الحمد لله :)
ده موضوع ال dsg كان هيعملي هسهس
أنا بقالي مدة عمال أغربل في موديلات لغاية ما رسيت على ال3 دول فكويس إن معليهمش كلام وربنا يطمنك زي ما طمنتني :)
عرض للطباعة
اولا اهلا بيك في نايل موتورز وقسم سيات
الف مبروك العربية وربنا يباركلك فيها
بالنسبة للأصوات دي ممكن تكون ليها عدة اسباب سواء عفشة او من العجل او او او
معظم الشكاوي من الفتيس بتبقي بعد ال10,000 بوجه عام
ربنا مايجيب حاجة وحشة
المهم ماتكونش بتحس بتنتيشة او اداءه بيضعف منك علي المطالع او اي مشاكل تخص الات الجر
بس حضرتك لو قلقان - روح التوكيل واكشف علي الفتيس
اهلا بحضرتك مرة تانية في نايل موتورز وياريت نشوف مشاركات وتواجد من حضرتك في القسم وماتقلقش من اي حاجة ان شاء الله
أزيك يا خالد باشا
عامل ايه ؟؟؟
بص يا باشا
الفتيس الٍDSG اول ما نزل - نزل في الجولف في سنة 2003 ودة كان 6 غيار وبيسموه wet وفي 2008 نزل ال7 غيار ودة كان dry ودي النسخة اللي عملت المشاكل لأن الميكاترونيك ماكنش بيتم تبريدها بسبب انه جاف وبياخد 1.7 لتر زيت فقط فبالتالي بتسخن وتتحرق بسبب اشارتنا الجميلة والوقفات الكتير
دي اول نقطة
تاني نقطة ان فولكس بدأت تعمم فتيسها الdsg في كل الموديلات بعد 2003 بفترة (مش عارف قد ايه)
وبالتالي سواء البولو او السيات من 2000 لحد 2005 بعيدة كل البعد عن مشاكل الdsg
تحياتي ليك
واتمني اشوفك علي خير ان شاء الله
SYD طبعا انا يشكرك جدا جدا على أهتمامك بالرد عليا, انا بقالى يومين مبانمش بسبب موضوع الفتيس دة العربية بقاله معايا شهر و جبتها بعد عناء و جايلى حالت احباط بصراحة انا يسمع صوت شخللة كدا او تخبيط وانا ماشى براحة او الطريق مكسر بس مش بلاحظ اى حاجة فالسحب ولا فى المطالع....مش عارف بصراحة اعمل اية لنل كنت لسة فى التوكيل و عامل فحص شامل ليها...أنا قريت و شوفت جميع مشاكل الفتيس دة و فهمت حاجات كتير..أنا اصلن فى 4 هندسة قسم Mechatronics...فا جايلى هسس بسبب الفتيس من ساعت ما قريت مشاكل الناس.....عموما اللى ربنا يجيبو كويس و قدر الله ما شاء فعل ......ولو قابلتى حاجة هقوللك عليها....شكرا تانى على ردك و مساعدتك......
كل اللي اقدر اقوله لحضرتك - ان الحظر لا يمنع القدر ولكن حاول قدر المستطاع تفهم المسبب في المشكلة وابعد عنها
يعني احب اطمن حضرتك ان الفتيس دة لو انت بتمشي سرعات عالية او معظم مشيك دائري واكتوبر والكلام دة - يبقي ان شاء الله هيعيش معاك اطول فترة ممكنة - لكن هتمشي وسط البلد وفيصل واشارات وكل شوية اطلع اقف اطلع اقف هي المشكلة (كتر الوقفة مفيش مشكلة)
وصوت الشخلله ممكن يكون ابسط مما تصور (ممكن يكون صاجة التراب بتاعة تيل العجل الأمامي)
اهم حاجة ما تحسش بنخع في الطلعات او هدر في الطاقة او تخبيط او رجرجة في الطلعة
لي احد الأصدقاء معاه جيتا 2010 خليجي فتيس dsg بيؤكد ان الفتيس معاه والله زي الفل (وعلي فكرة دة زميل اخر غير الأولاني يعني انا اعرف 2 معاهم جيتا 2010 خليجي والأتنين والله بيشيدوا بأداء الفتيس) مش بس كدة - لا دة كمان بيقولي ان كل دي اشاعات من الصنايعية علشان يعملوا شغل لأنهم بيغيروا او بينظفوا مش عارف ايه كدة في الفتيس - غير الميكاترونيك - وبيرجع يشتغل تاني زي الفل
سيبها علي الله - وقل لن يصيبنا الا ما كتب الله لنا -
تحياتي
من اهم مميزات الفتيس dsg انه بيبوظ بسرعة ،،، و ليه بقول من اهم المميزات ... ؟؟ لان دي الحاجه الوحيدة اللي ممكن تحصل فيه . ههههههههههههههههههههههههه هههههه
انا عارف انها سخافة مني و تقل دم بس بصراحة الموضوع فعلا يضحك
الشخلله اللي انت سامعها جايه من الفتيس و مش هتروح عمرها و ده عشان الفتيس يعتبر بدون زيت فالكلاتشات بتخبط في بعض يعني تصميمه كده و لا يؤثر على عمره الافتراضي وطالما ما فيش رعشه في الزحمه حضرتك في الامان و استمتع بالعربيه و تحت امرك في اي استفسار
توقيع :
اول واحد في مصر خد صدمة ال dsg
أشكرك أستاذ هانى على مساعدتك و بصراصة لحد دلوقتى مفيش رعشه عندى الحمد الله و عموما لو فية اى حاجة هاجى استشيركم ان شاء الله و اشكرك مرة اخرى عاى زوقك
