اهل الخبره في الاوكتافياا

**hassan2010** · 27-06-2008 06:36 PM

صحيح ان طرمبه المياه يتقلب مش كويس بعد فتره.هل ده عيب معروفو وبكام سعر الاصلي منها
العربيهa4اوتوماتيك rpm يكون 3000 لما السرعه تكون 100 هو كده يبقي مضبوط
. شكرااااا مقدما

**hassan2010** · 09-07-2008 07:24 PM

العربيهa4اوتوماتيك rpm يكون 3000 لما السرعه تكون 100 هو كده يبقي مضبوط

**okmijn** · 09-07-2008 10:52 PM

المشاركة الأصلية كتبت بواسطة hassan2010

صحيح ان طرمبه المياه يتقلب مش كويس بعد فتره.هل ده عيب معروفو وبكام سعر الاصلي منها
العربيهa4اوتوماتيك rpm يكون 3000 لما السرعه تكون 100 هو كده يبقي مضبوط
. شكرااااا مقدما

ممكن توضح اكتر
يعني اية بتقلب

**SaNisSro** · 11-07-2008 07:20 AM

عيب طرمبة المية عيب معروف في عربيات الاوكتافيا اما الاسعار فمعرفش

**hassan2010** · 13-07-2008 04:39 AM

العربيه باحس انها بتسخن والحراره 90 مع العلم اني شايل ترموستات الكوعه يعني لما بجري الحراره بتنزل بس ده مش بيحصل الصبح والجو حر وانا مشغل التكييف يعني المروحتين شغاله.روحت مركز صيانه في الاسكندريه قال ان الطرمبه مش بتقلب بنفس سرعه الموتور .ايه رايكم واسف للاطاله

**SaNisSro** · 13-07-2008 06:01 AM

لا طبعا الكلام ده مش مظبوط لان الطرمبة في الاوكتافيا مش على الكهربا دي شغالة مع السير يعني نفس سرعة الموتور بالظبط ...اتأكد من دورة المية انها مش مسدودة خالص..اتأكد من حساس المراوح انو شغال كويس مش بيهبل ساعة يقفل وساعة يفتح ..وده حتلاقيه لازق في الرادياتير ...واخيرا شوف موضوع الطرمبة

واقلك على حاجة تافهة ممكن تكون السبب الرئيسي ان العربية بتسخن ... وده انا اتوقع انو 90%...سؤالي الاول ايمتا غيرت مية الرادياتير اخر مرة وفين؟

__________________________
العضو الفاضل برجاء مراجعة القواعد لتلافي الاتي
1 - الكتابة باللون الأحمرالمخصص للرسائل الادارية فقط
2 - الرد في مشاركتين منفصلتين متتاليتين
3 - وضع صورة كبيرة الحجم في التوقيع

تم دمج المشاركات برجاء تعديل التوقيع
الإشراف...

**hassan2010** · 17-07-2008 06:09 AM

انا بستخدم مياه خضراء كتير نصحوني اسنخدم الاحمر و اشكرك علي الاهتمام

غيرتها من شهرين عند الميكانيكي لاني ساكن في الاسماعيليه

______________________
تم دمج المشاركات
الإشراف...

**SaNisSro** · 20-07-2008 07:58 PM

قلتلي ميكانيكي انا خلاص عرفت يا باشا ...بص العربيات السكوده فيها سستم رخم في دورة المياه مشكلتو الاساسية انو لما تغيرلو مية والعربية سخنة حتسد الدورة بتاعة المية بالبخار ودي مشكلة حلها جهاز موجود في التوكيل المفروض عشان الموضوع ده يا اما تعمل زيي وتغيرها بنفسك بدليل انك سعات تلاقي المية مظبوطة وسعات تلاقيني ناقصة في نفس الوقت...المهم تصبح الصبح وتفتح غطا العربية وتفتح غطا القربة وفيه خرطوم رفيع متركب في القربة شيلو وتمد ايدك تحت المراوح اخر الرادياتير من تحت على يمينو تقريبا حتلاقي فيه محبس زي بتاع الحنفية بالظبط افتحه عادي زي الحنفية وسيب المية حتنزل كلها بالكامل..وبعديها حط في القربة مية طبعا بعد متقفل المحبس الي انت فتحتو واملاها مية عادية في الاول وبعد ما يتملي تلات ارباع الرادياتير تشغل العربية حتلاقي الدورة بتاعة المية بتنزل من الخرطوم الي انت فكيتو في القربة سيبو ينزل هوا وانت حط مية خضرا حتلاقيه طلع الهوا كلو الي جواة ....وظبط بحيث ان هوة لما يخلص الهوا ويديك سير مية صافي من غير هوى ترجعو مكانو بس بعد متتأكد ان المية في القربة مقاسها مظبوط وبكدة تكون خلصت العملية ....