الرجاء من خبراء النيسان افادتى اجيب نيسان صنى 2012 ولا 2013 لانى بعد مانويت على 2013 ناس كتير قالولى لا هاتى 2012 احسن فرجعت اترددت
عرض للطباعة
الرجاء من خبراء النيسان افادتى اجيب نيسان صنى 2012 ولا 2013 لانى بعد مانويت على 2013 ناس كتير قالولى لا هاتى 2012 احسن فرجعت اترددت
2012 انهى الشكل القديم !!
لو الشكل القديم ف بتنزل ال ex مانيوال وبدون abs وتمنها فى حدود 88
لو الشكل الجديد فهو نازل 2013 مافيش 2012 و ب95 المانيوال abs + 2 airbag
والاوتو بتعمل 100 الف وفيها نفس الكماليات
مش عارفة الصراحة الشكل القديم ولا الجديد بس انا هاجيب الاوتوماتيك لانى مش باعرف اسوق غيره
هما الناس قالولى 2013 الصاج اضعف والشكل اقل جمال و1500 سي سيى علشان كده نصحونى ب2012
لا حضرتك مافيش اوتوماتيك من الشكل القديم
هو الضاج مش ضعيف المهم حماية الركاب وسلامتهم اولا مش مهم اى حاجة تانية
الشكل دى اذواق وهى شكلها حلو مش وحشة
1500 سي سي مش سيئ ولا حاجة هما حاطينة عشان يوفر في استهلاك البنزين لأن الموديل القديم كان بيستهلك بنزين كتير ..
مدام حضرتك مش بتعرفي تسوقي الا اوتوماتيك يبقى لازم تجيبي الصنى الجديدة 2013
الجديده مجملا سياره افضل من القديمة
الشكل ازواق
والصاج هو مكن نقطه التعليق الوحيده على العربيه
جزاكم الله كل خير
بس حضرتك متأكد ان 2012 مفيش فيها اتوماتيك
تعالي نعمل مقارنة بسيطة بينهم الأول وبعدين في ضوء أولوياتك تقدري تختاري
شكل 2012 كلاسيك وشكل 2013 احدث طبعا
تقفيل 2013 افضل خاصة من ناحية قفل الباب (أسهل) والكراسي أريح
صالون 2013 أوسع من ناحية الطول يعني الرجلين للجالسين في الكنبة الي ورا مرتاحين عكس 2012 ضيقة ورا
2013 فيها ايه بي اي وطبعا دي بتفيد اوي في حاجتين الفرملة على الرمل والارض المنزلقة في المطر وامكانية المناورة وتفادي العربية الي قدامك وانتي مفرملة طبعا مافيش ايه بي اس في 2012 حتى لو لقيتي اوتوماتيك خلاص اختفت الي بي ايه بي اس
2013 فيها ايه بي دي ودي بتتوزع الفرامل على العجل حسب الحاجة وبالتالي بتمنع ان ضهر العربية يتوح اثناء الفرامل الجامدة مع الانحناء طبعا مافيش في 2012 الكلام ده
الله كله مزايا لي 2013 !! طبعا لأ
2012 قطعها ياباني باستثناء القطع المصري المعروفة من فرش ودفيرة ورادياتير وحاجات بسيطة تانية لكن 2013 صحيح موتورها وفتيسها وتكييفها ياباني على ما اعتقد لكن الباقي بخلاف المصري هندي وببساطة لان العربية دي مابتنتجش في اليابان اصلا لكن في الهند والصين والمكسيك
2012 تابلوها اشيك
2012 موتورها 1600 لكن 2013 موتورها 1500 وطبعا كده سحب 2012 هيبقى افضل خاصة مع الوقت وضعف الموتور مع الاستخدام
2012 موتورها حديد ظهر زي باقي العربيات الي اعرفها لكن 2013 كوتورها الومونيوم ماتستغربيش بجد الومونيوم صحيح ده وزنه اقل ويعتبر تكونولوجيا جديدة بس لسه عيوبها ما اتعرفتش واعتقد ممكن يكون اداءها افضل من الظهر لكن ممكن اوي يكون عمر الالومونيوم اقل علشان كده ماسمعتش انه بيعملوه في المرسيدس والبي ام والله اعلم
2012 قطع غيارها متوفرة اكتر لانها الي الآن منتشرة أكتر بس اعتقد بعد وقت قليل هتنتشر 2013 اكتر منها
2012 اتجربت كويس وماحدش اشتكى منها بخلاف ضيق الكنبة الي ورا زي ماقلت واستهلاك البنزين العلي شوية والدفيرة المصرية والزجاج مصري برضه وضرب مع بعض ملاكها لكن 2013 لسه التجربة محدودة
أرجو ان حيرتك ماتكونش زادت كده
يعني اختاري مابين
2012 ياباني اكتر وسحب احسن ومتجربة
ولا 2013 شكل احدث واوسع واستهلاك بنزين اقل وامان اكتر (ايه بي اس)
