عندى مشكله عند الضغط على الفرامل على سرعه عاليه

السلام عليكم ورحمه الله وبركاته
عندى مشكلتين فى العربيه
الاولى وهيه وانا ماشى على سرعه عاليه من 130 الى 150 او اكتر واجى ادوس فرامل بسمع صوت حاجه بتورور من ناحيه العجل الامامى مش عارف اوصف الصوت بالضبط بس ممكن يكون صوت احتكاك تقريبا
الثانيه العربيه مخنوقه جدا على السرعات العاليه من 100 فيما فوق
العربيه لانسر بومه 1600 اوتوماتيك موديل 2008 ماشيه 62000الف كم
اخر صيانه كان عند 53 الف كم اتغير فيها زيت وفلتر والى قلبيها كانت عند 43 الف كم واتغير فيها كل حاجه معادا سير الكاتينه وفلتر البنزين يعنى فلتر البنزين ماشى 62 الف كم

المشكلة الاولى من الطنابير
بها ريجة
حلها حاجة من اتنين
تخرطها او تغيرها

بتحك يعني بتصفر يعني تيل فرامل بايظ او داخل فيها تراب
ولا قصدك بتترج يعني طنابير محتاجه تتغير او تتخرط
وبالنسبه للصيانات دي ياريت تهتم بيها شويه لانك واضح انك مش بتصينها خالض وطبعا العربيه تتخنق
فين فلتر البنزين فين فلتر الهوا فين بوجيهات كل ده محتاج يتغير وشوف الكاتينه عندكو بتتغير على امتي بالظبط

اقتباس:

---

المشاركة الأصلية كتبت بواسطة khalid_adel

بتحك يعني بتصفر يعني تيل فرامل بايظ او داخل فيها تراب
ولا قصدك بتترج يعني طنابير محتاجه تتغير او تتخرط
وبالنسبه للصيانات دي ياريت تهتم بيها شويه لانك واضح انك مش بتصينها خالض وطبعا العربيه تتخنق
فين فلتر البنزين فين فلتر الهوا فين بوجيهات كل ده محتاج يتغير وشوف الكاتينه عندكو بتتغير على امتي بالظبط

---

بالعكس تماما
انا صاين عربيتى كويس جدا وكل حاجه بغيرها باصلى وفى التوكيل
انا عندى فى صيانه ال40 الف غيرت فلتر هواء وبوجيهات وزيت فتيس وكل حاجه فى الصيانه والحاجات ده بتغير فى عربيتى على 40 الف بس قالولى انت الفلتر بتاع البنزين عندك كويس خصوصا انى بفول على نصف التانك

فى حاجه بالنسبه للمشكله الاولى وهيه ان التيل عندى خلاص فى مراحله النهائيه ممكن يكون هوه السبب فى الصوت الى بيطلع

معلش انا فهمت منك العكس اصل كان في واحد اعرفه كده وساعتها قفشت معاه وقولتله انت ازاي سايب عربيتك كده حرام عليك
المهم كده المشكله الاولي تيل فرامل ولو صوت الصفاره مستمر مش بيروح لازم تغيره عشان ميبوظش الطنبوره حرام
المشكله التانيه انا شايف انك تكشف عليها كمبيوتر الاول عشان لو مكنش فلتر بنزين نقدر نحدد السبب بدقه اكتر لان ليها 100 سبب

تيل الفرامل عاوز يتغيير وعن تجربة لانها حصلت معايا قبل كدا كنت مركب التيل الاخضر من توكيل الرواس وفجأة لقيتة خلص على 12100 كم وطبعا مكنتش اتوقع ابدا انه يخلص فى مدة قصيرة كدا بس ارجع واقول انا بسافر القاهرة كتير

سحب العربيه متوقف على اكتر من حاجه بس الحاجات الاكيده اللى لازم تعملها
تنظيف البوابه وحساس الايدل
تغيير فلتر الهوا
البوجيهات

ولو عربيتك اوتوماتيك لازم تغيير زيت الفتيس

[QUOTE=salah_86;3874471348]تيل الفرامل عاوز يتغيير وعن تجربة لانها حصلت معايا قبل كدا كنت مركب التيل الاخضر من توكيل الرواس وفجأة لقيتة خلص على 12100 كم وطبعا مكنتش اتوقع ابدا انه يخلص فى مدة قصيرة كدا بس ارجع واقول انا بسافر القاهرة كتير[/QUOTE
انا برضو مركب التيل الاخضر بتاع التوكيل
بما انك بتسافر كتير زى حلاتى هل سمعت صوت عالى لما بتكون على سرعه وبتفرمل ولا مفيش صوت
انا التيل عندى بصيت عليه فاضل فيه الربع تقريبا عامل معايا لحد لدوقتى حوالى 19 الف كم والمره الى فاتت غيرته على 23 الف كم