الموضوع: استفسار عن شراء صني الجديدة

الترخيص فى المرور 3 سنين بيكون بتاع 1300 1200 حاجة كده
التامين انا كنت مامن مع اليانز و على حد ما اسمع هما من اافضل شركات التامين فى مصر (بس بياخدو نسبة اعلى من الشركات التانية)
بالنسبة للون بصى فى الصورة دى (اعتقد هو ده اللون اللى انتى بتتكلمى عليه)


و ده برونزى
بس اللون ده عليه طلب جامد اوى فلو حتاخدى العربية من وكيل هتستنى لحاد شهر 11
و لو مش عايزه تستنى هتشترى العربية من معرض زى الاحمدى او سمير ريان او القرش مثلا بس هتدفعى فيها من 2000 الى 5000 زيادة

العربية معايا انا كنت اول عضو فى المنتدى هنا يجيبها
العربية ممتازة

بالنسبة لمشاهدة العربية فبيكون على الاقل موجود عربية او اتنين فى المكان اللى حتشتلرى منه و طبعا بيسمح ليكى تركبيها تتفرجى عليها من جوة
اما موضوع التست درايف اظن المفروض تكون حاجز (مش متاكد)
عموما دى نمرة اوتو ايجبت و ده موزع نيسان 16666
و دى نمرة فرع مدينة نصر 0226705154

الحجز بيكون بالف و بقية المبلغ عند الاستلام
و فيه مواضيع كنت عملتها عن الصنى الجديدة

http://www.nilemotors.net/Nile/29696...post3874406007
http://www.nilemotors.net/Nile/302219-2013.html
و فيه موضوع مجمعين فيه معظم التقارير عن الصنى الجديدة
http://www.nilemotors.net/Nile/302074-2013-2.html

المشاركة الأصلية كتبت بواسطة mollaELolla

المشاركة الأصلية كتبت بواسطة limo81

السلام عليكم وبعد التحيه
كنت عايز اعرف من حضرتك رأيك في الصني الجديده من جميع النواحي سواء بالايجاب او السلب خاصه انها معاك ماشاء الله بقالها فتره
اصلي انا حاجزها ومستني الاستلام وطالع من128 يعني العربيات كلها هتبقي واحد بالنسبه لي بس انا اخترت الاتساع وعوامل الامان والاسم
وطبعا كعاده المصريين لما اسأل معرض ما عندوش العربيه يقولك "وحشه جدا" اه والله وبدون مايقول اسباب...والعكس صحيح
افيدونا وريحونا جزاكم الله خيرا

عينيا يا باشا
انا معايا 504 ( مش لوحدك اللى كنت سايق عربية قديمة)
الصنى دى بنت ناس

ربنا يكرمك كدا و تستلم و براحة كدا على العربية دى بردك مش حديدة زى العربيات القديمة و اعتقد لو اخدت بالك منها هتنبسط منها اوى

الدركسيون خفيف و العربية واقفة سلس جدا على السرعات البطيئة و لما السرعة بتزيد يتحول زى يبقى دركسيون 504 ماسك نفسه
( ما فيش فيه مشاكل الباور الكهربا بتاع الهيونداى)

الفرامل جميلة محترمة العربية دى فراملها تحححححححفة
التسارع كويس ( ما هياش طيارة بس التسارع حلو مش تسارع موتور 1500 ماهياش بطة ابدا)

ارتفاع العربية عن الارض جيد مش حاتحك و انتا لوحدك لكن لو محملها ممكن تحك ( مس ده مش مع كل المطبات مع مطبات بعينها)

استهلاك البنزين لسه ما حسبتوش كويس ( انا لا اؤمن بحساب استهلاك البنزين جوة المدن عايز تحسب صح يبقى طوالى على 90 و تمشى بتاع 100 كيلو على الاقل و بعدين نتكلم)

ثبات العربية دى و انتا ماشى على 60 هوا هوا و انتا ماشى على 110

العربية لما بتعدى 80 و تجيب الرابع ممكن تسرح منك لحاد 120 و انتا مش واخد بالك و اقعد كل شوية اشيل رجلى من على البنزين عشان انزل تحت ال 100

الموتور سواء لو واقف ( لو انتا فى مكن مغلق زى جراج صغير ممكن تلاحظه اما لو فى الشارع احيانا ابقى واقف شوية و بعدين اسال نفسى هوا انا طفيت العربية ولا لا؟؟؟؟ )

لو ماشى فى صوت للموتور بس صوت هادى تلاحظه فى الطلعة و كل ما تنقل على سرعات اعلى الصوت يهدى جدا و تصبح كل مشكلتك هيا صوت الجاوتش على الاسفلت

العفشة تجمع ما بين القوة و النعومة
انا مشيت بيها فى نقر و حفر و كلت بيها كام مطب و بعد كده فى صيانة الالف لما كشفوا عليها ولا الهوا

و شوف دول لو ما كنتش شفتهم و بعدين اسالنى على اللى انتا عايزه اجاوبك

http://www.nilemotors.net/Nile/302011-a.html

http://www.nilemotors.net/Nile/29696...post3874406007

http://www.nilemotors.net/Nile/295379-7.html

http://www.nilemotors.net/Nile/302219-2013.html