أنا لو مكانك هاختار التطور ومش هابص للخلف واجيب عربية خلاص عمرها الافتاراض انتهى
يعني ياهجيب 2013 ياهجيب موديل تاني
ارجو مااكونش اطلت عليكي
تقبلي مروري
2013 طبعا هي الناس بتطلع قدام ولا بترجع ورا
ملحوظة كده على السريع : الشكل القديم امامهم شهور على ما يرجعوا ينتجوه تانى لان المصنع عنده حجوزات على الشكل الجديد لحاد اخر السنة و مش ملاحق ( يعنى لو عايزه الشكل القديم زيرو يبقى بنتكلم فى كمان 6 شهور و الله اعلى و اعلم)
نيجى بقى للنقاط الاساسية
تعالى نفكر بشكل مختلف
الفديمة صاجها امتن شويه ( لكن ماهياش دبابة ماهياش لادا ولا 504 بس هو امتن حبه من الجديدة)
الجديدة فيها عوامل امان اكثر
ده كفايه الفرامل فيها abs (لمنع الانزلاق عشان العربية ما تتزحلقش انا كنت هموت قبل كده فى احد المواقف بسبب ان عربيتى القديمة مافيهاش الحكاية دى) ebd ( لتوزيع قوة الفرامل على الاربع عجلات بانسب قدر حسب الموقف ) ba ( نظام مؤازرة الفرامل لو انت اتفاجئت بشىء امامك دوست الدواسة فجاة بس ما دوستش كويس العربية بتحس انك فى موقف محتاج ان العربية تقف و تقف الان مش تهدى بس انتا اللى ما دوستش كويس فبتستجيب و كانك دوست على الفرامل جامد )
الكلام ده مش موجود فى الشكل القديم ( كان بينزل فيها abs كاوبشن و خلاص مش هاينزل لما ينتجوها تانى )
الشكل القديم صاجه اقوى حبه ولكن
فى وجود نظام فرامل متطور فى الشكل الجديد (لا يتوافر فى الشكل القديم)
و فى وجود نظام توجيه احدث يوفر استجابة ممتازة( نظام التوجيه كهربى فى الجديدة زى بتاع التيدا و فى القديمة هيدروليكى)
وفى وجود عدد 2 اعمدة اتزان واحد امامى و واحد خلفي ( الشكل القديم كان فيه عامود اتزان خلفى فقط فى السوبر صالون اللى توقف انتاجها اما ال اى اكس صالون ما فيهاش )
الجديدة مجهزة لتلافى الحوادث اكثر بكثييييير من القديمة و كله فى النهاية اقدار و بامر الله لكن الواحد يعمل اللى عليه و الباقى على الله
واضح إن صني 1500 2013 أحدث تكنولوجياً من حيث الامان و المساحة الداخلية و توفير البنزين أيضاً.
انا رأيي الصني 2013 انعم و اوسع و بصراحة انا سوقت الشكل القديم و الجديد و الجديدة ما شاء الله ممتازة
خليكي في 2013
طبعا انا مش داخل اهاجم الصني الجديدة ........ بالعكس العربية فيها سعرها اوي
بس كع احترامي لمالكها ونيسان نفسها ........ هم اهتموا بالوسع واستهلاك البنزين وقعدة الكراسي بس ونسيوا كل حاجة في العربية تاني
وعلشان محدش يكره القديمة لله في لله .. علشان هي شبعت اشاعات والله ههههههههههههه
وهارد علي المشاركات ديه باللي انا شايفه لان معايا الموديل السابق وفليت الموديل الحالي
بسم الله
اهم حاااااااااااااااااااجة الاستخارة وربنا ييسرلك الخير وتسلمي علي خير ان شاء الله
واخيرا الجديدة انا حسيت انها انعم من القديمة .... و اعتقد انك مش هاتحتاجي الماتور القوي ده كله
وواسعه وهاتبقي عائلية
وباور كهربا خفيف جدا ماشاء الله غير القديمة كان زيت
وانتي لو متعودة علي الاوتو يبقي مش هاتفرق معاك اوي ال1500
لكن انا لما سوقتها كنت حاسس انا اللي بطلع بالكرسي هههههههههههههه
اقعدوا بالعافية :))
هاتعملي ايه بالماتور؟ البنات مش مهم اوي حتة السحب دي والكلام ده الجديدة موفرة للبنزين وصالونها اوسع وعزلها احسن وعفشتها انعم وتكييف ممتاز ومرايات كهربا وتكنولوجيا احدث والشكل ده ازواق هاتعوزي ايه اكتر من كدا
الظاهر انك يا متر حسين رجعت لمرافعاتك بتاعت زمان .. :grinder:
بصراحة انا باعشق الصنى القديمة والجديدة مش متكيف منها مهما عملوا وصلحوا من عيوب .. يعنى احساسى كده
وكان نفسى فى السوبر صالون .. لكن الحمد لله على ما رزقنا به ..
