هل وضع السيارة فى جراج يؤمن عليها ولا زى ركنها تحت البيت ؟

**wael6** · 12-08-2012 02:44 AM

السلام عليكم ورحمة الله وبركاته
اولا الله خير الحافظين
ثانيا لست ادرى ان موضوعى هذا فى المكان المناسب ام لا ؟

هل وضع السيارة فى جراج يؤمن عليها ولا زى ركنها تحت البيت ؟

من فضلكم كنت عاوز اعرف التعامل مع الجراج ازاى ؟
يعنى بيكون فى حارس ؟ طب بياخد دخان اد ا يه والاشتراك اد ايه ؟

هل لازم اسيب العربيه مموره ؟ ومينفعش احط كلابش عجل ليها ؟

وهل جراج بحارس افضل ؟ ولا ممكن احطها جوه محل واقفل عليها وخلاص ؟

هل بيكون فى مواعيد معينه له ولا ممكن اطلع وادخل براحتى حتى لو 100 مره فى اليوم ؟

انا من المنصورة
وعاوز عناوين جراج قريب من ش قناة السويس بالقرب من مدرسة فخر الابتدائية ؟
وتكاليفه وتفاصيله من فضلكم

متابع للاهميه
وشكرا جزيلا

**M.Alaa92** · 12-08-2012 02:55 AM

بص حضرتك الافضل تاخد باكية ( مكاان معين ف الجرااج كحدش يركن فية غيرك ) و ده الافضل بحيث انك متسبش المفتااح لحد ولا يقووم الباشا ركن العربية قدامك ف الجرااج و اما تمشى يقوم مطلعها ف الشاارع .

و بالنسبة للخرووج و الدخوول برااااحتك ع الاخر محدش لية حاجة عندك و شوف نظاام اجرااج اية يعنى مثلا بياخد 200 هل شاملة الغسيل ولا ؟؟ و الغسيل اية نظاامو كل يووم مسح و مرة ف الاسبوع غسيل ولا اية النظاام ؟؟ لو شاملة الغسيل انت بتدى شااى 20 ج للواد ولا حااجة ولو مش عااوز برااحتك هو ملزم انو يغسلها

غير حواار الباكية ده منصحش انك تحط العربية ف الجرااج انا جنبى جرااج و اللله العربيات اللى من غير باكيو بتباات برة و ساعات بيلفو بيها حااجة تقرف

**wael6** · 12-08-2012 02:59 AM

المشاركة الأصلية كتبت بواسطة m.alaa92

بص حضرتك الافضل تاخد باكية ( مكاان معين ف الجرااج كحدش يركن فية غيرك ) و ده الافضل بحيث انك متسبش المفتااح لحد ولا يقووم الباشا ركن العربية قدامك ف الجرااج و اما تمشى يقوم مطلعها ف الشاارع .

و بالنسبة للخرووج و الدخوول برااااحتك ع الاخر محدش لية حاجة عندك و شوف نظاام اجرااج اية يعنى مثلا بياخد 200 هل شاملة الغسيل ولا ؟؟ و الغسيل اية نظاامو كل يووم مسح و مرة ف الاسبوع غسيل ولا اية النظاام ؟؟ لو شاملة الغسيل انت بتدى شااى 20 ج للواد ولا حااجة ولو مش عااوز برااحتك هو ملزم انو يغسلها

غير حواار الباكية ده منصحش انك تحط العربية ف الجرااج انا جنبى جرااج و اللله العربيات اللى من غير باكيو بتباات برة و ساعات بيلفو بيها حااجة تقرف

