السلام عليكم,
حد جرب اداء الفتيس الاوتو لما تدوس بنزين جامد شوية - خصوصا النقلة من الثاني للثالث
انا بحس ببطيء في النقلة من الثاني للثالث لما بكون دايس بنزين جامد
عرض للطباعة
السلام عليكم,
حد جرب اداء الفتيس الاوتو لما تدوس بنزين جامد شوية - خصوصا النقلة من الثاني للثالث
انا بحس ببطيء في النقلة من الثاني للثالث لما بكون دايس بنزين جامد
ياريت حد يقولى فايدة الزرار اللى فى الفتيس الأوتوماتيك من تحت (زرار مدور علية رسمة زى نجمة) سانديرو أوتوماتيك
شكرا
لو بتنقل براحتك بتحس بنشه خفيفه
لو بتحرق على الفتيس مبحسش بالنتشه
بس فى حاجه غربيه بلاحظها لما العربيه بتكون على وضع المانيوال الغيار الثانى بيغير مرتين
بمعنى لما بتكون على الثانى ال rpm بيرتفع و بعدين ينخفض و بعدين يرتفع زى ما يكون بينقل على مرتين انما باقى الغيارات عاديه جدا
النقلة الثانية في كل الرينو الاوتو تحسها مقسومة على نقلتين و الكلام ده بناء على كلامي مع الوحوش في المقابلة الاخيرة و ماشي مع كلام مهندس التوكيل
الكلام ده واضح مع الاستيبترونيك و الd
تحس النقلة لحد 2 ولا 2.5 rpm و بعدين يقل لحظة و يكمل معاك لل3 او 3.5
طيب يا ريت الاخ جبريل يقولنا لو شايف اي عيوب في العربيه وهل سوقت ياباني او الماني قبل كده علشان تقارن ؟
هل فعلا فيه فرق شاسع بين الالماني واللوجان عالطريق؟
ياريت تفيدوني لاني بفكر اجيب اللوجان بس متردد شويه
اكيد اللي ساق اتوماتيك فئة اعلي من اللوجان
هيقدر يقارن افضل ويوضح لينا الفرق بين
فتيس اللوجان اتوماتيك وباقي السيارات
العربية سعرها مقابل اللي بتديهولك مناسب جدا جدا و افضل عربية في السعر ده و لو قارناها بحاجة اعلى منها هنبقى بنظلمها
انا سقت الماني و ياباني و كوري و صيني و اوروبي و امريكي الحمد لله
محصلة العربيات اللي سقتها سواء مانيوال او اوتو ان كل عربية مختلفة عن اللي بعدها نظرا لأن كل شركة بتهتم بحاجة مختلفة عن الثانية
الاختلافات الواضحة بتبقى في جودة التقفيل و دي بتختلف على حسب البلد اللي العربية متقفلة فيها فمقلا الكورولا الجنوب افريقي لما ركبتها قلت ايه القرف اللي تويوتا عاملاه ده مقارنة بكورولا 2003
اللوجان لما تقارنها بالفيرنا و الانوس و الساجا و الافيو و العربيات دي كلها تلاقيها احسنهم الحمد لله
حتة التردد دي هتحسمها حاجتين:
1- انت محتاج ايه من العربية
2- تنزل تتفرج على العربيات اللي حاططها في دماغك و تقرر
اولا الف مبروك يا باشا و ان شاء الله تستلم على خير =)
ثانيا فتيس اللوجان الاوتو هو فتيس 4 سرعات عاااااااااااااادي جدا مفيهوش اي افتكاسة زيو زي فتيس النيو اكسنت مثلا و الكيا الريو و السيراتو ال4 سرعات استيبترونيك و الانسر الاوتو ال1300
فكرة الفتيس الاوتو ال4 سرعات واحدة و الشركات بتتنافس بقى في انها تخلي الفتيس نقلاته سلسة ، لما تحب تعمل كيك داون يبقى اداءه كويس، بعض الشركات بتحاول تخليه في الاداء قريب من المانيوال، شركات ثانية بتركز على استهلاك البنزين و هكذا ...
لكن في شركات ثانية بتعمل فتيس مش 4 سرعات في 5 و 6 سرعات علشان يوفر في البنزين و في نفس الوقت يريح العربية بس فتيس اوتو بردو عادي
في شركات زي فولكس جروب كلها دلوقتي دايسة في الفتيس الاوتو الdsg علشان تخلي اداء العربية مرضي جدا و ده فكرته ببساطة ان بيبقى فيه 2 دبرياج بس كهرباء واحد بيبقى معاه النقلات الفردي و الثاني الزوجي لما تبقى على الاول الدبرياج الزوجي يبقى بيجهز الثاني تنقل ثاني الفردي يجهز الثالث و هكذا
في شركات ثانية بتعمل فتيس الcvt زي ميتسوبيشي في الانسر ال1600 و نيسان في عربيات كثير زي الجوك و القاشقاي و ده بيبقى حلو في استهلاك البنزين و هدوء العربية و سلاسة النقلات و عن تجربة في الانسر ال1600 فتيس راااااااااااائع و ده فكرته ببساطة انو بيبقى متكون من ترسين و سير بينهم كل مالسير بيتشد بيغير النقلة لأعلى و كل ما يرخي بيغير للاقل
تويوتا بردو حبت تعمل فتيس الMMT اللي هو بيدي نفس عزم الاوتو بس منجحش في مصر مش عارف ليه
جنرال موتورز بردو عملت فتيس انا بعتبرو بردو من احلى الافكار للفتيس و هي الازي ترونيك زي اللي نازل في الاوبل فكترا و استرا 2008 و ده بيبقى فيه اسطوانة و ديسك و بلية حقيقيين و بيتاكلو بردو مع الوقت بس الفكرة ان الدبرياج كهرباء بس منصور ربنا يسامحوا معرفش يسوق للعربيات دي كويس و في نفس الوقت اعتقد مش متأكد انو مبيعرفش يصينو قوي
فورد بردو عاملة فتيس جديد نازل في الفوكس بس معرفش حتى اسمو ايه
الخلاصة ان التكنولوجيا في الفتيس بتتغير كل يوم عن اللي قبله و ان فتيس اللوجان هو فتيس عاااااااااادي جدا من اللي بينزل في معظم العربيات
يا باشا الف شكر
متشكر جدا علي الاهتمام والرد
وعلي المعلومات القيمة المفيدة
لكن هقول لحضرتك حاجة حساس بيها . وهي إن شكل الفتيس مختلف عن معظم اشكال الفتيس الاتوماتيك في باقي السيارات . فساعات بيجيلي احساس انه تكنولوجيا قديمة شوية .
يمكن انا معرفتش اوضح سؤالي من الأول . يعني الفتيس بالنسبة للنيو اكسنت والريو . منافس ليهم او زيهم ولا هو اقل تكنولوجيا في الاتوماتيك بالنسبة لباقي السيارات . ؟؟؟؟؟؟
طبعا انا عارف إن سعر العربية اوتوماتيك يعتبر مش غالي . واي عربية تانية فيها فرق سعر لازم طبعا يأثر علي تكنولوجيا السيارة . لكن حتي يطمئن قلبي فقط .
الله يطمنك
فعلا انا اقصد الشكل بصراحة صعب اوي بالمقارنة بالاشكال التانية
لكن المهم عندي طبعا التكنولوجيا .أنا كنت رابط بين الشكل والتكنولوجيا .
لكن بصراحة معظم مشاركات كانت من اهم الاسباب اللي خلتني اتوكل علي الله
واحجز اللوجان .
شكرا يا باشا علي الاهتمام والرد