مين قال ان الفتيس الاوتو لو باظ مابيتصلحش ممكن يكون المانيول اعطاله اقل بس فعلا متعب فى الزحمه ال DSG اه اعطاله كتير فى مصر بس المشكله دى مش موجوده فى الشركات التانيه
انا اخدت مطب على 150 فى اكتوبر بمرسيديس s500 والفتيس فصل بعدها بنص ساعه والزيت نزل كله فى الارض كل اللى عملته زودت زيت وروحت الحرفيين عند ورشه كل شغلها فتيس العربيات الالماني فى نفس اليوم فك الفتيس وغير الكلاتشات وطرمبة الزيت وغسل مخ الفتيس وركبه ورجع احسن من وانعم من الاول وكان فيه نتشه فى النقلات اختفت وبعدها باظ معابا فتيس BMW E46 واتصلح وواحد صاحبي صلحت له فتيس مرسيدس w210 كان فاصل خالص ومن 4 سنين للنهارده مفيش فيه مشكله
جرب بقى تركب مانيوال دفع خلفي وتعمل دريفتات كتير بين الاول والتاني هتلاقي الاسطوانه باظت فى فترة قصيره وممكن كمان الفتيس يضرب وهتحتاج تفكه وتصلحه يعنى طريقة سواقتك بتفرق كتير
فى الاخر انا بحترم رأيك بس الاوتو يستاهل تمنه فعلا ( اسف على الاطاله )
روحت الورشه لانى عارف ان اللى شغال فيها عبقري وهو اصلا شغال فى التوكيل فرع جسر السويس يعنى التوكيل مش هيعملي حاجه زياده الورشه فيها الكمبيوتر والقطع بجيبها من التوكيل عشان اضمن انها اصليه كلفتنى حوالي 2500 جنيه لو فى التوكيل كانو خدو على الاقل نفس المبلغ مصنعيه بس
s500
شكرا وربنا يرزقنا جميعا
عموما انا كان كل قصدي من المداخله ان الفتيس الاوتو يفرق كتير عن المانيوال ويستاهل تمن صيانته ايا كانت
وللعلم فقط انا صيدلي فى السعوديه حاليا والمرسيدس دى كانت جمرك تمنها مايعادل 70 الف جنيه
انما عربيتي في مصر لانسر شارك كنت ناوي اجيب جيتا او سيات ليون بس فعلا الdsg هو اللى غير رأيي
شكرااا على المجهود الكبير اللى وصل المنتدى للمستواه المميز
و الله يا جماعه انا اشتريت عربيه جيتا هاي لاين 2010 والحمد لل تمام مافيش اي شكوي نهائي و عمله دلوقتي ماشاء الله 110000كم ووانا بشتريها قالولي ان الفتيس فيه مشاكل بس كبرت دماغي الصراحه وبتعامل معاه صح يعني في الاشارات اجيبه علي n مااسيبوش علي ال d وفي المطلع اعملو مانيوال من يوم ما اشتريتها وقالولي كده في التوكيل
المهم عند 800000 لقيت الفتيس حصلت فيه مشكله في نقلات معدتش بتيجي رحت لمحمد سمير عملي سرفيس وغيرلي دسك واسطوانه 5000جنيه والحمد لله ماشاء الله ممتازه وبخصوص الاصوات من يوم ما اشتريتها وانا بسمع صوت خفيف احيانا في بعض الاماكن زي الجراجات بس الحمد لله تمام
بصراحه يا جماعه انا ملاحظ ان كل الردود موديل 2010 و نازل و التوكيل بيقول انها اتحلت من 2011 و انا مش مصدق . مفيش حد معاه 2011 يقولنا اخبار الفتيس بعد سنتين ايه و لا مفيش اى عربيه dsg 2011 اتباعت عشان سمعه الفتيس السيئه . انا كنت ناوى على اوكتافيا الشكل الجديد اللى حتنزل ب dsg بس لو فضل كده الله الغنى انا مش حشترى عربيه بالسعر ده عشان احسس على الفتيس ده الكورى مش كده انا كان معايا النترا2008 و كنت بعمل بيه اللى انا عايزه و لا اجيبه على n فى الاشارات و لا احوله مانيوال فى المطالع و لا حاجه و فى داهيه التكنولوجيا لو هى بالشكل ده
معايا سيات ابيزا 2011 .. عند 50000 جابت فتيس .. وصلحته ببلاش على حساب التوكيل .. ولكن ربنا يستر ويبوط تاني !
الساده ملاك سكودا فولكس سيات موديلات ٢٠١٢فما فوق ...
حد واجه اي مشكله لحد دلوقتي
انا ملاحظ ان الشكوي قلت فهل دا يبشر ولا الناس زهقت من الكلام عليه
الواحد عاوز يطمن
انا معايا ليون ٢٠١٥ بقالها ٧ شهور ماشيه ١٣ الف كيلو ونص وما شاء الله الحمد لله مفيش مشاكل
عربيتى سيات ابيزا 2012 غيرت الميكاترونيك للفتيس فى توكيل فولكس ب 170 جنيه وكانت بره الضمان
الفكرة ان ده عيب صناعة وشركة سيات اسبانيا اللى بتغير الميكاترونيك او الكنترول يونيت عشان عزلها بايظ وده اتسبب فى دخول الزيت علي الميكاترونيك وباظ الفتيس
مشكلتى معاه ان الاصلاح قعد شهر ونصف على ما استلمت العربية
اللى نفعني انى كنت عامل كل الصيانات فى التوكيل ومفيهاش اى لعب من بره
طيب اخبار 2015 ايه