جزاكم الله كل خير

طب ايه راى حضرتك فى وضع السيارة فى محل او جراج بدون حارس ؟

ولا فى الحاله دى اركنها تحت البيت افضل وربنا بيسرتها سبحانه

وشكرا جزيلا

**wael6** · 12-08-2012 03:00 AM

السلام عليكم ورحمة الله وبركاته
كل عام وانتم بخير

ايه رايكم فى جدوى هذه الخطوات لتامين سيارة اجره باذن الله تعالى :-

1- تامين على السيارة ؟ للاجره 5% بيكون مبلغ كبير ؟
2- جهاز gps
3- وضع السيارة فى جراج ام تحت البيت افضل واامن ؟
4- كلابش عجل وكلابش دركسيون ؟
5-زراير فصل كهربا وبنزين ؟

خصوصا الثلاث نقاط الاولى ؟
وهل احدهم يكفى ولا كلهم ولا ايه الافضل عمليا من حيث التكلفه والحمايه باذن الله

واولا واخيرا ندعوا الله الحفظ والحماية برحمته تعالى

وشكرا جزيلا

**semi** · 12-08-2012 03:27 AM

المهم يكون اصحاب الجراج كويسين وسمعتهم كويسة
لان في منهم اصلا هما اللي بيسرقوا العربيات وسمعت حوارات من دي كتير
فأنت تروح لجراج سمعته كويسة واامن طبعا لان في ناس بتسهر على العربيات عشان تحرصها
او لانما تحطها في محل هيكون تمام اوي على الاقل في الجراج مش هتتخدش عشان الناس الحلوة
اللي عايزه نضارات

**mshmshm3** · 12-08-2012 03:34 AM

جراج و تكون ليك باكية لواحدك افضل او ممكن يكون ليك مكان في الجراج و ماتسيبش المفتاح ابدا ابدا ممكن يخرج يلف بيها و ممكن يخبطها و ممكن يفتحها و يشغل التكييف و يتخمد فيها و لو اتخبطت مش هتاخد منه لا ابيض ولا اسود و هاتدخل في متاهة هاتقبل العوض !! و حرام عليك يا مفتري هو حيلته حاجة و علشان راكب عربية هاتدوس علي الناس .
بالنسبة للشهرية بتبقي مبلغ معين بتتفق عليه مع صاحب الجراج مش مع السايس علشان بيضربو علي فلوس و لازم يغسل العربية و ينضفها و انت و مزاجك تديهم فلوس او لا و نصيحة امسك ايدك مع الناس دي علشان الناس دي اه غلابة و كل حاجة و في منهم معلمين مش غلابة بس امسك ايدك معاهم علشان لما بيلاقو حد ايده فرطة بيتنمردو
و ممكن فعلا تشتري جهاز تتبع في العربية في نوع بيفصل الكهربا عن العربية برسالة تبعتها من موبايلك علي رقم الخط اللي راكب في جهاز التتبع بيفصل العربية تماما زي فكرة الايموبلايزر بس ده بيفصل العربية حتي لو المفتاح الاصلي في الكونتاكت كويس اوي و في مفتاح فصل تقدر تعمله و تقدر تبقي تشيل فيوز طلمبة البنزين

**mshmshm3** · 12-08-2012 03:35 AM

جراج و تكون ليك باكية لواحدك افضل او ممكن يكون ليك مكان في الجراج و ماتسيبش المفتاح ابدا ابدا ممكن يخرج يلف بيها و ممكن يخبطها و ممكن يفتحها و يشغل التكييف و يتخمد فيها و لو اتخبطت مش هتاخد منه لا ابيض ولا اسود و هاتدخل في متاهة هاتقبل العوض !! و حرام عليك يا مفتري هو حيلته حاجة و علشان راكب عربية هاتدوس علي الناس .
بالنسبة للشهرية بتبقي مبلغ معين بتتفق عليه مع صاحب الجراج مش مع السايس علشان بيضربو علي فلوس و لازم يغسل العربية و ينضفها و انت و مزاجك تديهم فلوس او لا و نصيحة امسك ايدك مع الناس دي علشان الناس دي اه غلابة و كل حاجة و في منهم معلمين مش غلابة بس امسك ايدك معاهم علشان لما بيلاقو حد ايده فرطة بيتنمردو
و ممكن فعلا تشتري جهاز تتبع في العربية في نوع بيفصل الكهربا عن العربية برسالة تبعتها من موبايلك علي رقم الخط اللي راكب في جهاز التتبع بيفصل العربية تماما زي فكرة الايموبلايزر بس ده بيفصل العربية حتي لو المفتاح الاصلي في الكونتاكت كويس اوي و في مفتاح فصل تقدر تعمله و تقدر تبقي تشيل فيوز طلمبة البنزين

