الموضوع: سؤال لمالكى اللوجان المانيوال

بص هوا طبقا للكتالوج و دا الافضل يعني انك في الغيارات الانترميديت من الاول للرابع يعني المفروض ان الر بي ام معاك ما يزيدش عن 3000 و لو لسه بتعمل للعربيه تليين في اول 1500 او 1000 تقريبا مش فاكر بالظبط الصراحه ماتزيدش عن 2500 انما بعد التليين و علي الغيار الخامس افتح براحتك بس راعي انك ما تبقاش كل مشاويرك كده او كذا مشوار ماشي بالقرص ده لأنه هايتسببلك في انك تغير الزيت او انك تزوده بدري بدري عن ال 10الاف كيلو لأن 3حاجات بيهروا الزيت المشاوير الطويله عمتا و المشاوير اللي الموتور علي طول بيلف بسرعه عاليه و المشاوير الكتير اللي اغلب الوقت الموتور فيها ايدل يعني ع الاول كل شوية و كده
معلومه اضافيه بقي ان موضوع النقله دا مالوش علاقه بسرعة العربية اد ايه هوا ليه علاقه بعداد الار بي ام اللي بيمثل لفات الموتور كام لفه في الدقيقه يعني و ان الموتور انا دلوقتي عند عدد اللفات دي ايه انسب غيار اعشقه مع الموتور يديني العزم اللي يحركلي العربيه و في نفس الوقت يدين العجله المناسبه عشان العربيه سرعتها تزيد بسرعه و اكيد طبعا انتا عارف ان كل ما انزل بالغيار علي نفس السرعه العزم بيزيد عشان الترس اكبر عشان كده اما بتطلع مطلع لو العربيه مش واخده سرعه كويسه تطلعها المطلع فا بتطلعه ع الغيار الاقل منه عشان تديك عزم اكبر و بالتالي عجلة للحركه اكبر تضاد العجله بتاعة الوزن اللي بينزلني لتحت و احيان كتيره بتضطر تنزل للاول
أخر حاجه : معني ان الغيار الاول هوا اقوي غيار في العربيه مش معناه انه هوا هايديك السرعه القصوي لكن معناه انه اكبر ترس و بالتالي هايديك عزم الموتور اسرع من بقية الغيارات من الوقوف و في نفس الوقت هايديك اسرع عجله (أسرع تسارع للسرعه) بالنسبه لبقية الغيارات عشان كده دايما تلاحظ انك بتنقل من الاول للتاني أسرع من نقلة اي غيارين تانيين و الله أعلم ..

شكرا لاجمد واجدع رجاله على الردود الجميله دى فى انتظار المزيد من الردود ان شاء الله

انا عن نفسي بغير على 2.5 rpm وكده بحس بمتعة القيادة و نعومة العربية اكتر:)))

المشاركة الأصلية كتبت بواسطة singlemedo

انا عن نفسي بغير على 2.5 rpm وكده بحس بمتعة القيادة و نعومة العربية اكتر:)))

بس مش كده بتحس انك بتنقل بدرى والا ايه وياترى كده الخامس بيجيب معاك لغايه كام ؟
شكرا لرد حضرتك