سؤال .. هو حضرتك تعرضت لموقف لاقدر الله وكنت مسلح وفشل ؟!!!
للمعلومية .. مادة الحماية بتضمن فقط مداس الكاوتش دون الجوانب حتى شفة الجنوط
واى قطع جانبى بالتأكيد هايبوظ الكاوتش
بالتحديد كده المنطقة المحمية من علامات المثلثات الموجود فى اكتاف الكاوتش
نفسي اعرف بتجيب طولة بال تعمل الموضوعات الجامدة التفصيلية دى ازاى ... ده انت دماغ والله
عموما تقرير رائع وتسليح اروع ربنا يباركلك في التسليح ويكفيك شر الطريق
مبروك يا احمد
وبصراحه تقرير تحفه
تقرير ممتاز ومفيد جدا......شكرا
موضوع شيق جدا وشكرا علي مجهودك المميز في اعداده
وكنت عايز اعرف تكلفة التسليح كام
وعنوان الشركه فين بالضبط والتليفون
وشكرا
فى موضوعات بتاخد شهور عقبال ما تتعمل بالطريقة دى .. كله عشان خاطر الصقور .. لان لازم التنسيق وعرض المعلومة يكون قوى عشان يسهل وصول المعلومة
تسلم يا علي .. على تقديرك .. وواحشنى فعلا يا علوة .. ان شاء الله نتقابل قريب باذن الله
تسلم يا بيسو على تقديرك يا حبى
تسلم يا غالى على تقديرك
تسلم على تقديرك
انا كاتب كل التفاصيل فى اول الموضوع
وحضرتك روح الشركة واتفرج على الطبيعة اكتر .. حتنبسط فعلا .. وحتعرف كل حاجة
هما فى 39 شارع عبد الرازق السنهورى .. اللى بين عباس العقاد ومكرم عبيد .. امتداد الشارع اللى فيه جنينة مول .. الشركة بجوار البنك العربى
وده عرض كان مقدمه لينا الاستاذ والصديق والاخ محمد يسرى
http://www.nilemotors.net/Nile/301722-a.html
اهلا بيك يا فندم فى البداية
حضرتك زى ما قريت المشاركة بتاعت العضو واخدت اقتباس .. اتمنى انك تكون قريت ردودنا فى الموضوع كله والمشاركات .. عشان فى ناس مش فاهمة التسليح .. لان الموضوع جديد .. ومفروض ميتعملش عند اى حد
وانا بردى عليك .. رد عملى لان عمله فى عربيتى بقالى من شهر مارس .. واعضاء كتير عملوه كمان وثبت الى الان نجاحه ..
حضرتك لو بتتكلم على العادى من غير تسليح انا معاك الخوابير المحترمة زى تيب توب الالمانى هى اللى تمشى فى الكاوتش
بس طالما سلحت الكاوتش وحطيت مادة فيه .. يبقا خلاص انسى .. لان ازاى الكاوتش حيتخرم !!!!!!!!! وانت عامل بطانة من الداخل
انسى لو دخل اى مسامر .. عاوز تخليه فى الكاوتش .. الكاوتش مش حينام منك .. عايز تشيله وتخرجه من الكاوتش .. بردوا مش حينام منك .. لانك عامل بطانة حماية من الداخل .. البطانة دى لان حاجة بتتخرم بتسد مكان الخرم من نفسها
وكل ده عن تجربة .. والكاوتش بتاع عربيتى تحت التجربة وتحت امرك .. وانا جربت وشوفت بعينى قبل ما اعمل تسليح فى عربيتى الخاصة عشان اطمن طبعا
وبينى وبينك الدليل العملى
انا حبيت اوضح نقطة التسليح لتكون غايبة عن حضرتك بس
وتحياتى ليك واهلا بيك معانا
اهلا وسهلا بحضرتك واتمنى ان مفيش حد يضايق من كلامي بس للاسف هي دي الحقيقة وانا بالفعل سلحت الكاوتش في فرع الشركة المقصودة في ابو رواش بتاريخ 21-12-2011ومن شهرين بالضبط بدأت المعاناة اضبط الكاوتش وتاني يوم الاقيه ريح قولت يمكن من الجنوط وان استحالة يكون في تسريب مع التسليح لحد ماجيت في يوم وانا مسافر بورسعيد لقيت العربية بتحدف جامد ونزلت لقيت الفردة اليمين قدام على الارض الحمد لله كان معايا كمبروسو بيشتغل على الولاعة وضبطها وكملت واول ما رجعت القاهرة قولت لازم اقطع الشك باليقين فكيت اول فردة وحطيتها في حوض ميه زي بتوع الكاوتش وكانت المفاجأة اني لاقيت التسريب من الكاوتش ومن المنطقة اللي المفروض انها متسلحة لفيت على باقي الفرد لاقيت في تسريب بس بنسب متفاوتة ومشكلتي دلوقتي اني معرفش لما اروح الشركة هل ممكن فعلا اخد حقي ولا هيبقى تضييع وقت ومناهدة على الفاضي لو هيبقى كده يبقى قدر الله وما شاء فعل وعليا وعلى الخوابير وامري لله بس طبعا لازم انقل تجربتي ليكو بكل حيادية وربنا وحده هو الشاهد عليا واني مقصدش اظلم حد او اتجنى عليه :3_3_102[1]:
لازم تروح على الشركة .. لان فى ضمان .. ولو كلامك صحيح .. يبقا اكيد ليك حق طبعا ..وانا لفرع اللى روحت فيه وعملت الموضوع ده فرع مدينة نصر عند الاستاذ محمد يسرى .. وانا حبلغه بمشكلة حضرتك
لان اكيد ممكن يكون فى حاجة اتصبت غلط او فى حاجة حصلت وقت لما عملت التسليح فى ابورواش
وبعدين انت معاك ضمان .. وانت بتتعامل مع شركة محترمة وبتخاف على سمعتها طبعا ..
بس متعملش حاجة فى الكاوتش اللى نام .. لغاية ما تروحلهم
تحياتى