مشكلة فى ابيزا 94 ومحتاج لحضراتكم ضرورى

**mous6fa** · 13-08-2012 04:20 AM

السلام عليكم ... أنا الحمدلله ربنا وفقني ف ابيزا 94 والحالة العامة للعربية كويسة جدا وربنا يبارك فيها ... بس أنا عندي مشكلتين فيها وقولت أخد رأيكم الأول عشان مش عاوز أتبهدل مع الصنايعية اللى بتحب تفتي وخلاص ...

أول مشكلة إنى لما جربت العربية وأنا بشتريها كانت سرعتى بيها عادية ومش شديت بيها ولا حاجة ... مجرد تجربة لصوت الموتور وإستجابته وحالة العفشة وكان كل شىء زي الفل ... النهاردة بقى طلعت بيها ع الطريق وأتضايقت جداااااااا ... لاحظت ان فى صوت عالى اوووي من الموتور بيظهر بعد الـ 100 كيلو وبيفضل مستمر وكإن فى خشونة أو حاجة بتعمل إحتكاك جامد اوووي ف الموتور من جوه ... صوت شبيه بصوت العربيات الدفع الخلفى لما بيكون عمود الكردان فيه مشكلة ... العربية سحبها كويس جدااا وكانت عاوزة تشد مفيش مشكلة بس الصوت حسيت ان فى مقاومة بتحصل جوه الموتور وخوفت أقرص عليه عشان مضمنش ايه اللى ممكن يحصل.
تاني مشكلة بقى لاحظت ان مروحة الريداتير بتشتغل كتير اوووي طول مانا ماشي ومؤشر الحرارة شوية يكون عند النص وشوية يرجع تاني عند التلت ... بس المروحة بتفصل عادي وترجع تشتغل .. هل الموضوع ده طبيعي طالما العربية مش بتعدى النص ولا الكلام ده مش طبيعي ؟؟
وشكرا جزيلا لتعاونكم معايا ....

**alzelafy** · 13-08-2012 05:54 AM

الصوت اللى بييجة فى السرعه دا بليه العجله خلى عفشجى يركب معاك و يحدد اى عجله بليتها بايظه و فكها وروح عند اى واحد بتاع رومان بلى و هات زيها نفس المقاس و خد القديمه معاك هى ب 20 جنيه و الاصلى هتعدى ال 100

**SYD** · 13-08-2012 05:59 PM

اولا الف مبروك عليك العربية
ثانيا اهلا ومرحبا بيك في قسم سيات 0 عضو جديد معانا

بالنسبة للحرارة والمروحة طبعا دة شئ مش طبيعي
حضرتك في كوعة مياة عندنا - راكب فيها ثرموستات
واضح ان الثرموستات متشال من الكوعة

المفروض عندنا في الأبيزا بتكون مؤشر الحرارة ثابت علي النص مش بيتحرك لا اقل ولا ازيد

تحياتي

**SYD** · 26-08-2012 03:51 AM

بالنسبة للصوت انا شاكك انه اما طرمبة باور ومتاكلة (لو عربيتك باور)
او صوت بلي عجل
او ممكن بردو بلية الدبرياج بس دي صوتها مش هتلاحظه بالدرجة اللي حضرتك بتوصفها بيها
لأن احنا ماعندناش اي حاجة ممكن تعمل صوت تأكل او احتكاك زي الدفع الخلفي (الكرونة)

أكشف علي الردياتير لأن ممكن يكون فيه مواسير مسدودة او ضعف في طرمبة المياة مش بتقلب كويس

**احمد فهمى** · 29-08-2012 03:07 PM

بلي عجل او بلية شداد او طرمبة مياه اعمل صيانه انت متضمنش صاحبها اخر مره عمل صيانه امتى

**SYD** · 03-09-2012 11:39 AM

الحمد لله ان الصوت طلع من بلي العجل
ومشكلتك اتحلت
الأسعار طبعا جامدة جدا - الف مبروك
بس ياريت لو حضرتك تشارك في هذا الموضوع http://www.nilemotors.net/Nile/17265...post3872942280
وتكتب الأسعار والماركات