بارك الله فيك وربنا يجازيك خير وللمرة الثانية ربنا يعلم اني مش بتجنى على حد ولا احب اتهام الناس بالباطل ولكني انقل رأيي بكل حيادية وزي ماحضرتك قولت التجربة خير دليل والكاوتش موجود تحت امرك
اولا: حمد لله على سلامتك يافندم وستر ربنا ان معاك الكومبريسور الهواء ده وأسعفك فى طريق سفرك
ثانيا: لا يضيع حق وراءه مطالب .. وبالتالى لا حرج من انك تتصل بالاستاذ محمد يسرى مدير فرع مدينة نصر وتزوره يكشف على الكاوتشات كلها ونتاكد جميعا من السبب الحقيقى
لأنه بصراحة راجل محترم وخلوق واهم حاجة فاهم شغله مظبوط وكمان انت مش دافع مبلغ بسيط عشان فى الاخر تضرب خوابير او لحامات وتبوظ الكاوتش
ثالثا: بدون ان ادافع على احد .. لكن عن تجربة شخصية فى عربيتى عملية التسليح بتتكون من اكثر من مرحلة وكل مرحلة مترتبة على اللى قبلها وبالتالى الاخلال بأى مرحلة من الممكن ان يتسبب بما حدث .. وهذه المراحل هى (الصنفرة - معالجة الثقوب ان وجدت بلحام مكواة - تحديد الوزن اللازم لتبطين داخل الاطار - الرش بالجهاز - التركيب وملء النيتروجين ومعايرة الضغط المظبوط - الترصيص - التجربة على المدى القصير خلال ايام والطويل خلال اشهر)
صباح الفل على كل أعضاء المنتدي بوجه عام و صباح الفل قوي "مخصوص يعني" لكل رجالة نيسان،
أول حاجه: أنا أحب أعتزر للأستاذ / سيد صاحب المشكلة عن أي حاجه ممكن تكون خلته مش مرتاح أو اي مشاكل حصلت عنده في الكاوتش و هو مسلح عندنا. "ها أتكلم عن المشكلة تحت"
تاني حاجه: انا بحب أشكر كل الناس إللي دخل عل المشاركة سواء كان الكلام بالسلب أو بالإيجاب.
انا في الأول احب أوضح شوية حاجات صغيرة كده علشان الدنيا تبقى واضحة ذي:
- كل عميل عمل تسليح دفع فلوس "و مش قليلة"، يعني من حقه إنه ياخد خدمة صح مقابلها.
- كل عميل عمل تسليح معاه ضمان، يعني لو حصل عنده أي مشكلة في حدود تغطية الضمان من حقة إننا نحل مشكلته و بدون مقابل.
- ما فيش أي منتج في الدنيا مضمون 100% إن ما يبقاش فيه عيوب (سواء عيوب الخام او عيوب من التجميع)
- كفائة المنتج بتاعنا بتتراوح من 95% إلى 97% (و ديه نسبة عالية جداً بالمقارنة بجميع المصانع و الشركات العالمية) يعنى وارد بنسبة ضئيلة جداً إن يحصل مشكلة بشكل او بأخر، و لكن المهم في حالة إن حاجة ذي كده تحصل العميل معاه ضمان و من حقه إنه يرجع لنا و نحل مشكلته فوراً. (و الحمد لله الموضوع متجرب مع أعضاء كتير من المنتدي و بإذن الله مافيش عندهم مشاكل).
نرجع بقى لمشكلة الأستاذ / سيد:
أ/ سيد قام بزيارة فرع أبو رواش أول إمبارح و قابل هناك ا/ وليد مدير الفرع
و بالكشف و المعاينة في حضورة اتضح إن عنده مشكلة في فردة كاوتش واحدة فقط و الباقي زي الفل و ما فيهومش أي مشاكل.
و بالنسبة للفردة إللى كان فيها مشكلة ف غللي فيها ده كان عيب من العمالة بتاعتنا إحنا إثناء عملية الصنفرة "الصنفرة للكاوتش من الداخل ما إتعملتش كويس في منطقة الكتف" مما ادى إلى إن الماده تفك.
و بمعاينة فردة الكاوتش ظهر إن المادة كانت متشالة نتيجة سوء الصنفرة و المكان إللى ما كانش فيه مادة هو المكان إللى كان فيه المسمار - و ده بحضور العميل
و بناء عليه تم إصلاح الفردة و هي قيد التجربة الأن.
و يا رايت أ/ سيد يدخل يشارك في الموضوع و يحكيلنا هو بنفسه عن إللى حصل و يأكد او ينفي إللى انا بقوله.
و في النهاية انا بكرر إعتزاري تاني للأستاذ / سيد للمشكلة إللى حصلت مننا دي و بعتزرله على تضييع وقته و أرجو إنه يكون إتأكد إن حقه محفوظ و عمره ما ها يضيع معانا إن شاء الله.
مع تحياتي
محمد يسري
01120011222
01006541113
في البداية احب اشكر كل من تفاعل مع مشكلتي وحاول يحلها
تاني حاجة انا بعترف لجميع اعضاء نايل موتورز اني فعلا كنت غلطان لما اسأت الظن في شركة TTP Egypt
واني مشواري لفرع الشركة في ابو رواش اتى بثمارة وفعلا استاذ وليد مدير الفرع كان على قدر المسئولية وزيادة
وفعلا كشفنا على ال4 فرد وفعلا لقينا واحدة بس فيها مشكلة والحمد لله تم عمل اللازم وبعد لما مشيت استاذ وليد اتصل بيا مشكوراعشان يتابع اخر الاخبار وقولتله ان لحد دلوقتي تمام
تاني يوم الصبح اللي هو امبارح حصلتلي ظروف صعبة جدا وهي اني زوجتي كانت على وش ولادة وجالها نزيف شديد جدا وطبعا لازم تروح اي مستشفى وبسرعة ركبتها العربية ومشيت خطوتين لاقيت العجلة الخلفية اليمين اللي المفروض اننا كاشفين عليها (دي واحدة تانية غير اللي اتصلحت )لاقيتها على الارض طلعت الكمبروسر وجيت انفخها لاقيت المفاجأة الكمبروسر اللي حيلتي باااااااااااااااااااااااظ فكيت الفردة وروحت بيها لاقرب واحد بتاع كاوتش ونفختها وركبتها تمام وطلعنا على اقرب مستشفى والدكتور عمل اللازم والحمد لله قامت بالسلامة والمولود تمام
طبعا المفروض اروح لاستاذ وليد تاني بس مستني يومين تلاتة لحد ما حالة زوجتي تستقر او اختها تيجي تقعد معاها
سمعوني مبروووووووووووووووك:15_2_143:
1000 مبرووووووووووووووووك يافندم ع المولود السعيد ويتربى فى عزك باذن الله ..
وان شاء الله تلاقى حل لمشكلتك المتكررة ..
اول مرة اسمع عن تسليح ؟؟؟
موضوع رائع تسلم ايدك استاذ احمد
جميل جدا موضوع التسليح ده
ياترى فيه لكم فرع فى إسكندرية ؟ وفين ؟والتليفون لو أمكن ؟
موضوع هااايل