40.60 الف حسب طريقة سواقتك واستخدامك ليها

تربيط العفشة كل 3 اشهر او 10.000 كيلو .. تظبيط زوايا كل ما تحس بغربلة ( جمده في الدركسيون ) علي سرعات

(( الفيرنا )) مش عربية سباق ... (( عاملها بإحترام )) ها تعيش معاك
الفينا فراملها كويسة بس سيب مسافة بينك وبين اللي قدامك (( عود نفسك علي كده ))

واي استفسار انا في الخدمة
اخوك عاصم

المشاركة الأصلية كتبت بواسطة anona

شكرك اخى عاصم
يعنى اغير كاوتش الفبريكة
واغير زيت تانى امتى بعد الالف ولا اكتر
وبارك الله فيك

السلام عليكم ورحمه الله وبركاتة

بالنسبة للكاوتش الفبريكا كل 40.000 الف كيلو او علي حسب طريقتك في القيادة
بس ممكن يجيب كمان معاك كل 60.000 او 65.000 الف كمان بس ما تزودش عن كده للامان

بالنسبة لزيت الموتور ..طبعا احنا اتفقنا لستخدم زيت ال 10.000 كيلو مع فلتر الزيت
ودايما تشيك علي فلتر الهواء ده مهم جدااا انه يبقي نضيف علشان سحب العربية معاك وعمر الزيت الطبيعي

بالنسبة لزيت الفتيس كل 40.000 الف كيلو ..بس انا افضل كل 30.000 كيلو يتم تغييرة بالكامل
مع تغيير فلتر الفتيس ..
وماتنساش الموضوع ده لازم في مركز صيانة ((( جامد جداااا ))) علشان يتعمل بأسلوب صح
والكمية المستخدمة بالكامل هى 2.6 لترات زيت فتيس من نوع spiii
ممكن تجيب موبيل atf320 او اي نوع مشابه مع الفلتر الاصلي

وبالتوفيق