مساعدة في نيسان أوتوماتيك 94

**أحمد كوجار** · 11-08-2012 04:51 AM

مرحبا.
عندي عربية نيسان أوتوماتيك 94 وجربت اجري بيها فترة عشان الموتور كان مخنوق.
المهم فحت سرعتها بس بتثبت على اي سرعى ماشي بيها لما اسيب دواسة البنزين يعني ماشي80 تفضل ماشية بسرعتها لغاية ما ادوس فرامل تبدأ تهدي شوية، وبتاكل بنزين حالياً بشكل كبير.
ملحوظة العربية بتشرب البنزين شرب حالياً.
برجاء المساعدة وشكرا

**Dr_MaTrix** · 17-08-2012 07:05 AM

والله انا هقولك على حاجة كانت بتحصل معايا بس فى البيجو 504 كنت لما اضغط جامد على العربية فى سرعة ولا حاجة الاقى العربية واخدة بنزين على طول حتى لو انا مش دايس بنزين وده كان سببه ان بوابة البنزين بتفضل مفتوحة عندى وما بتتقفلش حتى لو شيلت رجلى وروحت للميكانيكى وظبطها لى وسهلة وما خدتش وقت.......مش عارف بقى دى ممكن تكون عندك ولا حاجة تانية ان شاء الله الاعضاء اللى بعدى يفيدوك اكتر منى

**أحمد كوجار** · 18-08-2012 02:28 AM

شكراً على الاهتمام.
هاحاول اشوف السبب ده لأنه فعلاً استهلاكها في البنزين رفع بشكل غريب، كل يومين 15 لتر رغم اني بامشي مسافات بسيطة.
تحياتي الخالصة

**FBIAhmed** · 18-08-2012 06:25 AM

هي كارب و لا انجكشن

**أحمد كوجار** · 19-08-2012 07:39 AM

كل عام وانتم بألف خير وعيد سعيد

**Bishoy.Girgis** · 19-08-2012 09:00 PM

و بوبات البنزين اكيد عايزة تنظف

**bondok20002002** · 23-08-2012 01:33 PM

موديل 94 وإنجكشن إنت متأكد ؟

**أحمد كوجار** · 25-08-2012 02:42 AM

معذرة كنت مسافر,
عربيتي نيسان خليجي، فيه بعض الزملاء بيقولوا السلك اللي متصل بالدواسة، مش متاكد من السبب.

**أحمد كوجار** · 27-08-2012 03:23 AM

تجربتي مع بطارية اسي ديلكو.
خلال عامين منذ شرائي نيسان صني 94 أتوماتيك لم تعطل البطارية سوى مرتين.
وشحنتها بمشترك مرة على الطريق، ومرة تاني عند ميكانيكي ، وأمس، عطلت بالليل، والمارش منطقش.
المهم خدت كهربائي ورحت شغلها ببطارية معاه.
وكشف عليها في المحل طلع شحنها منتهي يعني ماشية حلاوة روح بقالها سنة، بس لما كانت بتعطل واطنش اشغلها بعد ساعتين تشتغل من غير اشتراك.
في الأخر ركبت بطارية اسي ديلكو جديدة بس جافة.
فيه ناس تقول لي البطارية اللي بتزود مياه افضل، بس حبيت اخد رايكم هل انا عملت الصح مع اختيار البطارية دي ولا ايه؟
وتحياتي