استفسار عن شراء صني الجديدة
السلام عليكم و رحمة الله و بركاته
من فضلكم انا ناويه ان شاء الله احجز الصني الجديده أوتوماتيك بعد العيد من اوتو ايجيبت، بس كان ليا شويه استفسارات :
1- انا كنت حابه اشوف العربيه الاول و احس بابعادها الاول فممكن اروح اي اجنس او توكيل اشوفها الاول قبل ماحجز و لا لازم اروح احجز علي طول ؟؟
2- بالنسبه للالوان ، باختار اللون من البوشور و خلاص و لا بيبقي عنده عربيات بحيث اشوف اللون بعيني ؟؟
3- هو لون العربيه الي في البروشور الي علي موقع صني ايجيبت دي برونزي و لا دهبي ؟؟
4- بالنسبه للإستلام بيبقي ايه النظام ؟؟ يعني لما بيقولي تعالي استلمي باروح باقي الفلوس و باستلم علي طول و لا بستلم بعدها بكام يوم علي مالاوراق تجهز
5- بالنسبه للترخيص في المرور تكلفته كام ، للسنه و لل 3 سنين
5- بالنسبه للتامين ، كنت عايزه اعرف احسن شركات و انظمه تأمين .
6- بالنسبه للعربيه نفسها ، انا متابعه التقارير كويس بس عايزه اسأل تاني، حد لقي عيب خطير في العربيه او ندم انه اشتراها
معلش هي اسأله كتير بس انا اول مره اشتري عربيه و معرفش الدنيا ماشيه ازاي خالص ، اخر خبرتي مع السيارات ال 128 بتاعت والدي
انا كل الي محتاجه من العربيه انها تكون مريحه و بتستحمل للإستخدام داخل القاهره و سفريات مش بعيده مره او مرتين في الشهر بالكتير