عاوز اجيب لادا 2107 روسى زيرو

**wallpaper68** · 12-08-2012 01:00 PM

ازيكو يا رجاله و كل سنه و انتو طيبين.....انا عاوز اجيب عربيه لادا 2107 و روحت اساءل فى شركه الامل قالولى مافيش غير المصرى لان الروسى اتوقف انتاجه و انا مش عاوز المصرى....و لكن بلاقى ناس هنا بتقول ان الروسى موجود....و بلاقى ناس بتقولى اساءل فى معارض العربيات و لكن انا عمرى ماشوفت معارض العربيات زى المصريه للسيارات حاطه اللادا و بصراحه باتحرج اسأل.....فهل حد ممكن يعرف فين الاقى اللادا الروسى و بتتباع فين؟! و شكرا

**mailo** · 12-08-2012 02:00 PM

ياباشا مش هي دي اللادا العادية بتاعتنا اللي منها التاكس دلوقتي

أنا معرفش سعرها كام بس لو عايز رأيي خليك في حاجة حديثة على الأقَل الكرسي بتاعها والمساحة هتكون مريحة
واعتقد إن مادام قال لك إن فيه مصري يعني بتتصنع هنا يبقوا وقفوا تصديرها
الله أعلم

**Ahmed_Ramadan** · 12-08-2012 02:21 PM

أظن مفيش لادا روسى فى السوق

**wallpaper68** · 12-08-2012 04:22 PM

شكرا يا رجاله على الردود

**tom_gr** · 18-08-2012 11:42 PM

نتكلم بالمنطق

هاتجيب جديد بكام ؟ 50 ؟

طيب وليه مع انها ماتفرقش حاجة عن الى موديل سنه 80 هى هى وب 20 الف يعنى هاتوفر 30 الف بحالهم

وثانيا تدفع 50 الف فى لادا ؟

طيب ماتكمل عليهم شويه باى طريقه وتجيب حاجات فيرنا ولا لانوس

ابعد عن اللادا الجديد خلاص موديل وانتهى

**lad** · 19-08-2012 05:34 AM

كفاية لادا

**hassanin_lada** · 19-08-2012 07:26 AM

متابع وكل سنه وانتو طيبين

**mirra** · 19-08-2012 08:31 AM

سعادة الباشا...اولا كل سنة و انت طيب....ثانيا....فعلا الادا الروسى و قف انتاجها فى بلد المنشأ روسيا منذ ابريل 2012 و شركة الامل ما نزلتهاش اصلا فى 2012 لان واحد صاحبى كان عايز واحدة فى اول السنة و كان الموجود فقط 2011...الادا سيارة قوية و اعتمادية و سهلة الصيانة و على اد فلوسها مع احتلرامى لاراء الاخرين.

**MEKAWY2000** · 19-08-2012 09:57 AM

وكمان الدا المستورده اوكرانى لان روسيا وقفت التصنيع من 2007 والمصرى بصراحه مصارفها كتيررررررررررررر لضعف الصاج وسوء التقفيل وغش قطع الغيار وكمان الامل غير خط الانتاج الى البى واى دى يعنى الى هتلقيه ملحق 2011 انا زرت المصنع من شهرين وكل الادا الموجود مصرى فى المخازن من 2011 وبيطلع بفاتوره 2012