الموضوع: استفسار عن الصيانة الدورية !

المشاركة الأصلية كتبت بواسطة mody100

السلام عليكم
دلوقتى واحد صاحبى معاه شاريد موديل 91 هاتش باك 1300 اوتو و إن شاء الله مسافرين فى العيد عايز اعرف اية نغيرو قبل من نسافر غير الزيت و السيور و الفلاتر و اتشك ابن على المكنة و العفشة و تربيطها و حالت الكاوتش كويسة
مع العلم العربية بتاكل بنزين جامد يعنى ممكن تعمل فى التنك كله 100 كيلو بس طبعا حانعدى على حد بتاع كربراتير نشوف اية الكلام ده مع ان شاكك و قلتله اكيد راكب فيها بيكات كبيرة
و الار بى ام المفروض يكون على كام و العربية على السلانسة؟ هو بيبقى على 1 او على 12 مثلا انا شايفه كتير هو بيقولى لا عشان اوتو و اخيرا كدة كدة احنا مش حانجرى يعنى يادوب 100 بالتكيف حلو اوى مستنى ردكم و شكرا اوى يا جماعة .

اللي حضرتك بتقوله ده معناه ان في تسريب مش مسألة ان العربية بتاكل بنزين

يعني المفروض تعمل في اقل الاحوال 450 كم اكيد في حاجه غلط

لو العربية بتسخن يبقي في الغالب علبة البيئة هي السبب راجع الموضوع ده عند حد محترم

انصحك بأبو اليزيد في شارع احمد سعيد

راجع علي زيت الموتور والفتيس والفرامل والباور

راجع علي سير الكاتينة والبلي واتأكل من سلامتهم شوف اخر مرة اتغيروا امتي

يفضل تغيير سير الدينامو والتكييف بنوع معتمد

يفضل تغيير البوجيهات وفلتر الهواء (موضوع استهلاك البنزين)

في نوع ياباني ngk شركة التوفيقيه الوكيل المعتمد بتبيع الطاقم العادي ب 75 جنيه

سيبك من البوجيهات اللي في السوق

مهم جدا في الحر والتكييف سائل التبريد ومراوح التبريد الردياتير والسربنتينة

راجع علي العفشة والكاوتشوك ومهم الاستبن والكوريك والمفتاح

خلي معاك نص كيلو زيت احتياطي ومياه تبريد احتياطية وجركن بنزين للطوارء 20 ليتر

روح لمركز الفيروز المهندس سيد الفراش بالحرفيين خلف مسجد العزيز بالله

او مركز الصفا بجسر السويس قرب مزلقان القطار اللي قدام قباء (لمراجعة الكربراتير) في حدود 70 جنيه

وفي النهاية اتمني لك ولصديقك رحله ممتعة وموفقة بأذن الله