ولو انا هاشترى دلوقت .. والقديمة مش موجودة غير ex بدون abs وكمان بعد 6 شهور والجديدة الناس كلها واقفة عليها طوابير (نيو بيرسول ههههههههه)
هافكر فى الاختيار الثالث .. اشوف حاجة كسر زيرو استعمال سنة ولا اتنين بالكتير اوى سوبر صالون ومش هاتزيد عن 95000ج والتوكيل موجود يفصصهالى قبل ما ادفع ثمنها .. (ده تفكيرى الشخصى)
واخيرا .. باقترح فعلا ان موضوع بيع المستعمل عن طريق الوكيل يتفعل فى مصر زى ما بدأته bmw منذ سنوات .. عالاقل تبقى العربيات مضمونة ومتصانة وكمان سعر اعادة البيع للنيسان فى مصر هايرتفع وكله بتمنه .. :B4_048:
باشكركم جدا على المجهود الرائع بصراحة كلام محترم جدا وتفاصيل مفيدة جدا
انا اللى هالاقيها متوفرة هاجيبها وربنا يسهل باذن الله
برافو ياباشمهندس حسين قولت كل اللى كنت عاوز اقوله اول ماشوفت الموضوع بتاع الاخت الفاضله ..... بس فيه ملحوظة ليا باستغرب منها .... ليه كل واحد بينحاز للى معاه؟؟؟؟؟؟؟ يعنى معظم المشاركات عن المقارنه بين الجديدة والقديمة بتصب 90% منها لصالح القديمة ( على فكرة انا 2011 اوتو ) لكن تلاقى اللى معاه الجديدة بيحاول يفطس القديمة مع العلم زى ماقلت معظم المشاركات بتبين ان دى ليها مميزات وعيوب والتانيه برضه وبالنسبالى انا ركبت الجديدة ووالله بامانه كل اللى قلته عن انها كنزة وحاسسها صغيرة كدة اما موضوع الامان فالجديدة تكسب بس مش كل الناس بتمشى على 120 زيكم ياصقور ولا ايه وعموما زى مانت فلت المهم الاستخارة ولامؤاخذة ..... اقعد انت بالعافيه
الشكل الجديد 2013 الافضل ليكي .. "عربية ناعمة جدا و هي خليط من الكوري في النعومة و الياباني في الاداء"
الشكل 2012 و ما قبله للناس العمليين من الدرجة الاولي
و ياريت تسوقي الاثنين و هتعرفي ما اقصده فعلا
للاسف مش لاقية لانيسان 2012 ولا 2013 قالولى مش قبل 4 شهور
وانا لازمنى عربية بسرعة قبل المدارس لانى بعت عربيتى قلت اجيب افيو مالقتش برضه الا عربية واحدة ولونها مش عاجبنى وصاحب المعرض عايز يبيعهلنا ب90 مع ان سعرها 87 ونص مارضيتش اجيبها وادينى مش عارفة اعمل ايه
طيب مش لقيه افيو ليه
راحت فين الأفيو
مش موجودة ليه يعنى
انا بسال بس
اقولك نصيحة تانية ممكن تعجبك فيه عربيات كتيرررررر اوى دلوقت كسر زيرو موديل 2012
واقصد صنى الشكل القديم هتلاقى حاجات كتير اوى سعرها ممتاز وزيرررررررررررررووووووووو وووو
شوفى واحدة ووديها اوتو ايجيب هيفليها ليكى ب 300 جنيه
وتستخيرى ربنا وتتوكلى وتشترى وتوفرى
وعلى فكرة انا لقيت بردو صنى شكل جديد معروضة للبيع كسر زيرو
ربنا يهديكى ويهدينا سواء السبيل
يا عم سونا براحه علينا شويه... يا عم ما انا كماااااان باحب القديمة و كنت ناوى اجيب سوبر صالون
بس ربك اراد يتوقف انتاجها و اجيب الجديدة
بص يا عم سونا انا اقرييييت ان القديمة صاجها انشف بس بردك ماهياش لادا مش دبابة يعنى
و مع ذلك انشف يا عم حبتين مش حبه من الجديدة... استبينا؟
:w6266d:
( لا صحيح هى فعلا انشف ما انكرتش)
لما قلت بقى ان السيارة مجهزة لتلافى الحوادث اكثر من القديمة كنت باتكلم على الفارق فى الفرامل
