عربية 408 الفئة الأولى أوتوماتيك

**MSL** · 12-08-2012 12:50 PM

السلام عليكم و رحمة الله و بركاته

انا عجبانى العربيه جداً بامكانتها و صالونها المميزين جداً
و الضمان بتاعها 5 سنين بدون كيلو متر

و عايز اجيب واحدة ان شاء الله

بس للأسف مش لاقى أى معلومات او اي إفاده فى القسم هنا عنها

ممكن أى معلومات عنها سواء مميزات أو عيوب ليها؟
أنا كل الى عرفته أنها تقفيل بيجو الى موجوده فى الصين
و اتهيألى مش هتفرق كتير زيها زي البي أم الى ببتقفل فى مصر

منتظر أراءكم بالذات أنى أول مره هتعامل فيها مع بيجو

**faraha** · 12-08-2012 04:02 PM

منتظرة حد يفيدنا جوزى بيفكر يشتريها برضه

**esmailzaki** · 12-08-2012 06:24 PM

هى العربية دى مع واحد صحبى من 6شهور العربية ممتازه جدااااااااااااااااااااااا اااااااااااا
انا متابع علطول صحبى و كل يوم بيشكر فيها اكتر واكتر وبساله عن التوكيل لانى عارف انه سىء بعض الشىء
لكن الراجل بيقولى توكيل كويس وبيتصلوا بيه عشان الصيانات وبيقولى ممتاز جدا
بالنسبه بقى للعربية العربية بيجو تجميع صينى والعربية موتور وفتيس 307 بس بعد التعديل وعلى فكرة بكده مخلى سعر قطع الغيار رخيصه جدا ومتوفره عشان ال307 قديمه وكمان سعر الصيانات بسيطه اوى
بالنسبالى انا سوقت العربية شويه صغيرين بس الصراحه العربية اوهمتنى تحفه هى عربية اوربية فعلا عزل ممتاز ساوند ممتاز سحب ممتاز صالون ممتاز بصراحه عربية جامده جدا اللى عايز اى حاجه فى العربية يقولى وانا تحت امركوا واللى عايز يشترى يتوكل على الله بجد ممتازه انا على فكره مش تبع التوكيل ولا تبع اى حد انا رئيس جمهورية نفسى بس

**الغزالى** · 12-08-2012 07:14 PM

المشاركة الأصلية كتبت بواسطة msl

السلام عليكم و رحمة الله و بركاته

انا عجبانى العربيه جداً بامكانتها و صالونها المميزين جداً
و الضمان بتاعها 5 سنين بدون كيلو متر

و عايز اجيب واحدة ان شاء الله

بس للأسف مش لاقى أى معلومات او اي إفاده فى القسم هنا عنها

ممكن أى معلومات عنها سواء مميزات أو عيوب ليها؟
أنا كل الى عرفته أنها تقفيل بيجو الى موجوده فى الصين
و اتهيألى مش هتفرق كتير زيها زي البي أم الى ببتقفل فى مصر

منتظر أراءكم بالذات أنى أول مره هتعامل فيها مع بيجو

لو حضرتك مهتم ممكن تكلمنى على 01000454869 .. موجوده عندنا فى الاحمدى موتورز
و فى المعادى واقف عندى اول فئه واخر فئه

**Unendlich** · 13-08-2012 05:31 PM

رد من موضوع مشابه قبل كده

المشاركة الأصلية كتبت بواسطة unendlich

أولا: الشاسيه 308 مش 307 و وسع العربية من جوه حكاية
ثانيا: الموتور 307 و ده مفيش منه مشاكل
ثالثا و اللي بيعمل فوبيا للناس: الفتيس. الفتيس بتاع ال 307 هو هو بتاع ال 308 اللي اسمه al4
و ده مسمعناش عن مشاكل تذكر منه مع ال 308 نظرا لبعض التعديلات اللي اتعملت عليه ... زائد كمان انه انعم بكتيييييير على ال 308 (و بالتالي ال 408)
و نرجع و نقول هي 308 سيدان و لا تندرج تحت ال 400 series بتاعت بيجو. ال 400 و ال 600 تم استبدالهم بال 508, يعني ال 408 لا تعتبر خليفة لل 407 و تعتبر فئة أقل
أخيرا بقى و دي المفاجأة, ضمان العربية دي 5 سنيييييييييين, يعني اركب و انسي.
عامة حضرتك لو من القاهرة روح فرع صلاح سالم الجديد هتلاقي واحدة كحلي واقفة اتفرج كده عليها و شوف كده لو باين عليها إنها تقفيل صيني

**samomodrek** · 14-08-2012 07:33 AM

العربيه مع واحد صاحبي من شهرين أول فئه اوتوماتيك اللون أبيض وده أحلى لون ليها والله العظيم وهم وهو بيمشي بيها كتير جدا يعني في شهرين عمل 10000كيلو وسافر بيها كتير جدا والثبات تحفه وبالنسبه للصيانه هو راح لما كان العداد 2500كيلو وبيتم فيه انهم بيشيكواعلى العربيه ولو ليك ملاحظات بيعملوها وهما محترمين جدا جدا جدا ومفيش صيانه 5000كيلو لأن العربيه بتفضل بزيت المصنع لحد ميتغير في صيانه 10000كيلو وأي حاجه أنا في الخدمه

**MSL** · 14-08-2012 12:38 PM

المشاركة الأصلية كتبت بواسطة samomodrek

العربيه مع واحد صاحبي من شهرين أول فئه اوتوماتيك اللون أبيض وده أحلى لون ليها والله العظيم وهم وهو بيمشي بيها كتير جدا يعني في شهرين عمل 10000كيلو وسافر بيها كتير جدا والثبات تحفه وبالنسبه للصيانه هو راح لما كان العداد 2500كيلو وبيتم فيه انهم بيشيكواعلى العربيه ولو ليك ملاحظات بيعملوها وهما محترمين جدا جدا جدا ومفيش صيانه 5000كيلو لأن العربيه بتفضل بزيت المصنع لحد ميتغير في صيانه 10000كيلو وأي حاجه أنا في الخدمه

شكرا يا باشا على المعلومات ديه و انا ان شاء الله ممكن أحجز بكره
بس كان عاجبنى اللون الأسود جداً ....... الأبيض مشفتوش فى المعارض خالص
شفت اسود-أزرق-أحمر-شامبين

و التوكيل الى راحو صاحبك فين مكانه ؟ و هل دفع اي فلوس و لا حاجه وقتها ؟

**MSL** · 14-08-2012 12:40 PM

المشاركة الأصلية كتبت بواسطة unendlich

رد من موضوع مشابه قبل كده

شكرا يا باشا على الرد و ربنا يكرم فيها ان شاء الله

انا كنت محتار جداً بينها و بين الامبيرزا الجديده
الاتنين تعبونى من التفكير

**samomodrek** · 15-08-2012 05:11 AM

الشكر لله احنا اخوات في الاخر بس صاحبي جاب من معرض في محافظة المنيا علشان هو منها انا شفت منها الاسود وهو شيك جدا جدا بس مشكلته في انه بيمتص اشعة الشمس فالعربيه هتبقى سخنه وعلى العموم ربنا يوفقك