ماهي توقعاتكم لمستقبل هيونداي (موضوع للنقاش)

**mody3on** · 09-08-2012 03:06 PM

المشاركة الأصلية كتبت بواسطة Ahmod

الهيونداي - كيا عموما من اكتر الشركات اللى تطورها كان سريع جدا في الفترة اللى فاتت

لو نبص للاكسنت على سبيل المثال بداية من الاكسنت القديمة مرورا بالنيو اكسنت وحتى ال RB طبعا مستوى التطور في الشكل الداخلي والخارجي والاوبشنز واضح جدا ونفس الشئ بالنسبة للالنترا

انا شايف ان هيونداي وصلت لمستوى ممتاز جدا في ال Design

سواء Interior او Exterior يمكن كمان تكون تفوقت على الياباني والاروبي في روعة وجمال التصاميم

او على الاقل بقت بتنافس بقوة في النقطة دي

ناقصها فقط الاهتمام شوية بجودة الخامات وعوامل الامان انها تنزل Stander في جميع الفئات على الاقل ABS + 2 Airbags

عموما دلوقتي كل اللى بيبعد او بيقول على عربية معينة انه مش هيجيبها عشان "كوري" بيبقى خوفه كله من نقطة الاعتمادية والجودة والعمر الافتراضي وانا واحد من الناس اللى بفكر في سيراتو بس خايف من النقطة دي

في خلال ال 10 سنين اللى جايين الموضوع ده هيكون وضح جدا خصوصا بعد مانشوف عربيات زي النيو النترا والاكسنت RB بعد مرور فترة زمنية كبيرة او كم عالي

سعتها هنقدر نشوف اذا كانت العربيات الكوري اهل للثقة ولا لاء

من وجهة نظري

حاليا هيونداي تعتبر في مرحلة اثبات النفس !! بدات تهتم بالشكل الداخلي والخارجي عشان تجذب العملاء

يمكن عوامل الامان والجودة مش بالمستوى المطلوب حاليا لانها سياستها في الوقت الحالي انها تنزل بسعر منافس واقل من الياباني والاوربي عشان برضوا تجذب العملاء

وعشان تنزل بسعر منافس لازم ده يجي على حساب الجودة نوعا ما

اعتقد في خلال ال 10 سنين اللى جايين هتبدا تزود الاهتمام بجودة التصنيع والاعتمادية الى جانب طبعا تحسين الاداء نوعا ما " زي الفرامل - الثبات - ومواصفات الامان " عشان تثبت نفسها وتحط بصمتها في السوق

لان العربيات الكوري بتنافس حاليا بقوة وبدات تسحب البساط من الشركات اليابانية اللى مستواها كل مدى بيتراجع من غير اي سبب مقنع !!!

ما ده اللي بنقوله ، هي بتنزل كل مواصفات الامان standard برة وعشان كدة محدش بيشتكي منها

**dolly13** · 09-08-2012 03:45 PM

لو حافظت هيونداى على نفس معدل التطور وفرضت شروط اكبر تاثيرا على الوكلاء وخاصة غبور . اعتقد ان مستقبلها سيكون مرضى للعملاء بشكل كبير ومبيعاتها ستكون فى زياة ملحوظة

**minicooper20** · 10-08-2012 05:33 AM

مستقبل مبهر
و نجاح ساحف فى الكام سنه الجايه
و خصوصا ان اليبانى نايم

**DEVILRIDER** · 11-08-2012 10:36 AM

المشاركة الأصلية كتبت بواسطة se_coralsea

أستاذ ahmod

أولا .. أنا بأحييك و بأشكرك علي مشاركتك جدا و اللي لمست فيها قلب الحقيقة الي حد كبير

ثانيا.. فعلا هيونداي زي ما انا شايف و يمكن بعضكم يلاحظ بدأت تتجه للمنافسة في نواحي تقنية اكثر و تهتم بعوامل الامان المساعدة و لأول مرة نشوف موديلات من الالنترا و الأكسنت في مصر فيها هذه العوامل و التي مازالت تنافس مثيلاتها حتي في السعر

أعتقد من خلال المشاهدة و التحليل لتاريخ هيونداي أو الشركات الكورية عموما و التي لمستها بقوة في مجال عملي في صناعة السفن أن الكورييين يحاولون تحقيق معادلة صعبة تجمع مابين المنافسة في الجودة و المتانة مع الأحتفاظ بالسعر المنافس ايضا و هو مانجحوا فيه بالفعل الي حد بعيد في الموديلات الحديثة من السيارات و التحدي القادم امامهم هو تحقيق التفوق في مجال الجودة من حيث الخامات ووسائل الامان و قوة المحركات مع الاحتفاظ بالتفوق في الشكل و الكماليات و السعر المنافس

طبعا هنا في مصر مطلوب توكيل قوي و يستطيع أن يقدم خدمة حقيقية و مميزة لسيارات واسعة الانتشار و تلقي حب و قبول من كل الفئات و هو ما بدأته بالفعل جي بي اوتو من خلال أفتتاح مراكز خدمة عملاقة و أنتقاء المهندسين و الفنيين و مراكز الخدمة المعتمدة التي تتطابق في مستوي خدمتها مع التوكيل

اعتقد أن القادم أفضل لهيونداي أن شاء الله

استاذ سمير الشهاووى انا كنت بعتلك رسالة و يا ريت ترد عليا فيها