بعنى بالجديدة ممكن " لو اراد ربك" فرصة انك تلحق تفرمل و تلم العربية افضل من القديمة ( طب مش النقطة دى تبقى افضل من ان الصاج فى الشكل القديم انشف بس فرصة انك ماتلحقش تلم العربية و تخبط بالفعل اعلى و احب ااكن ان الكلام ده على الشكل القديم بعد ان يعاد انتاجه فى المستقبل و الله اعلم) هو ده اللى قصدته بالفعل يا عمونا و بردك زى ما قلت دى اقدار بس الواحد بيعمل اللى عليه و ربك هوا اللى بيستر
و لمن لا يعلم الموديل القديم عندما يعاد انتاجه فى المستقبل هينزل بفرامل عادية جدا و الله اعلم و العهدة على الراوى و هم كثيرون
واضح ان فى خلاف فى كام نقطة فانا عايز اوضح حاجة بسطة
القديمة : نظام توجيه هيدروليكى الجديدة: نظام توجيه كهربى
القديمة: abs (كانت اختيارى) بس خلاص مش هاينزل فيها لما يعاد انتاجها و الله اعلم الجديدة : abs (قياسى)
القديمة: ebd ( كنت فاكر انه لا يوجد لكن بعد كلام الاخ سونا قرات الكتالوج تانى و اتضح لى انه اختيارى ازاى ما اخدتش بالى ) بس خلاص مش هاينزل فيها لما يعاد انتاجها و الله اعلم الجديدة: ebd (قياسى)
القديمة: ba (كنت فاكر انه لا يوجد لكن بعد كلام الاخ سونا قرات الكتالوج تانى و اتضح لى انه اختيارى ازاى ما اخدتش بالى ) بس خلاص مش هاينزل فيها لما يعاد انتاجها و الله اعلم الجديدة: ba (قياسى)
يا جماعة سونا ستيل ليه عندى حق عرب عشان فى جزئية فى فرامل الموديل القديم كانت خافية عنى
اما بالنسبة لموضوع عااااموووودييين الاتزان فى الجديدة
اعتقد ان انا اللى ليا عندك حق عرب
بص كده يا سونا فى الصورة اللى متاخده من الكتالوج دى
http://img827.imageshack.us/img827/8180/suspensioni.jpg
Uploaded with ImageShack.us
و اقعد بالعافية
أنا معايا سوبر صالون 2012...وإلي معاه الموديل الجديد وعايز يبدل معايا أنا موافق..
...العربية 3 راكب عشان ما ينفعش حد يقعد ورايا واستهلاكها للبنزين سيئ...عايز توفر بنزين يبقى ما تسوقهاش زي العربيات التانية...عايزة سواقة عواجيزي
موضوع شراء عربية ده عاوز وقت وعدم تسرع علشان ما نندمش بعد كده ......وبلاش موضوع الافيو ده ...انا من شهر 12 وانا عاوز اشترى عربية وكنت خلاص نويت على السوبر صالون الشكل القديم وسمعت ان فى شكل جديد نازل وانها ممكن تبقى احسن فاستنيت بتاع تسع شهور لحد دلوقتى علشان ما اقولش يا ريتنى ما اشتريت وحجزت الشكل الجديد..وانا شايف الشكل الجديد افضل من حيث الوسع واستهلاك البنزين وعوامل الامان .......... وموضوع الشد ده الناس هنا جربت العربية وجابوا بيها 185 وعلى التالت وكان فى هنا اخ محترم سرد قصته انه راكب سبارو وشد مع صنى الجديدة وسدت معاه لحد 175 واعتقد انتى مش هتحتاجى ده كله.....فالاستخارة وربنا يوفق لما فيه الخير لك
حضرتك ممكن تاجري عربيه لحد مالكام شهر بتوع حجز الصني الجديده يعدو واهو ممكن تجربي كذا عربيه
جزاكم الله كل خير مشاركات رائعة ومفيدة
انا هاستنى شوية يمكن الاقى النيسان
مبدئيا كده مفيش فرق في الفرامل بين الاتنين ..... نفس قوة الفرامل زي ما نيسان معاودانا الحمد لله
انا معايا القديمة والجديدة طلعت بيها علي الNA ... كنت ماشي 160 -170 وكبست فرامل مرة واحده بس علي اسفلت مش رملة
طبعا الABS مشتغلش بس العربية وقفت في مسافة حلوة زيها زي القديمة
لو فيه فرق اكيد هاقولك وهايبان
