المشاركة الأصلية كتبت بواسطة عزيز محمد
يا جماعة ربنا يحفظنا جميعا من هذه المحنة ومن أمثالها
وينجى اللى ابتلوا بيها من شرها،
لكن موضوع الجرى والكلام ده واضح إنه مش الحل الأمثل حتى من الناحية العملية كما ذكر أستاذ أدهم، لإنك ممكن برضه تتجاب وساعتها هتبقى المشكلة أكبر، وبعدين ممكن الخبطة نفسها يكون تأثيرها ضعيف لكن وإنت بتهرب تضطر - تدوسه مثلا أو تخبطه تانى- فيبقى كده جبت أجله
وبالتالى ربما يكون الأفضل والأحوط إنك تقف مكانك وتطلب الإسعاف والنجدة مع اتخاذ كافة الإجراءات التى تؤمن بها نفسك مثلما ذكر الأخ صاحب الموضوع وأضاف إليها الزملاء مثل أخذ تليفونات المستعدين للشهادة، وتذكر تفاصيل الحادث وتدوينها والاتصال بمحامى وهكذا طبعا مع عدم التورط فى كتابة أى شىء (اعتراف منك بإنك سبب الحادث أو شيك على بياض عشان حق العلاج ولا أى حاجة من الكلام ده)، ويبقى كده عملت اللى عليك، ولو أصابك ضرر بعد كده يبقى خلاص ده ابتلاء من ربنا (والابتلاء لا له وقت ولا مكان ولا حد محمى منه)