**ma7med** · 12-08-2012 06:44 AM

احسن حاجة محل عشان تتجنب موضوع الخدوش
وكل يوم الصبح البواب يمسحهالك وتتفق معاه على مبلغ معين

**fineart607** · 12-08-2012 06:55 AM

بداخل محل وتغلق عليها احسن شىء بعيد سايس الجراج الى يقعد يحركها 300 مرة فى الليلة ويحكها
ربنا يحفظها لك

**wael6** · 13-08-2012 12:53 AM

المشاركة الأصلية كتبت بواسطة semi

المهم يكون اصحاب الجراج كويسين وسمعتهم كويسة
لان في منهم اصلا هما اللي بيسرقوا العربيات وسمعت حوارات من دي كتير
فأنت تروح لجراج سمعته كويسة واامن طبعا لان في ناس بتسهر على العربيات عشان تحرصها
او لانما تحطها في محل هيكون تمام اوي على الاقل في الجراج مش هتتخدش عشان الناس الحلوة
اللي عايزه نضارات

المشاركة الأصلية كتبت بواسطة mshmshm3

جراج و تكون ليك باكية لواحدك افضل او ممكن يكون ليك مكان في الجراج و ماتسيبش المفتاح ابدا ابدا ممكن يخرج يلف بيها و ممكن يخبطها و ممكن يفتحها و يشغل التكييف و يتخمد فيها و لو اتخبطت مش هتاخد منه لا ابيض ولا اسود و هاتدخل في متاهة هاتقبل العوض !! و حرام عليك يا مفتري هو حيلته حاجة و علشان راكب عربية هاتدوس علي الناس .
بالنسبة للشهرية بتبقي مبلغ معين بتتفق عليه مع صاحب الجراج مش مع السايس علشان بيضربو علي فلوس و لازم يغسل العربية و ينضفها و انت و مزاجك تديهم فلوس او لا و نصيحة امسك ايدك مع الناس دي علشان الناس دي اه غلابة و كل حاجة و في منهم معلمين مش غلابة بس امسك ايدك معاهم علشان لما بيلاقو حد ايده فرطة بيتنمردو
و ممكن فعلا تشتري جهاز تتبع في العربية في نوع بيفصل الكهربا عن العربية برسالة تبعتها من موبايلك علي رقم الخط اللي راكب في جهاز التتبع بيفصل العربية تماما زي فكرة الايموبلايزر بس ده بيفصل العربية حتي لو المفتاح الاصلي في الكونتاكت كويس اوي و في مفتاح فصل تقدر تعمله و تقدر تبقي تشيل فيوز طلمبة البنزين

المشاركة الأصلية كتبت بواسطة ma7med

احسن حاجة محل عشان تتجنب موضوع الخدوش
وكل يوم الصبح البواب يمسحهالك وتتفق معاه على مبلغ معين

المشاركة الأصلية كتبت بواسطة fineart607

بداخل محل وتغلق عليها احسن شىء بعيد سايس الجراج الى يقعد يحركها 300 مرة فى الليلة ويحكها
ربنا يحفظها لك

متشكر جدا لاهتمامكم وردودكم القيمه
حفظنا الله جميعا من اى سوء

ايه رايكم فى جدوى التامين على السيارة من عدمه خصوصا انهم بياخدوا مبلغ 5% من ثمن السيارة سنويا ؟

وما افضل جهاز gps
خصوصا mvt100 - tk 103b

متابع حضراتكم للاهمية
وشكرا جزيلا