بس لما تقارن يبقي عربية مثلا شكل قديم لسه مغيرة تيل ... بعربية صني جديدة
وانا في اخر المشاركة قايل ان الجديدة الباور كهربا وناعم لسيدة وهايفيدها مأنكرتش
وطبعا البارو الكهربا اظرف كتيييييير جوه البلد وديه حاجة تحسب لها
بالنسبة لامكانيات الفرامل ..... انا قلت بخط كبييير
لو القديمة المعلومة بتاعتك صحيحة انها هاتنزل من غير ABS والكلام ده ........ يبقي الامان اولي
ومعناه تجيب الجديدة
واخيرا انا سألت هي فيها استابلايزر ولا لأ ........ وكنت مستني منكم الرد
وديه حاجة كويسة جدا لان اللعربية كنزة ومحتاجة دعامات علشان تثبتها شوية في الملفات
وربنا يبارك لملاكها فيها يارب :))
يبقي انت مخدتش بالك انا قصدي ايه ؟
انت دلوقتي واقف في وش العربية
قدامك حاجتين فوق بعض
الصدر
البار الصلب اللي ورا الاكصدام
الفرق:
القديمة : الصدر واصل من الرفرف للرفرف و الفانوس متشال عليه وعلي الرفرفر
البار الحديد نفس الطول في الجديدة
الجديدة : الصدر نفس طول البار اللي تحت
وبكده يبقي فيعندك حوالي 40 سم يمين وشمال لاقدر الله لو فيها خبطة مفيش حاجة هاتحوشها
وان شاء الله في اقرب مقابلة اوريهالك
انا كمان كنت كلمت م. راجي في النقطة ديه .. وقالي فعلا كلامي مظبوط وعقب علي كلامي ان العربية معمولة سيتي كار من الدرجة الاولي .
اتمني اكون وضحت كلامي ........ وانا مطلعتش القديمة شرك ولا حاجة
انا قلت اللي ليها واللي عليها ...... وحسيت ان القديمة كان اسوأ موديل نزل في الصني
بالرغم انه من رأي افضل موديل للصني كماتور وعفشة و اداء ماشاء الله .... :))
ولو شوفت التعديلات للصني القديمة مش كشكل لا كمواتير هاتعرف انها خدت حقها في التعديلات تلات ومتلت
وده يرجع لماتورها القوي اصلا واللي بيطلع عزم عالبي جدا ماشاء الله ..... وقوة المتور اللي مختفية ورا شكلها الكلاسيك .
واقعد بألف عافية :bye2:
بالضبط كده يا اخ سونا انا كنت فاكر ان الفرامل فى الجديدة فيها خاصيتين زيادة بس طلعو موجودين فى القديمة كاوبشن مع الاوبشن الاصلى و هو abs ( بس طبعا فى من القديمة ما فيهاش abs وكانت ارخص بتاع 3 او 4 الاف)
,و بكده يبقى الواحد يخرج الفرامل من المقارنة لو الواحد بيشترى الموديل القديم اللى فيه
abs
بالنسبة لموضوع التدعيم تحت الفوانيس اعتقد انى بدات افهم وجهة نظرك و كلامك ده بردك مهم (ما هى مش عشان عربيتى يبقى هاقول انها سيارة بات مان المصفحة لا طبعا ممكن يكون القديمة افضل فى الحتة دى ) لو ربنا كرمنا و تقابلنا بعون الله نبقى نبص سوا
و اهو بالمرة لو ربك اراد نبس على عواميد الاتزان اللى اتكلمنا عليها سوا انا جبتلك الكلام من البرشور ... و لو ربك اراد لو جات مناسبة يمكن اعرف اصورهم و نتفرج كلنا سوا هنا
ان شاء الله اشوف حضرتك عل خير وسعدت بالنقاش معك و ربنا يباركلك في الغالية 2 هههههههههههه
وكل سنة وانت والاسرة بألف صحة وسلامة يارب :d
تصدق يا يوسف ممكن نخليها في المقارنة
الصني القديمة .... لو طوالي وطرق سفر
الجيددة لو جوة البلد
هههههههههههه
انا نفسي اطلع طوالي بقي هههههههههههههههه
ههههههههههههههههه هاجيب اوتوماتيك ههههههههههههه
هل ما يقال عن إن 2013 تقفيل مصرى صحيح؟ ولا ده أى كلام ولا إيه؟
و إيه نظام 2012 تقفيل يابان ولا مصر؟