المشاركة الأصلية كتبت بواسطة mmamdouh
ممكن تجيب نوبيرا 2005 او 2006 نضيفة... اعتقد ال2007 ممكن توصل لمنتصف الخمسينات (لو الميزانية تسمح يبقى مفيش مشاكل)
خللى بالك ان اى عربية مستعملة هتوديك لعبدة (او اى ميكانيكى بشكل عام يعنى) لان دى طبيعة المستعمل و دة اللى بيعمل فرق سعر بين الزيرو و المستعمل
الفكرة بقى انك تجيب العربية اللى حالتها افضل من ناحية الساسيات و الميكانيكا و متسترخصش لان العربية الى بتوديها لميكانيكى عشان تعمل صيانة دورية او محتاجة طقم كاوتش او بطارية احسن مليون مرة من عربية بتروح للميكانيكى تتصلح عشان عفشتها تعبانة او موتورها صوتة عالى... اظن انت مجرب و عارف الحوار دة كئيب قد ايه
مش عارف تحديدا الاسعار لان انا مش دايس اوى فى القصة دى بس هى الفكرة من الترشيح دة انك تجيب احدث موديل "دايو" مش "شيفرولية" لتلافى مشاكل الشيفرولية مع سعر مناسب... اعتقد العربية دى ممكن تبقى فى حدود ال50 الف او حاجة كدة
بالنسبة ليا انا... الحجم
انا مبحبش العربيات الطويلة و العريضة و كمان انا قصير و محبش ابقى قاعد فى عربية و حاسس انى محتاج تخشية عشان العربية واسعة عليا
بالنسبة ليك عشان انت ما شاء الله طويل اعتقد النوبيرا هتبقى احسن ليك فى النقطة دى.... دا طبعا غير ان النوبيرا متورها اقوى و تكييفها اقوى و شنتطها اكبر... من الاخر النوبيرا ركوبة احسن من اللانوس بس السوق هو اللى مساوى سعر الاتنين فى المستعمل
mmamdouh