ارجو المساعده فى تكيف الميجان2

**ayman45** · 10-08-2012 05:20 AM

السلام عليكم ورحمه الله
ارجو من الاخوه الاعضاء زوى الخبره افادتى فى موضوع التكيف انا عندى سياره ميجان 2 تكيف تاتش التكيف على السريع ممتاز ولكن فى الزحمه سىء جدا مع العلم انى شحنت فريون ونضفت السربنتينه وعملت دوره التبريد ومحدش عارف يحل المشكله وايضا غيرت بلف الكباس ومفيش فايده وشكرا

**shawkylotfy** · 11-08-2012 02:13 PM

والله هى كدة للاسف العيب مش فى العربية العيب فى الزحمة الى غير طبيعية

**ayman45** · 12-08-2012 03:59 AM

يعنى ايه مفيش فايده

**shawkylotfy** · 12-08-2012 05:26 AM

المشاركة الأصلية كتبت بواسطة ayman45

يعنى ايه مفيش فايده

للاسف العربية على مروحة واحدة والمصفحة الى تحت الموتور مبرشمة الدنيا من تحت فلما العربية تقف فى اشارة طويلة بالنهار فى الحر السربنتينة مش بتتبرد كما يجب

**chiko** · 12-08-2012 05:44 AM

المشكله في الجو اليومين دول الزحمه الكتير .. العربيه محتاجه تبريد و سرعه عشان كفائة التكيف تكون كويسه و تبرد الغاز ... العيب مش في عربيتك .. العيب في الزحمه و الحر

**ayman45** · 13-08-2012 03:19 AM

يا جماعه منا بركب عربيات تانيه كتير والتكيف بيكون اداءه جيد جدا حتى فى الزحمه

**shawkylotfy** · 13-08-2012 11:12 PM

المشاركة الأصلية كتبت بواسطة ayman45

يا جماعه منا بركب عربيات تانيه كتير والتكيف بيكون اداءه جيد جدا حتى فى الزحمه

ايوة منا بقوللك هيا الميجان كدة فى الوقوف الطويل تكيفها تعبان

**temo85** · 14-08-2012 12:11 PM

سمعت ان فى بعض الناس غيرت الكباس لكباس يبانى و الدنيا ظبطت , كبس كباس الميجان ضعيف أصلا

**ayman45** · 14-08-2012 06:58 PM

يا شباب انا امبارح راكب ميجا 2 وكيفها تحفه وبدون اى تعديل

**haisam ali** · 16-08-2012 03:24 PM

انا عندى نفس المشكله دى التكييف على الطرق المفتوحه ثلاجه بس المراوح بتاعت الصالون ضعيفه اصلا فى العربيات دى فمش بتسقع الصالون كله واول مابقف فى الزحمه التكييف بيروح فى داهيه وبيبقى زفت فتقريبا الميجان كلها كده !!!! وربنا انا قبليها كان معايا اوبل فيكترا 2002 ماكنت تستحمل التكييف نهائى ولا ليل ولا نهار ولا فى الزحمه كان بجد ثلاجه